Nvariheleke muteko soweereya sikhumelenle vaanano mwalaleeraka vale

Ikwaha ikina Yesu alaleeraawe, annavarihela muteko sowereya sakhumelela vaananoro weera aaxuttihe atthu. (Lk 13:1-5) Nyuwo tho pooti ovarihela muteko sooweereya sikhumelenle vaanano weera atthu etthuneke wiiwa masu a Omwene. Mwa ntakihero, nyuwo poti ohima orika wa itthu, okhumelela wa erisa ya epwattu, ekhotto, otxiwa wa mirette soohapala naari ni itthu ikina. Avinyaka mmukohe mutthu owo nikoho nneera nimuupuwelelihe etthu. Nyuwo pooti okhoha ha: “Mwa moonelo anyu neereke maxupo ala anoomala . . . ?” Naari “vano, munoona weera taani onrowa omaliha maxupo ene yaala . . . ?” Avinyaka, nyuwo pooti omoonihera yoolepa ya mBiblyani nvarihana ni mwaha munuulumaanyu. Wakhala weera mutthu owo ohoonihera ntthuno, mmoonihere eviidiyu naari ebuukhu eri va ikaru sooxuttiha. Napaka eyo, nnoorowa ovara mirima sa atthu amuttette ahu, nipakaka “sothene ntowa na Evanjelyu.”—1Akor 9:22, 23.

Yooweereya heeni ekhumelenle vaanano enkela oweeriha atthu amuttette anyu otthuna wiiwa mittheka sa Omwene?