MAKHALELO A MAKRISTU
Awosa ennilipihera weera enivarele
Asitokweene a esirkwiitu ni asaaraya ennoonihera nsivelo neekhaikhai ni ennaalipiha ale enaavarelaaya. Mene nto hiiho ntoko hiyo, awo akhalano soothowa saya ni ikwaha ikina ennakhulumuwa, ennattettheya ni oxupeya. (Yak 5:17) Nnamweera evirihaka itthu iya, isemana sootheene awo enniivaha etempu weera yaalipihe asinna ni asirokora a mmulokoni yaawo enaaxekuraaya. Moohihovela, asitokweene a esirkwiitu ennapwanela ‘ottottopeliwa veeli-veeli’.—1Tim 5:17.
Vaavo murummwa Paulo ampankaawe palanu ooxekura muloko wo oRoma weera ‘aavahe yoovaha ekina ya munepa wootteela’ asinna a iwe, yootthunaawe waari ‘olipihana mukina ni mukhwaawe’. (Arom 1:11, 12) Ankha nyuwo? Mootoko wuupuwelela moota mukhaalaanyu woomulipiha mutokweene a esirkwiitu vamoha ni amwaariye, wakhala weera owo oothela
MOONELE EVIIDIYU ENEERA: MUTEKO WA MUTOKWEENE A ESIRKWIITU MAPURO OORAKAMELA NI ECIDADE. AVINYAKA MWAAKHULE MAKOHO ALA:
Asitokweene a esirkwiitu ni asaaraya enoonihera moota heeni osiveliwa ni miloko?
Nankha nyuwo meekhaanyuru, mwaattottenle hayi mureerelo oxekuriwa ni mutokweene a esirkwiitu?
Moota heeni nikhanlaahu woowaalipiha asinna awo?