Ichchashe

Naꞌa yeliyogee azinaynne machchiya keehi ufayttanaadan oottiyabatuppe issuwa. Shin eti bantta guutta naꞌaa siiqiyaba gidikkokka, he naꞌi ubbatoo guutta gididi deꞌanaadan koyokkona. He naꞌi diccana xayikko, eti keehi unꞌꞌettiyogee qoncce. Hegaadan, Yihoowi nuuni abaa tamaariyogaa doommiyo wode ufayttikkokka, nuuni ubbatoo he hanotan deꞌiigganaadan koyenna. (1 Qor. 3:1) Ubba I nuuni ‘wozannaama’ Kiristtaane gidanaadan minttettees. Geeshsha Maxaafan “wozannaamata gidite” geetetti birshshettida Giriiketto qaalay ‘diccite, polonne’ “gastta asa” gidite geetettidikka birshshettana danddayees. (Efi. 4:13) Issi guutta naꞌi gastta gidana gakkanaashin dicciyogaadan, Yihoowara dabbotido nu dabbotaykka ubbatoo diccana koshshees. Yaaniyo wode nuuni kayma Kiristtaane gidoos. Nuuni kayma Kiristtaane gidi simmidikka, ayyaanaaban dicciyogaa mule aggana koshshenna.—1 Xim. 4:15. w24.04 2 ¶1, 3

Issi uri nena, ‘Yihoowi neessi aybee?’ giidi oychchiyakko ne woyga zaaruutee? ‘Yihoowi ta Aawaa, ta Xoossaanne ta Dabbuwa’ gaada zaarana danddayaasa. Neeni Yihoowa qonccissanawu harabaakka qoppennan aggakka. Shin I nena Shoobbidabadan qoppay? Kawuwa Daawiti Yihoowa, imattaa shoobbidaagaadan, qassi awu ammanettidi goynniyageeta shoobettida imattatudan qonccissiis. I hagaadan giis: “Abeet GODAU, ne dunkkaaniyaa gelanau bessiyaagee oonee? Ne geeshsha deriyan nenaara de7anau bessiyaagee oonee?” (Maz. 15:1) Nuuni Yihoowa imattata, hegeekka A dabbota gidana danddayiyogaa ha xiqisiyappe akeekoos. Yihoowi ubbabaa medhdhiyogaa doommanaappe kase, barkka deꞌiis. Guyyeppe, I ba bayra Naꞌaa medhdhiis. Yihoowi ba dunkkaaniyawu koyro ba Naꞌaa shoobbiis; qassi I yaatidoogan keehi ufayttiis. Geeshsha Maxaafay Yihoowi ba Naꞌan keehi ‘ufayttidoogaa’ yootees. Qassi A Naꞌaykka ubba gallassi Yihoowa ‘sinttan ufayttees.’—Lee. 8:30. w24.06 2 ¶1-3

Ane 340,000ppe dariya attuma asata qoppa. Eti Israaꞌeela bolli Daawita kawoyanawu shiiqidosona. Kebroona katamaa heeran deꞌiya gita zaallaa matan he attuma asati heezzu gallassaa takkidosona. Eti Yihoowa sabbanawu ufayssan yexxidosona. (1 Odi. 12:39) He cora asaa giddon Xaadooqa giyo yelaga naꞌay deꞌees. Daro asay A akeekibeenna. Shin Yihoowi Xaadooqa akeekiisinne I yan deꞌiyogaa nuuni eranaadan koyiis. (1 Odi. 12:22, 26-28) Kahine gidida Xaadooqi Waanna Kahiniya Abiyataaraara issippe oottees. Qassi Xoossay Xaadooqayyo aadhdhida eratettaanne Xoossay koyiyobaa akeekanaadan eraa immiis. (2 Sam. 15:27) I xala asa. Ha wurssetta gallassatun, nuuni Yihoowan ammaniyo ammanuwa xayssanawu Seexaanay awudeegaappenne aaruwan baaxetees. (1 Phe. 5:8) Seexaanaanne A alamiya Yihoowi xayssana gakkanaashin genccanawu nuuni xala gidana koshshees. (Maz. 31:24) Yaatiyogan, nuuni Xaadooqadan xala gidana danddayoos. w24.07 2 ¶1-3

Yihoowi koyro asata medhdhido wode eti ufayttanaadan koyiis. Deꞌanawu loꞌꞌiyasaa, aqo deꞌuwanne ufayssiya oosuwa I etawu immiis. Eta naati ha saꞌaa kumin kumetta saꞌay Edene ataakiltte sohuwadan Gannate gidanaadan eti oottana koshshiis. I eta issibaa xalaala diggiis. Qassi eti hegaa azazettana xayikko hayqqanaagaa yootiis. Hanidabay aybakko nuuni eroos. Xoossaakka asaakka siiqenna issi iita kiitanchchay Addaamenne Hewaana Xoossawu azazettennaadan paacciis. Addaamenne Hewaana he paaciyan xoonettidosona. Banttana siiqiya Aawan ammanettiyogaa aggidi eti nagaraa oottidosona. Qassi nuuni eriyogaadan Yihoowi giidobay haniis. Addaamenne Hewaana azazettibeenna gishshawu, bantta deꞌo layttan waayettidosona. Eti cimidosonanne wurssettan hayqqidosona.—Doo. 1:28, 29; 2:8, 9, 16-18; 3:1-6, 17-19, 24. w24.08 3 ¶3

