Eprograma ya Esumana 28 ya Julyo

ESUMANA 28 YA JULYO

Nsipo 58 ni Nivekelo

□ Yoosoma ya Biibiliya ya Muloko:

my muru 42 (30 min.)

□ Exikola ya Orummwa wa Muluku:

Omusoma Biibiliya: Mothakoni 1-3 (10 min.)

N.° 1: Mothakoni 3:21-38 (4 minutu wala ohiphiya)

N.° 2: Yehova Onoowerya, ni Onniphavela Waahihimuxa Ale Akhwiiye​—bh muru 7 itti. 13-15 (5 min.)

N.° 3: Tani Anrowa Ohihimuxiwa?​—bh muru 7 itti. 16-17 (5 min.)

□ Muthukumano wa Orummwa:

Nsipo 89

10 min: Nyuwo Muhiilokiherya Wira Muxintte Mixankiho Oxikola? Mwaha ni makoho vakhaani. Mwaavekele anna wira ahimye mixankiho amiravo maKristau anikumana aya oxikola. Mutthokiherye moota anamuyari akhanle aya oomurumeela Web saite ahu ni iliivuru sikina wira yaakhaliherye anaaya. (1 Ped. 3:15) Muthanle mwaha mmosa wala miili, ni muhimye moota nikhuuru nahu ninnikhaliherya aya. Mwaavekele anna wira ahimye moota yaawerya aya olaleerya okathi yaasoma aya.

10 min: Ovaanela ni Sekretaario a Muloko. Mmukohe so: ‘Miteko xeeni munivara anyu ntoko sekretaario? Axitokweene a igrupu ni anamalaleerya, anrowa wookhaliheryani sai opaka erelatoorio ya muteko wa muloko okathi wooreerela ni yooloka? Erelatoorio yooloka enaakhaliherya sai axitokweene a mmulokoni, mutokweene a esirkwitu, ni efiliyaali wira evahe nikhaliheryo nintthuneya?’

10 min: “Mwaatakiheke Maprofeta​—Sofoniya”. Makoho ni waakhuliwa.

Nsipo 70 ni Nivekelo