Ireferensia sa Okumi ni Orummwa Ahu Ekaderno Enirumeeliwa Omuthukumanoni
7-13 YA SETEMBRO
MIHAKHU SINIKHUMA MBIIBILIYANI | OKHUMA 23-24
“Muhitthareke Muttitthi wa Atthu” (Okhuma 23:1)
Niireke Munnisuwela Itthu Sotheene sa Mwaha Owo?
7 Niireke vannoosivelani waaroihela e-mail ni mensaxe apatthani inyu? Vaavo muniiwa anyu mwaha wookuxa murima aahiiso yowiiraneya ya vameekhaaya, niireke onnookhumani murima munaphavela olaleya ntoko jornalista? Muhinatthi oroiha e-mail aahiiso mensaxe, mwiikoheke so: ‘Kiireke yowiiraneya ela ti yekeekhai? Kinnisuwela itthu sotheene siiraneyale?’ Mwaahikhalane ephoole pooti omwara-mwarya itthu sowoothiwa. Nto akhala wira khamunsuwela ekeekhai ya mwaha owo, xontte muhiroihe. Fataari ottipiha!
8 Nave-tho, ti vootakhala oroiha e-mail aahiiso mensaxe naakhenle ahu nihinatthi otokosa. Ilapo sikina, muteko ahu onnikhoottihiwa. Awanani ihu a ilapo iyo, pooti ohimya itthu sowoothiwa wira anivarihe aahiiso wira nihoveryaneke. Nkahaya muupuwele ele yaakhumelenle mapuro anivariwa muteko mookhanyereriwa União Soviètica. Egrupu ya mapoliisia yaasuweliwe okhala KGB, yaahuulaanyiha muhupi wowoothiwa woowi anna akina yaarina miritti yaahaavariha atthu a Yehova. (Nwehe enoota.) Mooriipiha murima, anna anceene yaahikupali itthu iye sowoothiwa khuhiya mutthenkeso wa Yehova. Muhoolo mwaya, anamunceene a yaawo yaahitthikela mmutthenkesoni mwa Yehova, masi akina nnaari. Awo yaahihiya itthu iyo sowoothiwa sihononaka waamini waya. (1 Tim. 1:19) Ninrowa osyaka sai maxakha awo? Nisyakaka omwara-mwarya soohimmwa nihinsuwela ahu saana. Nave muhikupaliki khula etthu muniiwa anyu. Masi, mpaceryeke osuwela itthu sotheene sa mwaha owo.
it-1 epax. 175 etti. 5
Aroni
Vannooneya wira ikwaha sotthaaru Aroni aahapuxiwe awe, khonihimmwa wira taapacerinhe opaka itthu sotakhala, masi owo aarookhanyereriwa wala aatthara muttitthi wa atthu khuhiya otthara mweettelo wooloka. Ekwaha yoopacerya aamutthekenle awe Yehova, owo anwerya otthara miruku saahimya wira: “Muhiré sotakhala muhimyaka wira: ‘Atthu othene annira siso!’ ”. (Okh 23:2). Moohicikha itthu iyo, Soolempwa sinniromola nsina nawe mwa nttittimiho, nave Mwaana a Muluku, okathi aari awe valaponi, aanisuwela ehakhi waarina aya onamukuttho wa Aroni.—Esa 115:10, 12; 118:3; 133:1, 2; 135:19; Mat 5:17-19; 8:4.
it-1 epax. 479 etti. 5
Ohoona
Ohitthara exariya mwaha wa makhwankwa okathi saaphukiwa aya milattu waalikanyihiwa ni ohoona, nave nlamulo naanikhoottiha makhwankwa, waakhela soovaha wala nthalu, okhala wira itthu iyo saanimwiiriha mphuki ohitthara exariya nave naanikhoottiha ophuka milattu moohixariya. “Makhwankw’awo annapwexa maitho ale anona orattene”. (Okh 23:8) “Makhwankwa annipwexa maitho àtthu a miruku”. (Otu 16:19) Hata mphuki ori ene oreera murima ni ottharaka exariya, pooti ohapuxiwa, osuwelaka wala ohisuwelaka, ni soovaha wala makhwankwa a atthu akina aniirela mpantta milattu iyo. Nlamulo na Muluku, ninnilikanyiha ni ohoona ohiya paahi mwaha woovahiwa makhwankwa, masi-tho mwaha wa othunku wala nthalu, okhala wira ninhimya so: “Muhimuthanlé mutthu masikhini, walá muhimoveké mulipa-òwerya”. (Ona 19:15) Tivo, mwaha wa othunku ni otthara muttitthi wa atthu, mphuki khaareerela waavaha exariya athaaciri mwaha wookhala thaaciri.—Okh 23:2, 3.