Yihoowinne I siiqiyo A Naꞌay nuuni ufayttanaadan koyoosona. Mazamure 119:2y hagaadan gees: “I yootidoogaa oottiyaageetinne bantta kumetta wozanaappe a koyiyaageeti anjjettidaageeta” woy ufayttiyageeta. Yesuusikka hagaadan giis: “Xoossaa qaalaa siyidi naagiyageeti ufayttoosona!” (Luq. 11:28) Nuuni Yihoowa ashkkara gidiyo gishshawu, ubbatoo Xoossaa Qaalaa nabbabiyogaaninne nuuni eridobaa oosuwan peeshshanawu baaxetiyogan ufayttoos. (Yaaq. 1:22-25) Hegee Yihoowa ufayssiyogaa bessiyo oge. (Era. 12:13) Qassi nuuni Xoossaa Qaalan odettida zoriya kaalliyo wode nu soo asaaranne nu galchchan deꞌiyageetuura dabbotaa minttoos. Hegaa bollikka, Yihoowa higgeta azazettennaageetu bolli gakkiya daro metotuppe nuuni attida. Nuuni Kawuwa Daawiti giidoban maayettoos. I Yihoowa higgiyabaa, azazuwabaanne pirddaabaa mazamuriyan yooti wurssiiddi hagaadan giis: “Ne higgiyaa naagiyoogan taani daro go7ettais.”—Maz. 19:7-11. w24.09 2 ¶1-3

Yihoowi ba ashkkaratu bolli gakkiya ubbabaa akeekees. Nu ufayttiyonne azzaniyo wode I beꞌees. (Maz. 37:18) Nuuni unꞌꞌettiyo wodekka ayyo haggaazanawu nuussi danddayettida ubbabaa oottiyogaa beꞌidi I nunan ufayttees! Hegaa bollikka, I nuna maaddanawunne minttettanawu keehi koyees. Mazamure 147:3y Yihoowi wozanay ‘meqqidoogeetu masunttaa’ qachchiyogaa yootees. Ha xiqisee Yihoowi unꞌꞌettidaageetussi qarettidi maaddiyogaa qonccissees. Yihoowi nuussi qarettiyogaa bessiyo ogetu ubban goꞌettanawu koyikko, nu waatana koshshii? Ane issi leemisuwa beꞌoos. Gooba dottoree qohettida uraa pattanawu darobaa oottana danddayees. Shin qohettida uri paxanawu dottoree yootiyo kaaletuwa loytti kaallana koshshees. Yihoowi ba Qaalaa baggaara wozanay meqqidoogeeta haasayisseesinne siiquwan eta zorees. w24.10 6 ¶1-2

Yihoowi xillo gidekketa giidi pirddiyogeetu bolli gakkanabay kase nu xuufetun qoncciis. Eti hayquwappe denddokkona giidi nu xuufeti qonccissidosona. Xillo gidenna asatu bolli Yihoowi pirddidoogaa yootiya daro taariketi Geeshsha Maxaafan deꞌoosona. Leemisuwawu, Yihoowi Nohanne A soo asaa ashshidi, Bashshaa Haattan ubba asaa xayssiis. I Hidootaa Biittan deꞌiya laappun kawotettata Israaꞌeelati xayssanaadankka oottiis. Qassi issi qamman 185,000 Asoore wotaaddarata issi kiitanchchay woranaadan oottiis. (Zaa. 7:1-3; Isi. 37:36, 37) Yaatin, he asati merinawu hayqqidi xayanaagaanne eti mule denddennaagaa Yihoowi kuuyiis giidi Geeshsha Maxaafay geeshshidi yootii? Chii, yootenna. He taariketun, Yihoowi issuwa isssuwa bolli waati pirddidaakko, woy qassi Yihoowi xayssido asati abaa tamaariyonne bantta nagaran zilꞌꞌettidi laamettiyo injjiya demmidaakko nuuni erokko. w24.05 3 ¶5-7

Daannay iyyo suure pirddanaadan ubbatoo oychchiya amꞌꞌe maccaaseebaa Yesuusi leemisuwan yootiis. He wode Yesuusa kaalliyageeta daro asay naaqqiyo gishshawu he maccaaseessi aybi siyettidaakko eti loytti akeekennan aggokkona. (Luq. 18:1-5) Nuna ubbaakka dumma dumma wodiyan naaqoy gakkiyo gishshawu, iyyo siyettidabaa nuunikka akeekana danddayoos. Alamiyan asa coo ixxiyogee, asa asappe shaakkiyogeenne huqqunnay keehi darido gishshawu, naaqoy nuna gakkiyo wode nuuni maalaalettokko. (Era. 5:8) Shin issi ishay woy michchiya nuna naaqqiyo wode, nuuni keehi azzanana danddayoos. Nu ishanttinne michchontti nuuyyo morkke gidennaagee qoncce. Shin eti nagaranchcha. Iitati naaquwa gattido wode Yesuusi oottidobaappe nuuni darobaa tamaarana danddayoos. Nuna naaqqiya nu morkketa nuuni danddayiyaba gidikko, nu mala Kiristtaaneta hegaappe aaruwan danddayana koshshees! w24.11 2 ¶1-2

