Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Godaa Woosan, ‘Ne kawotettai yo; ne shenee saluwan hanidoogaadan, sa7ankka hano’ yaagiyaagaa daroti zaaretti zaarettidi goosona. He Kawotettay ayba giidi qoppeetii? [Zaaranaashin takki ga.] Ha xiqisee nuuni zaaruwaa demmanaadan maaddees.” Daaneela 2:44 nabbaba. Isiine 1 Wochiyo Keelaa haasayissiyo uraassi immada, sinttaa 16n deꞌiya koyro sima huuphe yohuwaa garssan deꞌiya qofaa issippe nabbabidi tobbite. Maxeeteta immada, kaalliya oyshaa zaaranau simmada yiyo wodiyaa keera.

Wochiyo Keelaa Isiine 1

“Deꞌoy qanttanne metuwan kumidaagaa gidiyo gishshau, daroti deꞌuwau halchoy deꞌiyaakkonne qoppoosona. Hegaa xeelliyaagan qoppi ereetii? [Zaaranaashin takki ga.] Sinttappe deꞌoy ubba wodekka hagaa mala gidennaagaa Geeshsha Maxaafay yootees. [Ajjuutaa 21:4 nabbaba.] Ha maxeetee saꞌaa xeelliyaagan Xoossaa halchoy aybakko, qassi nuuni ha wodiyankka deꞌuwan tumu ufayssaa demmanau ay oottana danddayiyaakko issi issibaa qonccissees.”

Beegottite! Isiine

Eraadooniyan woy Televizhiiniyan odettiya azzanttiyaabaa yoota. Yaatada hagaadan ga: “Hagaa malabay gakkanaadan Xoossay aybissi paqqadiis giidi qoppeetii? [Zaaranaashin takki ga.] Geeshsha Maxaafay yootiyoogaadan, Xoossay tuggatiyaageetussi qarettees. [Kessaabaa 3:7 nabbaba.] Xoossay, tuggay deꞌanaadan aybissi paqqadidaakko, qassi i mata wode tuggaa merinau xayssanaagaakka Geeshsha Maxaafay yootees. Ha maxeetee hegaa qonccissees.”