SHaahuwaa 26

Saꞌay Zaarettidi Gannate Gidana!

Kiristtoosi haariyo Kawotettaa baggaara, Yihooway ba sunttaa geeshshana, I ubbaappe bollaara haarana bessiyoogaa boxooxissana; qassi iitatettaa ubbaa xayssana

AJJUUTAA geetettiya, Geeshsha Maxaafan wurssetta maxaafay asaa naatu ubbaassi hidootaa oyqqiis. Kiitettida Yohaannisi xaafido ha maxaafan deꞌiya ajjuutatu wurssettay Yihoowa halchoy polettiyoogaa bessees.

Koyro ajjuutan, hayquwaappe denddida Yesuusi amarida gubaaꞌeta galatiisinne seeriis. Naaꞌꞌantto ajjuutay ayyaana meretati Xoossaa sabbiyoosaa, saluwan deꞌiya Xoossaa araataa bessees.

Xoossaa halchoy polettiiddi biyoode, Dorssay, Yesuus Kiristtoosi laappun maatafay deꞌiyo xaatta woraqataa ekkiis. Koyro oyddu maatafata dooyiyoode, paraasatun leemisettidaageeti kiyidosona. Koyroogee bootta paraa toggidanne Kawo gididi kallachaa goxxida Yesuusa. Kaallidi, sinttappe hanana olaa, koshaanne wurssiya harggiyaa malaatiya, dumma dumma meray deꞌiyo parata toggidaageeti kiyidosona; he ubbabay polettiyoy ha iita siraataa wurssetta gallassaana. Laappuntta maatafay dooyettin, Xoossaa pirdday awaajjettiyoogaa malaatiya, leemiso gidida laappun malkkatay punettiis. Hegee leemiso gidida laappun boshaa, woykko Xoossaa hanqquwaa qonccissiyaabata kaalettiis.

Biron yelettida attuma naꞌan leemisettida Xoossaa Kawotettay saluwan eqqiis. Olay denddin, Seexaanaynne a iita kiitanchati duge saꞌau olettidosona. Issi wolqqaama cenggurssay ‘saꞌau aayyeꞌana’ yaagiis. Dabloosi baayyo guutta wodee attidoogaa eriyo gishshau, keehippe hanqqettiis.—Ajjuutaa 12:12.

Yohaannisi dorssan leemisettida Yesuusanne asaa naatuppe doorettida, aara deꞌiya 144,000ta saluwan beꞌiis. Hegeeti kawo gididi Yesuusaara ‘issippe haarana.’ Ajjuutaa maxaafay, zerettau naaꞌꞌantto xekka gididaageetu qooday muleera 144,000 gidiyoogaa hegaa mala hanotan qonccissees.—Ajjuutaa 14:1; 20:6.

Saꞌaa kawoti Armmageedoona, giishin “ubbaappe Wolqqaama Xoossaa [olaa gita gallassau]” shiiqana. Eti, saluwaa olanchata kaalettiya, bootta paraa toggida Yesuusaara olettoosona. Ha saꞌaa kawoti ubbay xayana. Seexaanay qashettana; qassi Yesuusinne 144,000ti saꞌaa bolli “sha7u laittau” haarana. SHaꞌu layttay wuriyoode Seexaanay xayana.—Ajjuutaa 16:14, 16; 20:4.

Kiristtoosanne 144,000tu SHaꞌu Laytta Haaroy azazettiya asaa naatussi ay ehaanee? Yohaannisi: “Xoossai eta aifiyaappe afutta ubbaa quccana. Hagaappe sinttanau haiqoinne kayyoi woi waasoinne sahoi de7enna. Aissi giikko, ceegabai xayiis” yaagidi xaafiis. (Ajjuutaa 21:4) Saꞌay gannate gidana!

Ajjuutaa maxaafay Geeshsha Maxaafaa waanna qofaa hegaadan giidi kuuyees. Mase Kawotettaa baggaara Yihoowa sunttay geeyananne i ubbaappe bollaara haarana bessiyoogee merinau qonccana!

—Ajjuutaa maxaafan baasettidaagaa.

◼ Paraasatun leemisettidaageetu birshshettay aybee?

◼ Xoossaa halchoy polettiiddi biyoode hanettiyaabati aybee?

◼ Armmageedooni aybee? Hegee ay kaalettanee?

[Sinttaa 30n deꞌiya misiliyaa]

“Gita Baabiloono”

Ajjuutaa maxaafan, worddo haymaanootee ubbay, giishin tumu Xoossaara eqettiya haymaanooteti issippe issi gita ‘shaaramuxen’ leemisettidosona. A “Gita Baabiloono” geetettaasu; qassi alamiyaa polotikan ayssiyaageetuura shaaramuxausu. Xoossaa Yihooway keerido wodiyan, polotikan ayssiyaageeti ha shaaramuxee bolli denddidi o xayssanaagaa Ajjuutaa maxaafay yootees.—Ajjuutaa 17:1-5, 16, 17.

[Sinttaa 30n deꞌiya misiliyaa]

Doomettaabaa

Kessaabaa

Wogaabaa

Qoodaabaa

Zaarettido Wogaa

Yaasa

Daannatu

Uruto

1 Sameela

2 Sameela

1 Kawotu

2 Kawotu

1 Hanidabaa Odiya

2 Hanidabaa Odiya

Izira

Nahimiyaa

Asttiro

Iyyooba

Mazamure

Leemiso

Eranchchaa

Siiquwaa Sabaa

Maatiyoosa

Marqqoosa

Luqaasa

Yohaannisa

Oosuwaa

Roome

1 Qoronttoosa

2 Qoronttoosa

Galaatiyaa

Efisoona

Piliphphisiyuusa

Qolasiyaasa

1 Tasalonqqe

2 Tasalonqqe

1 Ximootiyoosa

2 Ximootiyoosa

Tiitu

Pilimoona

Ibraawe

Yaaqooba

1 PHeexiroosa

2 PHeexiroosa

1 Yohaannisa

2 Yohaannisa

3 Yohaannisa

Yihudaa

● Ajjuutaa