Geeshsha Maxaafan odettida daro asatussi daabboy woy oyttay waanna quma. (Doo. 14:18; Luq. 4:4) Issi issitoo Geeshsha Maxaafan qumaa geetettidi birshshettida qaalay “oyttaa” qonccissiyabakka gidana danddayees. (Mat. 6:11, tohossa qofaa) Yesuusi oottido keehi erettiya malaalissiyabatun naaꞌꞌutoo daabbuwa goꞌettiis. (Mat. 16:9, 10) Hegeetuppe issoy Yohaannisa shemppo 6n deꞌiya taarikiya. Yesuusi kiittidoogeeti haahosaa biidi sabbakidoogan keehi daafurido gishshawu shemppana koshshiis. Hegaa gishshawu eti Yesuusaara Galiila Abbaa pinnanawu wolwoluwan gelidosona. (Mar. 6:7, 30-32; Luq. 9:10) Eti Beetasayda heeran deꞌiya, asi baynnasaa gakkidosona. Shin, sohuwara daro shaꞌu asay yiidi eta dooddiis. Yesuusi eta sheneho gibeenna. Yesuusi kehatettan wodiya bazzidi Xoossaa Kawotettaabaa eta tamaarissiisinne harggidaageeta pattiis. Saꞌay yuuyiichchido gishshawu Yesuusa kaalliyageeti ha ubba asaa ay mizanee giidi hirggidosona. Etappe amaridaageeti miyo guuttabaa oyqqennan aggokkona; shin daroti qumaa shammanawu guutta katamata baana koshshees.—Mat. 14:15. w24.12 2 ¶1-2

Nu koyro aawaynne aayyiya, Addaamenne Hewana wottiyobi baynnaageeta gididi loꞌꞌiya gannatiyan deꞌidosona. (Doo. 1:27; 2:7-9) Eti ufayttiiddi merinawu deꞌana danddayoosona. Shin ubbabay laamettiis. Gannatiyan merinawu deꞌiyo hidootay etappe haliis. Eta naati etappe laattidobay aybee? Geeshsha Maxaafay hagaadan gees: “Issi asa [Addaame] gaasuwan nagaray saꞌaa yiidoogaadaaninne nagaraa gaasuwan hayqoy yiidoogaadan, asay ubbay nagaraa oottido gishshawu hayqoy eta ubbaa gakkiis.” (Roo. 5:12) Addaamee hayquwa kaalettiya nagaraa nuna laatissiis. Nuuni laattido nagaray nuuppe ooninne muleera qanxxana danddayenna keehi daro aco mala. (Maz. 49:8) Yesuusi nagaraa ‘acuwan’ leemisiis. (Mat. 6:12, tohossa qofaa; Luq. 11:4) Nuuni nagaraa oottiyo wode Yihoowawu acotoos giyogaa mala. Nuuni oottido nagarawu acuwa qanxxana koshshees. He acoy qanxxettennaakko, hegee attiyoy nuuni hayqqiyo wode xallaana.—Roo. 6:7. w25.02 2-3 ¶2-3

Xoossaa Kawotettaabaa haratussi yootiyogee nuussi gita maata! Ha maatay ubba asawu deꞌenna. Leemisuwawu, Yesuusi saꞌan deꞌiyo wode, iita ayyaanati abaa markkattennaadan diggiis. (Luq. 4:41) Ha wodiyan issi uri Yihoowa Markkatuura sabbakiyogaa doommanaappe kase, Yihoowa ufayssiya ogiyan deꞌana bessees. Nuuni danddayiyo ay wodiyankka, qassi awankka markkattiyogan sabbakiyo maataa keehi nashshiyogaa bessana danddayoos. Yesuusaagaadan, nu halchchoy asaa wozanan Kawotettaa tumaa zerettaa zeriyogaanne haattaa ushshiyogaa. (Mat. 13:3, 23; 1 Qor. 3:6) Yihoowa dirijjitee Yesuusa leemisuwa kaallidi, asay Xoossaa sunttaa eranaadan maaddanawu danddayettida ubbabaa oottees. Hegaara gayttidaagan Ooratta Alamiya Geeshsha Maxaafaa Birshshettan Xoossaa sunttay kase deꞌiyo soho ubban zaarettidi geliis. Ha Geeshsha Maxaafaa birshshettay kumettay woy appe amaridaagee 270ppe dariya qaalan haꞌꞌi deꞌees. w24.04 9 ¶8-9