Otokosa Itthu sa Efaita Soomunepani
“Muhihiye Owaakhela Aletto”
4 Ohiya paahi waatumererya aIsarayeli wira yaattittimiheke anamurwa, Yehova aaphavela wira yuupuweleke moota yoonela aya okathi yaari aya anamurwa wExiitu. (Mmusome Okhuma 23:9.) Nave aaphavela wira yuupuweleke eyo ni yaareereleke murima anamurwa yaakhala eriyari aya.—Onam. 19:33, 34.
it-2 epax. 828 etti. 10
Mikhayeli
1. Eliivuru ya Daniyeli ennimuhimya Mikhayeli okhala mulipa oowakhapelela atthu a wIsarayeli, ni ‘muulupale a malaikha, yoowo onaasuka atthu a nloko na [Daniyeli]’. (Da 10:13, 20, 21; 12:1) Eyo enooniherya wira nlaikha naahoolela aIsarayeli moothakoni aari Mikhayeli. (Okh 23:20, 21, 23; 32:34; 33:2) Tthiri yowiiraneya ela ennivarihana ni ele eliivuru ya Yuda enihimya aya eriki: “nlaikha nulupale Mikhayeli, okathi wavanyihanaya ni Satana, ewanelaka murutthu wa Moise”.—Yuda 9.
Omusoma Biibiliya
14-20 YA SETEMBRO
MIHAKHU SINIKHUMA MBIIBILIYANI | OKHUMA 25-26
“Itthu sa Efaita Saakhala Mutabernaakulu”
it-1 epax. 180 etti. 7
Nivuku na Waataana
Ntakiheryo ni Ipakeliwo. Etthu yoopacerya Yehova aamuleelale awe Moise okathi aamurumme awe opaka etabernaakulu, aamoonihenrye moota saari aya ni moota aarowa awe opaka Nivuku na Waataana, okhala wira yaari etthu ya faita ya mutabernaakulu ni mmaxaxani motheene mwa wIsarayeli. Ekaaxa eyo yaarina 111 cm, munnuwelo aya ni erakamelo aya yaari ya 67 cm. Yaapakiwe ni mwiri wa khampiri nave yaahiheliwa eweero yooreerihiwa ota ni muhina ni vasulu. Mpantta wa nenli wa Nivuku, yaahikhala maKerubi manli yaapakiwe ni eweero vasulu va etampa, nave arumeeliwe maritelo wira apakiwe maKerubi khula mpantta wa etampa, awehanaka mukina ni mukhwaawe yuuramenle ene vathi ni mapupha aya yookolonlene musulu. (Okh 25:10, 11, 17-22; 37:6-9) Nave etampa eyo yaanisuweliwa ntoko “mukhunelo w’oheliwa-vo mukuttho w’olivela sottheka”.—Okh 25:17; aHé 9:5, nwehe nuulumo noowi TAMPA PROPICIATÓRIA.
it-1 epax. 181 etti. 1
Nivuku na Waataana
Munivukuni mmo yaanipwehiwa eliivuru ya malamulo wira ekhapeleliweke moovareleleya, wala mapawe oowaataana, yaawo yaalempwale Malamulo Muloko. (Okh 25:16) Nave ‘Mwapu [wa eweero], waheliwe emaná ni ekopo y’Àroni yeyo yaphunwe matakhuru’ saahiheliwa munivukuni mowaataana, masi nuuvira okathi saahikumihiwa, ehinatthi otekiwa etemplo ya Salomoni. (aHé 9:4; Okh 16:32-34; Mot 17:10; 1 Ma 8:9; 2 Wa 5:10) Ohinatthi Moise okhwa, ahaavaha “elívuru ya ikano” anamukuttho aLevi, aarumaka wira asuke, ohiya muhina, masi ‘vakhiviru nnivuku no watàna w’Apwiya [Yehova] . . . Ekhale vavo ntoko namona onivirikanya’.—Otu 31:24-26.
