Geeshsha Maxaafaa Taariketa Loytta Qoppa

Geeshsha Maxaafay keehi koshshiyabaa tamaaranaadan nuna maaddiya tumuppe hanida daro taariketa yootees. Nuuni he taariketa loytti qoppanawu baaxetikko, nu nabbabiyobaa loytti akeekananne appe goꞌettana danddayoos. Geeshsha Maxaafaa taariketa loytta qoppanawu ne oottana danddayiyo amaridabata beꞌa.

• Cenggurssaa xoqqu oottada nabbaba. Neeni cenggurssaa xoqqu oottada Geeshsha Maxaafaa nabbabiyogee haniiddi deꞌiyabaa loytta akeekanaadan nena maaddana danddayees. So asay issippe Geeshsha Maxaafaa nabbabiyo wode, hegan odettida asatubaa dumma dumma asay nabbabanaadan oottiyogan he taarikiya loytti akeekana danddayeeta.

• Hanotaa qoppa. He taarikiyan odettida asati qoppiyobaanne etawu siyettiyabaa akeekanawu baaxeta. Leemisuwawu, nena hagaadan oychcha: ‘Taarikiyan odettida izaawu hegaadan haasayidoy woy oottidoy aybissee? Tana hegaa malabay gakkiyakko taani ay qoppanee, woy tawu aybi siyettanee?’

• Misiliya medhdha. Misiliya medhdhiyogan neeni gooba gidana xayikkonne, Geeshsha Maxaafaa taariketa misiliyan medhdhiyogee neeni loytta qoppanaadaaninne hassayanaadan maaddana danddayees.