Bantta aqo deꞌuwan ufayttiya amarida ishantti ubba galla bantta machchota keehi siiqiyogaa bessiyabaa oottoosona. (1 Yoh. 3:18) Kushiya oyqqiyogaa woy qoommiyogaa mala darin metennabaa oottiyogan issi azinay ba machchiyo siiqiyogaa bessana danddayees. “Ta nena laamotays” woy “Peeshshay ay malee?” giidi kiitaa kiittana danddayees. Issi issitoo I ciishshaa woy imotaa immiyogan O siiqiyogaa qonccissana danddayees. Issi azinay hegaadan oottiyo wode, ba machchiyo siiqiyogaanne bonchchiyogaa bessees; qassi eta aqo deꞌoy minnees. Ba machchiyo siiqiyanne bonchchiya issi azinay I O xoqqu ootti xeelliyo gaasuwa yootees; qassi A babaa loꞌꞌobaa qoppanaadan oottees. I yaatana danddayiyo issi ogee A maaddanawu A machchiya oottiyo ubbabawu O galatiyogaa. (1 Tas. 5:18) Issi azinay ba machchiyo wozanappe sabbiyo wode A ufayttawusu, woppu gawusu, qassi harati O siiqiyogaanne bonchchiyogaa akeekawusu. w25.01 11 ¶15; 13 ¶16

Mazamure 15y wurssettan hagaadan gees: “Ha yohota oottiyaagee merinaukka qaaxxenna.” Ha mazamuriyan odettida ubbabaa nuuni oottanaadan Yihoowi koyiyoy aybissakko mazamuraawee hagan qonccissiis. Yihoowi nuuni ufayttanaadan koyees. Yaaniyo gishshawu, I nuuppe koyiyobaa nuuni oottiyo wode ufayssiya deꞌuwa deꞌoos, qassi I nuna naagees. Yihoowa imattati ufayssiya hidootaa yeemuwan naagana danddayoosona. Tiyettidaageeti Yesuusi etawu saluwan giigissido sohuwan deꞌana. (Yoh. 14:2) Saꞌaa laattiyo hidootay deꞌiyogeeti Ajjuutaa 21:3n odettidabay polettin beꞌanawu yeemuwan naagoosona. Yihoowi nuuni merinawu A dunkkaaniyan deꞌanaadan shoobbidoogee nuussi gita maata!—Maz. 15:1-5. w24.06 13 ¶19-20

Bonchchoy aybee? Geeshsha Maxaafan “bonchchuwa” giya qaalay issi izaawu sabettanaadan oottiyabaa qonccissana danddayees. Israaꞌeelati Gibxxe aylletettaappe kiyidi daro takkennan, Yihoowi malaalissiya ogiyan ba bonchchuwa bessiis. Ane hagaa qoppa: Daro miiloone Israaꞌeelati Xoossay yootiyobaa siyanawu Siinaa Deriya achchan shiiqidosona. Sikkida shaaray deriya maayiis. Sohuwara deree cuwan kamettiis, biittay keehi qaaxxiis, wolqqanttay wolqqammiis, daday guummiis, qassi wolqqaama malkkataa cenggurssay siyettiis. (Kes. 19:16-18; 24:17; Maz. 68:8) Yihoowi ba bonchchuwa qonccissido wode hegan shiiqida Israaꞌeelati ay keena malaalettidaakko qoppa. Malaalissiya A wolqqaabaa, ufayssiya A eeshshatubaa haratuyyo yootiyogaaninne nu oottido ubbaban Yihoowi sabettanaadan oottiyogan ha wodiyan Yihoowa bonchchiyogaa bessana danddayoos.—Isi. 26:12. w25.01 2 ¶2-3

Israaꞌeelati Hidootaa Biittaa biyo wode erettida asati Muusanne I oottanaadan Yihoowi awu immido oosuwa ixxidosona. Eti hagaadan giidosona: “[Muuse xalaalaa gidennan] maabarai ubbai huuphiyan huuphiyan geeshsha; GODAIKKA eta gidduwan de7ees.” (Qoo. 16:1-3) Xoossaa sinttan “maabarai ubbai” geeshsha gidiyogee tuma gidikkonne, Yihoowi ba asaa kaalettanaadan Muusa dooriis. He makkalidaageeti Muusa boriyogan tumuppe Yihoowa boridosona. Eti Yihoowi koyiyoban gidennan, eti koyiyoban, hegeekka hara maataa demmiyogaaninne keehi erettida asa gidiyogan xeelaa wottidosona. He makkalida asaa kaalettidaageetanne etaara maayettida daro shaꞌu asaa Xoossay woriis. (Qoo. 16:30-35, 41, 49) Ha wodiyan Yihoowi ba dirijjitee immiyo kaaletuwa kaallennaageetun azzaniyogaa ammanettana danddayoos. w24.07 11 ¶11

Ha alamiya wurssettay matidoogaa ammanenna daro asay kumido wodiyan deꞌoos; nuuni hegaa ammaniyo gishshawu eti nuna qilliiccoosona. (2 Phe. 3:3, 4) Nuuni erenna darobay deꞌikkonne Yihoowi kuuyido wodiyan wurssettay yaanaagaa nuuni mintti ammanana koshshees. Qassi he wode I nuna ashshanaagaa nuuni ammanettana bessees. Yihoowi ha wodiyan nuna kaalettanawu ‘ammanettida wozannaama aylliya’ goꞌettiyogaakka nuuni mintti ammanana koshshees. (Mat. 24:45) Gita waayee doommiyo wode nuussi shemppuwa ashshiya kaaletoy imettana danddayees. Nuuni Yihoowa dirijjitiyan aawatettay deꞌiyogeetun mintti ammanettiyogee keehi koshshiyaba. Haꞌꞌi nuuni eti nuussi immiyo kaaletuwa ammanettidi azazettana xayikko, gita waayiya wode nuussi imettiya kaaletuwa azazettanawu metootana danddayoos. w24.09 11 ¶11-12