it-1 epax. 181 etti. 2
Nivuku na Waataana
Naathoonyerya okhala wa Muluku. Okathi wotheene nivuku nle nakhanle aya naathoonyerya okhala wa Muluku. Yehova aahimmye wira: “Miyo kinokumana ni nyuwo nipuro nenlo: kikhalaka vasulu va mukhunelo, varíyari va malaikha manli, ankhala va nivuku no watàna”. “Okathi onrwaka munekuni vasulu va mukhunel’owo”. (Okh 25:22; Ona 16:2) Samuweli aahilepa wira nivuku nlo ‘nathonyerya ehije yovuwa y’Apwiya [Yehova] òwerya sothene’. (1 Sa 4:4) MaKerubi awo yaathoonyerya “ekaro” ya Yehova. (1 Wa 28:18) Nto mwaha wa yeeyo “Okathi Moise wakelawe muhemani m’okumana wira alavulane Apwiya, anìwa nsu n’Apwiya yawo yamulavuliha nikhalaka vasulu va mukhunelo wa nivuku no watana eriyari ya malaikha manli. Khulavulana nsu nenlo”. (Mot 7:89) Nuuvira okathi, Yoxuwa ni mulipa amukhuttho Fineya yahimukoha Yehova waattamela vari nivuku na waataana. (Yox 7:6-10; Mak 20:27, 28) Muulupale anamukuttho paahi taakela nipuro Nowaaryexa ni taaweha nivuku na waataana, ekwaha emosa paahi vamwaakhani, ohiya wira olavule ni Yehova, masi wira ovahe mukuttho wa Nihiku na Oleveleliwa itampi.—Ona 16:2, 3, 13, 15, 17; aHé 9:7.
Otokosa Itthu sa Efaita Soomunepani
it-3 epax. 361 etti. 11
MaKerubi
Khula nlaikha naahikhalana mapupha manli awenhe ene musulu nave yaanikhunela etampa ya nivuku sintoko yaamwakiherya ni okhapelela nivuku nlo. (Okh 25:10-21; 37:7-9)
it-3 epax. 158 etti. 4
Iphaawu Saarumeeliwa Mpaani Mwa Muluku
Nuulumo na eHeeberi noowi iphaau sooreeriheliwa Apwiya, naathoonyerya okhala “ohoolo wa Muluku”. Ikwaha sikina ninnirumeliwa nuulumo noowi “ohoolo” nithoonyeryaka “okhala” (2 Ma 13:23), nto iphaau iyo saakhala ohoolo wa Yehova sintoko yoovaha ya khula nihiku.
Omusoma Biibiliya
21-27 YA SETEMBRO
MIHAKHU SINIKHUMA MBIIBILIYANI | OKHUMA 27-28
“Sinniixuttiha Exeeni Ikuwo sa Muulupale a Namukuttho?”
it-3 epax. 758 etti. 8
Urimi ni Tumimi
Anamatokosa akina aBiibiliya anikupali wira Urimi ni Tumimi saari iparakha. Moovarihana ni Biibiliya a enkelexi a James Moffatt, Okhuma 28:30 onniihimmwa okhala iparakha soowaarya. Atthu akina anikupali wira yaari etthu yaarina ipantte tthaaru, epantte emosa yaalempwale “aayo”, epantte ekina “nnaari” ni epantte yaneeraru yaari yoohilempwa etthu. Iyo saanikumihiwa wira saakhule makoho yaapakiwa, akhala wira yakhumela epantte yaahalempwale etthu, eyo yaataphulela wira makoho awo khiyakhuliwe. Atthu akina anuupuwela wira yaari maluku manli oophapateya, yaarina mpantta mmosa wootteela ni mpantta mukina wooriipa. Okathi saavonyiwa aya, ipantte soopiili sootteela saataphulela “aayo”, ipantte soopiili sooriipa saataphulela “nnaari”, nave akhala wira waakhumelela mpantta mmosa wooriipa mukina wootteela eyo yaathoonyerya wira khiyaakhuliwe.—1 Sa 14:36-42.
