Ha Bukleetiyaa Waati Goꞌettiyoo?
Hagaappe kaallidi deꞌiya sinttatun, hachi hachissi issi xiqiseenne hegaa qonccissiya qofay deꞌees. He xiqisiyaanne qofaa ay saatiyankka nabbabana danddayikkonne, maallado nabbabiyoogee keehi loꞌꞌo gidiyoogaa daroti akeekoosona. Yaatiyoogan, eti gallassa kumettaa he qofaa wotti dentti qoppoosona. Gallassaa xiqisiyaa so asay issippe tobbiyoogee keehi loꞌꞌo. Kumetta saꞌan deꞌiya Beeteele keettaa asay qanꞌꞌiyo wode gallassaa xiqisiyaa tobbees.
Bukleetiyan deꞌiya qofay Hosppune 2016ppe Laappune 2017 gakkanaashin deꞌiya Wochiyo Keelaappe (w) ekettiis. Wochiyo Keelay awudeegaakko qonccissiya payduwaa kaallidi deꞌiya paydoy he Wochiyo Keelan xannaꞌiyo huuphe yohuwaa qoodaa (1, 2, 3, 4, woy 5) bessees. Hegaappe kaallidi menttotu paydoy deꞌees. (Xadeera deꞌiya qonccissuwaa beꞌa.) Gujo qofaa he xannaꞌiyo huuphe yohuwaappe demmana danddayettees. Xannaꞌiyo huuphe yohoy doommiyo sinttaa eranawu he Wochiyo Keelaa koyro sinttaa xeella.