Xoossan ammaniyogee naati laattiyoba gidennaagaa Kiristtaane gidida yelidaageeti akeekoosona. Yaatiyo gishshawu, intte naati hagaadan giidi oychchana danddayoosona: ‘Xoossay deꞌiyogaa taani waata eriyanaa? Geeshsha Maxaafay yootiyobaa tumu taani ammanana danddayiyanaa?’ Nuuni nu ‘kumetta qofaa’ goꞌettidi ‘ubbabaa paacciyogee’ loꞌꞌo gidiyogaa Geeshsha Maxaafay yootees. (Roo. 12:1; 1 Tas. 5:21) Shin intte intte naatu ammanuwa minttanawu waatana danddayeetii? Geeshsha Maxaafay yootiyobay tuma gidiyogaa shaakki eranaadan intte naata minttettite. Intte naati oyshata oychchiyo wode, Yihoowa Markkati Geeshsha Maxaafaa Xannaꞌanawu Maaddiya Xuufiya (Amaarattuwa) mala pilgganawu maaddiya miishshata goꞌettidi bantta oyshatussi zaaruwa waati demmanaakko he injjiyan bessite. Leemisuwawu, “Geeshsha Maxaafay” asi xaafido hara maxaafatu mala gidennan, “Xoossaa qaalaa” gidiyogaa intte naati akeekanaadan maaddanawu xuufetanne biidota pilgganaadan minttettana danddayeeta.—1 Tas. 2:13. w24.12 14-15 ¶4-5

Cimati Yesuusa leemisuwa waati kaallana danddayiyonaa? Galchchan gujo aawatettata polana mala eti yelagata gujjin, ishantta loohissana bessees. He ishantti darobaa tamaarana koshshiyogaa cimati akeekoosona. Yelaga ishantti banttana ziqqi oottiyageeta, ammanettiyageetanne bantta dosan harata maaddiyageeta gidana mala cimati eta siiquwan loohissana koshshees. (1 Xim. 3:1; 1 PHe. 5:5) Yesuusi sabbakiyo aawatettaa xalaala gidennan, tamaarissiyo aawatettaakka bana kaalliyageetussi immiis. Yesuusa kaalliyageeti I azazidobaa oottana danddayennabadan qoppennan waayi aggana. Shin Yesuusi eti he oosuwa oottana danddayiyogaa ammanettiis. Qassi I keehi ammanettido gishshawu etawu hagaadan giis: “Aaway tana kiittidoogaadan, taanikka inttena kiittays.”—Yoh. 20:21. w24.10 16 ¶15; 17 ¶17

Daawiti gita kawo. I muuziqaa miishshaa kaaꞌiya, danttuwa xaafiyanne Xoossay erissidobaa yootiya asa, qassi olanchcha. Daro metoy A gakkiis. Kawuwa Saaꞌooli A woranawu koyiyo gishshawu, daro layttawu appe baqatana koshshiis. Daawiti kawo gidi simminkka, A naꞌay Abeseloomi A woridi kawotanawu koyido gishshawu I baqatana koshshiis. Daawita ha ubba metoy gakkikkokka, qassi I gita balaa oottikkokka, hayqqana gakkanaashin Xoossawu ammanettiyogaa aggibeenna. Yihoowi A ‘ta wozanaadan oottiya asa’ yaagiis. Yaatiyo gishshawu, Daawiti yootido loꞌꞌo zoriya nuuni siyana bessiyogee qoncce! (1 Kaw. 15:5) Leemisuwawu, Daawiti baappe kaallidi kawotiya, ba naꞌaa Solomona zoridobaa ane beꞌoos. Yihoowi baayyo asay goynniyo garuwa keexxanaadan Solomona dooriis. (1 Odi. 22:5) Solomoni darobaa oottana koshshiis; qassi deriya kaalettanawu Yihoowa maadoykka awu koshshiis. Daawiti awu woyganeeshsha? Yihoowawu azazettikko, deꞌuwan ubbabay injjetanaagaa Daawiti ba naꞌawu yootiis.—1 Kaw. 2:2, 3. w24.11 10 ¶9-11

Ba machchiyo wadhdhiya woy I bolli iitabaa haasayiya issi azinay Yihoowara dabbotido moorettida ba dabbotaa giigissanawunne ba machcheera issippetettan deꞌanawu darobaa oottana koshshees. Koyruwan, I mooranchcha gidiyogaa akeekana bessees. Yihoowappe geemmidabi baawa. (Maz. 44:21; Era. 12:14; Ibr. 4:13) Naaꞌꞌanttuwan, I ba machchiyo qohiyogaa aggananne ba eeshshaa laammana koshshees. (Lee. 28:13) Heezzanttuwan, I ba machchiyonne Yihoowa naaqqidoogan zilꞌꞌettidi eta maarotaa oychchana koshshees. (Oos. 3:19) I laamettanawu koyana mala qassi qoppiyoban, haasayiyobaaninne oottiyoban naagettana mala maaddanaadan Yihoowa mintti woossana koshshees. (Maz. 51:10-12; 2 Qor. 10:5; Pili. 2:13) Oyddanttuwan, hanttaarabaanne cashsha ubbaa ixxiyogan ba woosaara maayettiyabaa oottana koshshees. (Maz. 97:10) Ichchashanttuwan, galchchan deꞌiya siiqiya henttanchchata maaduwa sohuwara oychchana koshshees. (Yaaq. 5:14-16) Usuppunttuwan, zaarettidi hegaa mala iitabaa oottennaadan naagettanawu maaddiya halchchuwa kessana koshshees. w25.01 11 ¶14

