SHaahuwaa 14
Xoossay Hananabaa Yootiyaageetu Baggaara Haasayiis
Yihooway pirddaa, geeshsha goynuwaanne Masiyaara gayttida hidootaa xeelliyaagan asaassi kiitaa yootanaadan hananabaa yootiyaageeta sunttiis
ISRAAꞌEELENNE Yihudaa kawotu wodiyan, Xoossaa kiitaa yootiya dumma asatu citay, giishin hananabaa yootiyaageeti denddidosona. He asati Xoossaa kiitaa wolqqaama ammanuwaaninne xalatettan yootidaageeta. Xoossay kiittin hananabaa yootiyaageeti qonccissido oyddu waanna yohota ane beꞌoos.
1. Yerusalaame xayuwaa. Xoossay kiittin hananabaa yootiyaageeti—ubba qassi Isiyaasinne Ermmaasi—Yerusalaamee xayanaagaanne mela attanaagaa daro wodiyaa kasetidi yootidosona. Xoossay he kataman deꞌiyaageetu bolli ayssi hanqqettidaaakko eti qonccissidi yootidosona. Yerusalaame asay worddo haymaanootiyaa kaalliyo, kandduwan moorettidonne makkalido gishshau, eti Yihoowa kalꞌꞌatoos giyoogee worddo gidiyoogee qoncciis.—2 Kawotu 21:10-15; Isiyaasa 3:1-8, 16-26; Ermmaasa 2:1–3:13.
2. Geeshsha goynoy zaarettidi eqqiyoogaa. Xoossaa asay 70u layttau omoodetti takkidi, Baabilooneppe naxa kiyana. Eti baysa gidida bantta biittaa simmidi, Yerusalaamen Yihoowa beeta maqidasiyaa zaarettidi keexxana. (Ermmaasa 46:27; Amoxa 9:13-15) Baabilooneta xoonidi, Xoossaa asay geeshsha goynuwaa zaarettidi essanaadan paqqadana bitaniyaa sunttay Qiiroosa gidiyoogaa Isiyaasi 200 gidiya layttappe kase yootiis. Qiiroosi meeze gidenna ogiyan Baabiloone xoonanaagaa Isiyaasi yootiis.—Isiyaasa 44:24–45:3.
3. Masee yiyoogaanne a gakkiyaabaa. Masee Beetaliheeme kataman yelettana. (Mikiyaasa 5:2) I bana kawushshidi, hariyaa toggidi Yerusalaame yaana. (Zakkaariyaasa 9:9) I kehanne qarettiyaagaa gidikkonne, asay a karananne daroti a ixxana. (Isiyaasa 42:1-3; 53:1, 3) A asay barchiyaa bessidi worana. Hegee a deꞌuwau wurssetta gidanee? I yarshsho gididoogee darotu nagaray atto geetettanaadan oottiyo gishshau, hegaadaana gidenna. (Isiyaasa 53:4, 5, 9-12) Hegee polettiyoy i hayquwaappe denddiyoogaa xallaana.
4. Masee saꞌaa haariyoogaa. Polo gidenna asaa naati sarotettay kumido hanotan banttana ayssanau tumuppe danddayokkona; shin Mase Kawoy Sarotettaa Halaqaa geetettana. (Isiyaasa 9:6, 7; Ermmaasa 10:23) A haaruwan asaa naati ubbay issoy issuwaara, qassi doꞌa ubbaarakka sarotettan deꞌana. (Isiyaasa 11:3-7) Harggee xayana. (Isiyaasa 33:24) Xoossay ubba hayquwaa merinau mittana. (Isiyaasa 25:8) Masiyaa haaruwaa wode, hayqqidaageeti saꞌan deꞌanau denddana.—Daaneela 12:13.
—Isiyaasan; Ermmaasan; Daaneelan; Amoxan; Mikiyaasan; Zakkaariyaasan baasettidaagaa.
◼ Xoossay kiittin hananabaa yootiyaageeti ayba kiitaa yootidonaa?
◼ Yerusalaamee xayanaagaanne zaarettidi keexettanaagaa hananabaa yootiyaageeti waatidi qonccissidonaa?
◼ Yihooway kiittin hananabaa yootiyaageeti Masiyaabaanne a gakkanabaa woygidonaa?
◼ Masee saꞌaa haariyo wode polettanabaa hananabaa yootiyaageeti woygidi qonccissidonaa?
[Sinttaa 17n deꞌiya misiliyaa]
Doomettaabaa
Kessaabaa
Wogaabaa
Qoodaabaa
Zaarettido Wogaa
Yaasa
Daannatu
Uruto
1 Sameela
2 Sameela
1 Kawotu
2 Kawotu
1 Hanidabaa Odiya
2 Hanidabaa Odiya
Izira
Nahimiyaa
Asttiro
Iyyooba
Mazamure
Leemiso
Eranchchaa
Siiquwaa Sabaa
Isiyaasa ●
Ermmaasa ●
Ermmaasa Zilaassaa ●
Hizqqeela ●
Daaneela ●
Hoose7a ●
Yuu7eela ●
Amoxa ●
Abddiyyu ●
Yoonaasa ●
Mikiyaasa ●
Naahooma ●
Imbbaaqooma ●
Sofonaasa ●
Hagga ●
Zakkaariyaasa ●
Milkkiyaasa ●
Maatiyoosa
Marqqoosa
Luqaasa
Yohaannisa
Oosuwaa
Roome
1 Qoronttoosa
2 Qoronttoosa
Galaatiyaa
Efisoona
Piliphphisiyuusa
Qolasiyaasa
1 Tasalonqqe
2 Tasalonqqe
1 Ximootiyoosa
2 Ximootiyoosa
Tiitu
Pilimoona
Ibraawe
Yaaqooba
1 PHeexiroosa
2 PHeexiroosa
1 Yohaannisa
2 Yohaannisa
3 Yohaannisa
Yihudaa
Ajjuutaa