Oreera Murima

Yoolepa: “Ole oniphenta, . . . tooreera murima”. — 1 aKor. 13:4.

Etthu Yesu Aapanke Awe

Yesu onnimwaattamela mulopwana ohinoona wiira ompenuxe.

EVIIDIYU: Yesu Onnimpenuxa Mulopwana Ohinoona

1. Nwehe EVIIDIYU, aahiiso mmusome Yohani 9:1-7. Nuumala-vo, mwaakhule makoho anittharelana:

Etthu xeeni Yesu aapacenrye awe opaka: Niireke aapacenrye ompenuxa mulopwana ole ahoona aahiiso aapacenrye omulaleerya ihapari sooreera? — Munwehe Yohani 9:35-38.
Munoonela sai: Niireke wiira mwaha wa Yesu opacerya ompenuxa mulopwana ole ohinatthi opacerya omulaleerya, waahimukhaliherya mulopwana ole weemererya ihapari sooreera?

Etthu Yesu Onniixuttiha Awe

2. Woonasa wene, mutthu onooniwiriyana aweha wiira ninnimuthokorerya.

Mmutakiheke Yesu

3. Mmooneleke othunku mutthu owo. Mweereryeke wuupuwela moonelo wa mutthu owo.

Mwiikoheke so: ‘Etthu xeeni woonasa wene enimuxankiha mutthu ola? Etthu xeeni ekhanle oomukhaliherya ni yaarowa onvara murima?’ Wuupuwelela makoho ala, onimookhaliheryani omureerela murima mutthu owo, mweekeekhai.
Mwanwiriyana, nyuwo munimooniherya wiira munnithokorerya etthu onivaha awe efaita. Vakhala wiira mutthu onnooleelani etthu onuupuwela awe wala enimuxankiha, munwiriyaneke ni muhituruke mwaha owo.

4. Mulavuleke mmooniheryaka wiira munnimureerela murima ni munnimuttittimiha. Vakhala wiira munnimoonela othunku mutthu ni munniphavela omukhaliherya, eyo enimooneyaka mwa enamuna munilavula anyu. Mukhalaneke ephoole ni etthu munilavula anyu ni moota munilavula anyu. Musyakeke olavula itthu saarowa onwereya.

5. Mmukhaliheryeke. Mooneke moota mukhanle anyu oomukhaliherya ni itthu sinimuxankiha. Vakhala wiira ninnimureerela murima mutthu, owo pooti ophavelaka oniwiriyana.

NWEHE-THO SOOLEPA IYA:

aRom. 12:15, 16; aGal. 6:10; aHeeb. 13:16.