Neessi deꞌuwanne loꞌꞌobaa ubbaa immida Xoossaa Yihoowa siiqay? Neeni A siiqiyogaa bessanawu koyay? Hegaadan oottiyo keehi loꞌꞌo ogee nena Yihoowawu sheedhdhiyogaanne haattan muukettiyogaa. Neeni hegaadan oottiyo wode Yihoowa so asa gidaasa. Hegaappe denddidaagan, ne Aawaynne ne Dabboy nena kaalettana; qassi neeni abaa gidiyo gishshawu neessi koshshiyabaa kunttana. (Maz. 73:24; Isi. 43:1, 2) Hegaa bollikka, nena Yihoowawu sheedhdhiyogeenne haattan muukettiyogee neessi merinaa deꞌuwa hidootay deꞌanaadan oottees. (1 PHe. 3:21) Neeni haattan muukettanawu mammottanaadan oottiyabi deꞌii? Yaatikko mammottiyay ne xalaala gidakka. Neeppe kase daro miiloone asay haattan muukettanawu ba eeshshaanne qofaa laammana koshshiis. Eti haꞌꞌi Yihoowawu ufayssan minnidi oottoosona. w25.03 2 ¶1-2

Geeshsha Maxaafay darotoo nagaraa gita toohuwan leemisees. Kawuwa Daawiti ba nagaraa hagaadan qonccissiis: “Ta iitatettai di7uwaadan tana muukkiis; denddenna gita toohuwaadan taayyo deexxees.” (Maz. 38:4) Shin balabaa oottidi zilꞌꞌettidi laamettida asatu nagaraa Yihoowi atto gees. (Maz. 25:18; 32:5) “Atto ga” geetettidi birshshettida Ibraawetto qaalay “dentta” woy “tookka” giyogaa qonccissees. Hegaa gishshawu Yihoowi nu nagaraa atto giyo wode I nu gita toohuwa diggees. Hegaa giyogee nuuni nu hashiyan tookkido gita toohuwa nuuppe wottees giyogaa mala. Yihoowi nu nagaraa nuuppe keehi haassiyogaa qonccissanawu Geeshsha Maxaafay hara leemisuwa yootees. Mazamure 103:12y hagaadan gees: “Awai mokkiyoosaappe awai wulliyoosai haakkiyoogaadan, hegaadankka GODAI nu mooruwaa nuuppe haassees.” Away mokkiyosay away wulliyosaappe keehi haakkees. He naaꞌꞌu ginati mule gayttana danddayokkona. Hegaa giyogee Yihoowi nu nagaraa nuuni qoppana danddayiyogaappe aaruwan nuuppe haassees giyogaa. Ha qofay Yihoowi nuussi muleera atto giyogaa nuuni ammanettanaadan oottees! w25.02 9 ¶5-6

Yesuusi saluwa bi simmin Pheexiroosi wobbe gididi yelettida issi bitaniya malaalissiya ogiyan pattiis. (Oos. 1:8, 9; 3:2, 6-8) Keehi cora asay he malaalissiyabaa beꞌidi Pheexiroosakko yiis. (Oos. 3:11) Shin Pheexiroosi asay hayttatanawu keehi koyiyo wogan diccikkokka, he asay A bonchchanaadan koyibeenna. Pheexiroosi, “Intte eriyonne ha beꞌiyo bitanee, nuuni Yesuusa sunttan ammaniyo gishshawu, qassi A sunttan minniis” giido wode, bana ziqqi oottidi eti Yihoowanne Yesuusa sabbanaadan yootiis. (Oos. 3:12-16) Nuuni nuna ziqqi oottiyogan Pheexiroosa leemisuwa kaallana danddayoos. Nuuni haratuyyo kehiyoy Yihoowanne asaa siiqiyo gishshataassappe attin, eti nuna sabbanaadan koyiyo gishshataassa gidenna. Harati nu oottiyobaa akeekana xayikkokka, nuuni Yihoowanne nu ishantta ufayssan haggaazikko nuna tumuppe ziqqi oottiyogaa bessoos.—Mat. 6:1-4. w25.03 10-11 ¶11-12

