Taani Etaara Geeshsha Maxaafaa Xannaꞌada Yihoowa Markka Gidana Bessii?
Akkay, nena ooninne giddenna. Daro miiloone asay Yihoowa Markka gidennan nunaara Geeshsha Maxaafaa xannaꞌees.a Nuuni xannaꞌissiyo gaasoy Geeshsha Maxaafay tamaarissiyobaa nena bessanaassa. He eran ay oottanaakko ne huuphe maacaasa. Ammanoy aawuba gidiyogaa akeekoos.—Yaasa 24:15.
Xannaꞌiyo wode ta Geeshsha Maxaafaa goꞌettana danddayiyanaa?
Ee. Nuuni Ooratta Alamiya Geeshsha Maxaafaa Birshshettaab goꞌettiyogaa dosiyabanne neeni koyikko issuwa neeyyo coo immanaba gidikkokka, neeni ne Geeshsha Maxaafaa goꞌettiyogaa dosoos. Geeshsha Maxaafay hidootaabaanne atotettaabaa yootiyobaa ay birshshettaappekka tamaarana danddayaasa.
Intte ammanuwan gelenna asatuura ayssi xannaꞌeetii?
Kiristtaaneti eridobaa harata tamaarissanaadan koyiya Xoossaa Yihoowa siiqiyogee hegawu nuna denttettiya waannaba. (Maatiyosa 22:37, 38; 28:19, 20) A Qaalay yootiyobaa eranaadan harata maaddiyogan ‘Xoossaara oottiyogaa’ keena gita bonchchoy baawa.—1 Qoronttoosa 3:6-9.
Nu shoorota siiqiyogeekka nuna hegawu denttettees. (Maatiyosa 22:39) Nuuni erido malaaliyabata haratuyyo yootiyogan ufayttoos.—Oosuwa 20:35.
a Aginan aginan, 2023n, 7,281,212too (hegeetuppe dariya baggay issitoo unddenna asaara xannaꞌidoogaa) Geeshsha Maxaafaa xannaꞌissidoogee nunaara ay keena asay xannaꞌiyakko bessees. Shin he laytti 269,517 asa xallay haattan muukettidi Yihoowa Markka gidiis.
b Ha maxaafay kumettay daro doonatun birshshettiis. Wolaytta qaalan, Giriikettuwan Xaafettida Geeshsha Maxaafay deꞌees.