it-3 epax. 703 etti. 7
Vayuuci
Muulupale Anamukuttho a wIsarayeli. WIsarayeli, ekuwo aawara awe muulupale anamukuttho mmuruni, yaahikhalana vayuuci elamina ya eweero, yeeyo yaari “nthonyeryo n’othanleliwa muteko wa Muluku”, ni yaalempwale ni mooro moolumo oowi: “Othanleliwa Apwiya” moovarihana ni aBiibiliya akina moolumo ala ataphuleliwe so: ‘Mwaneene Waarya ti Yehova’. (Okh 28:36-38; 39:30) Okhala wira muulupale anamukuttho taahoolela okokhorela wa Yehova wIsarayeli, owo ahaana okhala oowaarya mwaha wa muteko awe. Nave ethoonyeryo yaari vayuuci vawe yaaniwuupuxerya aIsarayeli akina wira yahaana okhala ooratta, eyo yaari ethoonyeryo ya Namukuttho Muulupale Yesu Kristu, yoowo othanliwe ni Yehova Muluku wira aakiherye Waarya wa Yehova.—aHé 7:26.
w08 15/8 epax. 15 etti. 17
Munvuwiheke Yehova Mweettaka Moophwanelela
17 Nihaana okhalana mweettelo wooloka vanceenexa okathi nimmukokhorela ahu Yehova. Musuweli 5:1 onihimya so: “Mutthokelele orattene muhinatthi olavula: muhakuvele ommanela natiri Muluku”. Moise vamosa ni Yoxuwa yaahirummwa orula ixapattho saya okathi yaanyakenle aya nipuro noowaarya. (Okhum. 3:5; Yox. 5:15) Opaka eyo yooniherya nttittimiho. Anamukuttho a wIsarayeli yaanitumereriwa waawara akapittula a ekuwo ya eliinyu wira “yawareleke othaleliwa waya”. (Okhum. 28:42, 43) Opaka eyo yaanaakhaliherya osyaka wooniherya ipantte sa erutthu aya okathi yaarumeela aya valtari. Emusi yotheene ya anamukuttho yaahaana wiiwelela malamulo a weettaka moophwanelela.
Otokosa Itthu sa Efaita Soomunepani
w12 1/8 epax. 26 itti. 1-3
Nyuwo Mwaanisuwela?
Yaakhuma woowi maluku yaari vapeeto sa ekuwo aawara awe muulupale a namukuttho?
Eliivuru ya Okhuma ennihimya wira, okathi aIsarayeli yaakhuma aya weepotthani ‘yaahiwaakha atthu a wEjitu’ itthu sa esisapo yuulupale. (Okhuma 12:35, 36) Eyo ennooniherya wira maluku a eweero yaari vapeeto ya ekuwo aawara awe muulupale aanamukuttho yaakumihiwe wExiitu.
it-3 epax. 529 etti. 1
Waarya
Inama ni Iyoolya sa Mmatta. Inama soolopwana saapacerya ototholiwa, sa ipwittipwitthi, ipuri ni inyompe ti sooniwa okhala soowaarya ni Yehova nave khivaaweryaneya woopoliwa. (Mot 18:17-19) Mihokorokho saapacerya wiima sa mmatta ni mpantta wa namuloko nave saari itthu soowaarya, ohela muhina mikuttho sotheene ni soovaha saaroohiwa mutabernaakulu. (Okh 28:38) Itthu iya Yehova aanoona okhala soowaarya ni sahaana ottittimihiwa vanceene, nave khivaareerela orumeeliwa moohikhalela.