Nuuni Yihoowanne nu shooruwa siiqiyogaa bessiyo wode kaseegaappe aaruwan loytti sabbakana danddayoos. (Mat. 22:37-39) Yihoowi nuuni he oosuwa oottiyo wode beꞌidi ay keena ufayttanaakko, qassi asay Geeshsha Maxaafaa xannaꞌiyogaa doommidi ay keena ufayttanaakko qoppa! Nuuni yootiyobaa siyidi Yihoowawu haggaazanawu dooriyageeti merinawu deꞌana danddayiyogaakka hassaya. (Yoh. 6:40) Neeni issi issi hanotaappe denddidaagan sooppe kiyana danddayenna uree? Yaatikko neeni Yihoowanne ne shooruwa siiqiyogaa bessana danddayiyo ogiya qoppa. Koronaa harggiya wodiyan Samuꞌelinne Daaniya bantta sooppe kiyana danddayibookkona. He waayissiya wodiyan eti silkkiyaninne dabddaabbiyan ubbatoo markkattidosona; qassi Geeshsha Maxaafaa xinaateta Zuumiyan xannaꞌissidosona. Samuꞌelinne Daaniya kaseegaa keena oottana danddayennaba gidikkonne, eti bantta wolqqa keena oottiyogan ufayttidosona. w24.04 18 ¶15-16

Aqo oyqqiyogee ufayssawu keehi koshshana xayikkonne, yelaga gidin woy gastta gidin aqo oyqqibeenna daro Kiristtaaneti aqo lagge demmanawu koyoosona. Neeni issi uraara aqo oyqqanawu qoppada issippe wodiya aattiyogaa doommanaappe kase Yihoowara loytta dabbotana, nebaa loytta erananne aqo deꞌuwan goꞌettiyo miishshaara gayttida aawatettawu giigettana bessiyogee qoncce. (1 Qor. 7:36) Ne aqo laggiyawu deꞌanaadan ne koyiyo eeshshata aqo oyqqanawu qoppidi issippe wodiya aattiyogaa doommanaappe kase shaakka eriyogeekka keehi loꞌꞌo. Hegee xayikko, neessi haniya aqo laggiya neeni akeekennan aggana woy neeyyo hanenna uraara aqo oyqqanawu qoppada wodiya aattiyogaa doommana danddayaasa. Neeni dooriyo aqo laggee haattan muukettida Kiristtaane gidana koshshiyogee qoncce. (1 Qor. 7:39) Shin haattan muukettida ubbay neeyyo haniya aqo lagge gidenna. Hegaa gishshawu nena hagaadan oychcha: ‘Ta deꞌuwawu taani ayba halchchota kessidanaa? Ta aqo laggiyawu deꞌana bessees gaada taani qoppiyo eeshshati awugeetee? Taani naagiyobay bessiyabee?’ w24.05 20 ¶1; 21 ¶3

Aqo oyqqanawu qoppidi wodiya issippe aattiyo wode issi issitoo metoy merettikko waati giigissana danddayetii? Hegee intte issoy issuwawu haniya aqo lagge gidana danddayekketa giyogee? Gidennan aggana danddayees; aqo laggeti ubbay issi issitoo maayettokkona. Issoy issuwa bonchchiyogeenne haray koyiyobaa kaseyanawu eeno giyogee aqo deꞌoy minnanaadan oottees. Hegaa gishshawu, intte metuwa haꞌꞌi giigissiyogee intte aqo deꞌoy giiga gidanaakkonne bessiyaba gidana danddayees. Inttena hagaadan oychchite: ‘Merettida metuwabaa woppu giidi bonchchuwan haasayana danddayiyoo? Nu mooruwa ammanidi giigissanawu baaxetiyoo? Nuuni eesuwan maayettiyoo, maarotaa oychchiyoonne atto giyoo?’ (Efi. 4:31) Shin intte aqo oyqqanawu qoppidi issippe aattiyo wode darotoo maayettennaba woy palamettiyaba gidikko hanotay intte aqo oyqqi simminkka giigennaba gidana danddayees. He uri neeyyo hanennaagaa neeni akeekikko, aqo oyqqanawu qoppidi issippe wodiya aattiyogaa agganawu kuuyiyogee intte naaꞌꞌawukka keehi loꞌꞌo gidana danddayees. w24.05 29 ¶12

Nuuni ubbaban Yihoowawu azazettiyogan Geeshsha Maxaafay yootiyo maaraadan issibaa kuuyikko, haratussi loꞌꞌo leemiso gidoos. Nuuni Xoossaa Qaalaa xannaꞌiyonne Yihoowan mintti ammaniyo wode, Yihoowawunne I kessido maaratussi ammanettiyageeta gidoos. Worddo timirttetanne Yihoowa qofaara maayettennabata akeekidi hegeetuppe naagettoos. (Efi. 4:14; Yaaq. 1:6-8) Nuuni metoy gakkiyogeeta maaddanakka danddayoos. (1 Tas. 3:2, 3) Cimati kiphatanchcha, suurebaa qoppiyageeta, banttawu bessiyabaa oottiyageetanne ashkke gidana bessees. Eti harati woppu gaanaadaaninne Yihoowa mintti ammananaadan maaddiyogan, ‘ammanettiya qaalaa mintti kaallanaadan’ oottoosona. (Tii. 1:9; 1 Xim. 3:1-3) Cimati leemiso gidiyogaaninne soo biidi minttettiyogan aassiyageeti ubbatoo shiiqota shiiqanaadan, haggaazanaadaaninne buzo xinaatiya xannaꞌanaadan maaddoosona. Ishanttanne michchontta unꞌꞌissiyabay gakkiyo wode, cimati eti Yihoowanne I gelido qaalaa ubbatoo qoppanaadan maaddanawu baaxetoosona. w24.06 31 ¶16-18

