Wozuwappe Kase Atto Giyogaa

Nu nagaray atto geetettana danddayiyoy wozo gidida Yesuusa suuttaa yarshsho xalaalaana. (Efi. 1:7) Shin Geeshsha Maxaafay hagaadan gees: ‘Xoossay ba danddayan beni wodiyan asaa nagaraa atto giis;’ hegaa giyogee Yesuusi wozo gidanaappe kase giyogaa. (Roo. 3:25) Yihooway wozoy qanxxettanaappe kase nagaraa atto giyogaakka, qassi suure pirddiya Xoossaa gidiyogaakka waati bessidee?

Yihooway Aaninne I gelido qaalan ammaniyageeta issi “zerettaa” baggaara ashshanaagaa qaalaa geliis. I he qaalaa gelido wode wozoy qanxxettiichchidoogaa mala. (Doo. 3:15; 22:18) Xoossay I keerido wodiyan ba Naꞌay ba dosan wozo gidanaagaa loytti ammanettiis. (Gal. 4:4; Ibr. 10:7-10) Yesuusi ha saꞌan deꞌiyo wode wozoy qanxxettanaappe kase nagaraa atto giyo maataa Yihooway awu immiis. Yesuusi an ammaniyageetu nagaraa atto giis; ayssi giikko A yarshshoy eta nagaraa kammanaagaa I eriis.—Mat. 9:2-6.