Omusoma Biibiliya
28 A SETEMBRO–4 A OUTUBRO
MIHAKHU SINIKHUMA MBIIBILIYANI | OKHUMA 29-30
“Misonkheryo Nninvaha Ahu Yehova”
it-3 epax. 396 etti. 10
Olempwa Masina a Atthu
Sinayi. Olempwa woopacerya wa atthu waarummwale ni Yehova wiiraneyale oSinayi, mweeri wa nenli nuuvira iyaakha piili nuumala aIsarayeli okhuma wExiitu. Wira okhaliheriwe Moise ni muteko owo, khula nihimo aahithanliwa muhooleli mmosa wira ohooleleke ni oweherya muteko woolempwa atthu a nihimo nawe. Muteko owo woolempwa atthu khiwaahela muhina paahi alopwana yaarina iyaakha 20 wala ovikana-vo, eyo piiyo, ale yaaphwanelela orowa okhottoni, masi-tho nlamulo naanihimya wira khula mutthu ahaana oliva mpoosito waattamela exekele emosa (US$1.10) wira orumeeliweke mutabernaakulu. (Okh 30:11-16; Mot 1:1-16, 18, 19) Atthu otheene yaalempwale yaari 603,550, ohaahela muhina aLevi, yahaarowa okhalana yoohiyeriwa valaponi. Awo khiyaaliva mpoosito, ni khiyaakhanyereriwa orowa owana okhottoni.—Mot 1:44-47; 2:32, 33; 18:20, 24.
it-1 epax. 551 etti. 3
Misonkheryo
Misonkheryo sikina saavekeliwa ni nlamulo. Okathi Moise aalempe awe aIsarayeli, alopwana otheene yaarina iyaakha 20 orowa vahoolo yahaana oliva musurukhu olimaleliwe muheemani mwa Apwiya “ikhera muloko, sinlikana n’ixékeli ekaiwe eriyari [woonasa wene US$ 1.10]” wira yoopole okumi aya. Owo waari ‘musurukhu yavaheriwa aya Apwiya’, wira yoopole ikumi saya ni wira ‘sivareliweke miteko sa muhemani m’okumana’. (Okh 30:11-16).—2 Wa 24:6-10; Mat 17:24 nwehe nuulumo noowi IMPOSTO.
w11 1/11 epax. 12 itti. 1-2
Nyuwo Mwaanisuwela?
Waaphwanyiwa woowi musurukhu waarumeeliwa mutemplo ya oYerusalemu?
Miteko sinceene sa mutemplo saaliveriwa ni musurukhu wa mpoosito, vanceenexa musurukhu wa mpantta wa namuloko. Nave saanirumeeliwa inamuna sikina sooliverya mpoosito. Mwa ntakiheryo, okathi yaatekiwa aya etabernaakulu, Yehova aahimuruma Moise waakhela musurukhu wa khula mutthu aalempwale waattamela exekele emosa, sintoko misonkheryo sa Yehova.—Okhuma 30:12-16.
Woonasa wene, khula muYuda aahikhalana yoolema yoovaha musurukhu owo sintoko mpoosito a vamwaakhani wa mutemplo. Aari mpoosito yoowo Yesu aamurumme awe Pedru oliva, okumihaka mwaano mwa ehopa.—Matheyo 17:24-27.
Otokosa Itthu sa Efaita Soomunepani
it-2 epax. 762 etti. 9
Matata
Wiixatheriwa Matata. Okathi naapakiwa aya niira noothanliwa anamukuttho, Aroni ni anaawe yaahiixatherya matata aya vamuru va mwaapwittipwitthi ni mwaanyompe aarowa ovahereriwa mukuttho, yooniheryaka wira saarumeeliwa inama iyo wira akhalihiwe anamukuttho a Yehova Muluku. (Okh 29:10, 15, 19; Mot 8:14, 18, 22).
it-3 epax. 753 etti. 8
Ottikittheliwa Makhura wala Othanliwa
Yaari etampi yuulupale mutthu opaka makhura ni orumeela moohikhalela ohirummwale. (Okh 30:31-33) Eyo yooniherya efaita yaarina aya makhura awo a nthoonyeryo ni muteko waavareliwa aya wira othanliwe mutthu arumeeliwaka makhura awo oowaarya.
Omusoma Biibiliya