Yesuusi ha saꞌan deꞌiiddi nuuni nagaraa oottiyo wode, A Aaway nuuyyo atto gaanawu keehi koyiyogaa asaa tamaarissiis. Yesuusi yootido, bayida naꞌaabaa leemisuwa qoppa. He yelagay sooppe kiyidi iita deꞌuwa deꞌanawu dooriis. Shin amarida wodiyappe simmin “I ay keena eeyyidaakko akeekidi” soo simmiis. Yaatin A aaway waatidee? Yesuusi he naꞌay ‘biron haahuwan deꞌishin, A aaway woxxi biidi A qoommidi yeridoogaa’ yootiis. He naꞌay aaway ayyo atto gaana giidi mule qoppibeenna. Hegaa gishshawu, awu oosanchcha gidana danddayiyakkonne A oychchiis. Shin aaway awu atto giis. Aaway A, ‘ta naꞌaa’ giidi xeegiisinne ba so asadan mokkiis. Aaway, ‘bayida I beettiis’ yaagiis. (Luq. 15:11-32) Yesuusi ha saꞌaa yaanaappe kase saluwan deꞌiyo wode, bantta nagaran zilꞌꞌettidi laamettida zawi baynna asatuyyo A Aaway hegaadan qarettiyogaa beꞌidoogee qoncce. Yesuusi yootido ha leemisoy nuna keehi minttetteesinne nu Aaway Yihoowi maariyagaa gidiyogaa bessees! w24.08 11 ¶11-12

Suure qofay deꞌiyo issi Kiristtaanee Yihoowagaadan qoppiyogaa bessiya loꞌꞌobaa kuuyanawu bawu danddayettida ubbabaa oottees. Hegaa mala Kiristtaanee Yihoowara dabbotido dabbotay A deꞌuwan aybippekka aadhdhiyogaa erees. I babaa bessiyagaadan qoppees; qassi I ubbabaa erennaagaa akeekees. Hegaa bollikka, I bana ziqqi oottidi Yihoowa darotoo woossiyogan an ammanettiyogaa bessees. Nuuni issibaa metootennan oottana danddayiyabadan qoppiyo wodekka, maaduwawu Yihoowa woossana koshshiyogaa eroos. Hegaa gishshawu, gitabaa kuuyana koshshiyo wode ubban nuussi keehi loꞌꞌobay aybakko Yihoowi eriyogaa ammanettiyo gishshawu kaaletuwa demmanawu A woossoos. Yihoowi nuussi aagaa mala eeshshay deꞌanaadan ootti medhdhido gishshawu A keehi galatoos. (Doo. 1:26) Wottiyobi baynna ogiyan nuuni Yihoowa milatana danddayennaagee tuma.—Isi. 55:9. w25.03 11 ¶13; 13 ¶17-18

Haratubaa iitabaa qoppoppa. Nuuni oottidobaa gishshawu harati nashshennaba gidikko, nuna hagaadan oychchana danddayoos: ‘Eti tumuppe nashshennaageeteeyye nashshana koshshiyogaa dogidonaa?’ Geella eti nuuni qoppidoogaadan nashshennan aggido hara gaasoy deꞌana danddayees. Issoti issoti bantta wozanan galatikkonne hegaa yootanawu metootoosona. Ubba eti kase harata maaddiyageeta gidikko, haꞌꞌi maaduwa ekkanawu yeellatana danddayoosona. Shin nuuni nu ishanttanne michchontta wozanappe siiqikko, etabaa iitabaa qoppokko; qassi ubbatoo ufayssan eta maaddana. (Efi. 4:2) Danddayanchcha gida. Eranchcha Kawuwa Solomoni issi wode hagaadan giis: “Ne oittaa haattaa bollan ola; daro gallassatuppe guyyiyan, neeni zaarettada a demmana.” (Era. 11:1) Ha xiqisee amaridaageeti nuuni kehidobawu “daro gallassatuppe guyyiyan” galatana danddayiyogaa bessees. w24.09 30 ¶18-19

Issi urawu seeray imettidoogee galchchawu issi issitoo odettees. Hegaa mala hanotatun, he uri ba nagaran zilꞌꞌettidi laamettidoogaanne ba iita oosuwa aggidoogaa nuuni eriyo gishshawu, aara ubbatoo hashetana danddayoos. I haꞌꞌikka galchchaa yame gidiyo gishshawu, I aggennan suurebaa oottanaadan ishanttuppenne michchonttuppe awu minttettoy koshshees. (Ibr. 10:24, 25) Shin galchchaappe kiyida uraa hanotay hegaara issi mala gidenna. Nuuni he uraara ‘zuppetiyogaa aggoos, haray atto qumaakka mookko.’ (1 Qor. 5:11) Hegaa giyogee nuuni A muleera sheneho goos giyogee? Chii, gidenna. Nuuni aara zuppetennaagee qoncce. Shin Kiristtaaneti galchchaappe kiyida uri eta dabbo woy kase eta lagge gidikko, I shiiquwa shiiqanaadan shoobbanawu woy agganawu Geeshsha Maxaafan loohida bantta kahaa goꞌettidi kuuyana danddayoosona. w24.08 30 ¶13-14