Yayyennan Zoriyogaa

Yesuusi Oottidobaa

BIIDUWA: Dure Gidida Yelaga Halaqaa Yesuusi Zorees

1. BIIDUWA beꞌa, woy Marqqoosa 10:17-22 nabbaba. Yaatada, kaallidi deꞌiya oyshata akeeka:

1. Yesuusi akeekido, yelaga halaqaa loꞌꞌo eeshshati awugeeta gidana danddayiyonaa?

2. Yesuusi he yelagaa zoranawu siiqiyagaanne xala gidana koshshidoy aybissee?

Yesuusappe Ay Tamaariyoo?

2. Nu xinaateti ayyaanaaban minnanaadan maaddanawu siiquwan haasayana koshshikkonne, eti oottana bessiyabaa qonccissi yootana koshshees.

Yesuusa Milata

3. Ne xinaatee halchchuwa kessanaadaaninne hegaa polanaadan maadda.

1. Merinawu Ufayttada Deꞌa! giyo xuufiyan ubba timirttetun deꞌiya, “Halchchanabaa” giyagaa goꞌetta.

2. Ne xinaatee mata wodiyawunne adussa wodiyawu halchchidobata polanawu oottana koshshiyabata akeekanaadan maadda.

3. Ne xinaatee ayyaanaaban minniyo gishshawu ubbatoo galata.

4. Ne xinaatee ayyaanaaban minnennaadan oottiyabata akeeka, yaatada I hegeeta xoonanaadan maadda.

1. Nena hagaadan oychcha:

   • ‘Ta xinaatee xammaqettanawu koshshiyabata oottiiddi deꞌennaba gidikko, A diggiyabay aybee?’

   • ‘Taani A maaddanawu ay oottana danddayiyanaa?’

2. Ne xinaatee oottana koshshiyabata awu siiquwaninne qonccissa yootanawu xalatettaa demmanawu woossa.

5. Ayyaanaaban minnenna ura xannaꞌissiyogaa agga baya.

1. Ne xinaatee ayyaanaaban minniiddi deꞌiyakkonne eranawu nena hagaadan oychcha:

   • ‘Ta xinaatee tamaariyobaa oosuwan peeshshiiddi deꞌii?’

   • ‘I gubaaꞌe shiiqota shiiqii, qassi tumaa haratussi yootii?’

   • ‘I adussa wodiyawu xannaꞌidaba gidikko, Yihoowa Markka gidanawu koyii?’

2. Geeshsha Maxaafaa xannaꞌiya uri laamettanawu koyana xayikko:

   • I ayyaanaaban minnennaadan diggiyabay aybakko A oychcha.

   • Neeni A xannaꞌissiyogaa aggiyoy aybissakko hiillan qonccissa.

   • Neeni A xannaꞌissiyogaa zaarettada doommanaadan koyikko, I oottana koshshiyabaa yoota.