Yehova Onnaakhapelela Arumeyi Awe

Paasikha oopacerya naari niira na efaita yuulupale. Ohiyu ole, nuumala Farawo osuwela wira anamwane oopacerya oyariwa otheene a wExiitu yaahikhwa, owo aahimuleela Moise wira: “Venyakani, mukhumaseke elapo aka, nyuwo n’atthu othene a Isarayeli. Murowaseke, mwarumele Apwiya, ntoko sikivekenlyanyu”. (Okh 12:31) Yehova aahooniherya wira onnaakhapelela arumeyi awe.

Naawehaka soowiiraneya sa arumeyi a Yehova sa mahiku ahu ala, vannooneya oratteene wira Yehova nlelo onniweettiha ni waakhapelela arumeyi awe. Eyo ennittittimiheriwa omuseu ya oseedi ya olumwenku wotheene, mpantta oni: “Atthu Arina Nsina na Yehova.”

NWEHE EVIIDIYU ENI: MUXUKURYE EMUSEU YA OWARWICK: “ATTHU ARINA NSINA NA YEHOVA”, NUUMALA-VO MWAAKHULEKE MAKOHO ALA ANITTHARELANA:

• 

  Ikaruma xeeni isya Alipa-oomusoma Biibiliya yaarumeela aya wanipacerya wa mwaakha wa 1914 wira alipihe omwaamini waya Biibiliya? Nave mireerelo xeeni saakhumelenle?

• 

  Itthu xeeni saaweeherenrye arumeyi a Muluku mwaakha wa 1916 ni mwaakha wa 1918, masi exeeni enooniherya wira Yehova aaneettiha mutthenkeso awe?

• 

  Moota xeeni arumeyi a Yehova yaawenrye aya olipiha waamini waya nnaamwi yaalupatthiwa?

• 

  Marukunuxo xeeni masya arumeyi a Yehova yaakhenle aya mwaakha wa 1935, ni moota xeeni yoonenle aya?

• Nuumala oweha eviidiyu ela, etthu xeeni nwenhe anyu elipinhe waamini wanyu wira Yehova onniweettiha ni waakhapelela arumeyi awe?