XINAATE 4

Xiqiseta Loytti Erissiyoogaa

Maatiyoosa 22:41-45

TAMAARANABAA: Issi xiqisiyaa nabbabanaappe kase ezggiyaageeti eranawu koyanaadan denttetta.

Xiqisiyaa nabbabiyo gaasuwaa qoppa. Xiqisiyaa erissiyo wode, ezggiyaageeti neeni xiqisiyaappe qonccissanawu koyiyo qofaa akeekanaadan oottiya ogiyan yoota.

Yuushuwan deꞌiya qofaa akeeka. Neeni erissiyo qofaa yootiday woy Geeshsha maxaafan xaafiday oonakko yootana koshshikko, ne yootiyoobay likke gidiyoogaa akeeka.
Yootiyoobay Geeshsha Maxaafaappe gidiyoogaa bessa. Xoossaa ammaniya asaara haasayiyo wode eti Xoossaa Qaalaa gidida, Geeshsha Maxaafaappe xeellanaadan ootta; yaatiyoogan aadhdhida eratetta pultto ubbaappe aadhdhiyoogaa bessaasa.
Xiqisiyaa qofaa eranawu koyanaadan ootta. Xiqisiyaappe zaaro demmiyo oyshaa oychcha, xiqisee yootiyo ogiyan giigissana danddayiyo metuwaa yoota, woy he xiqisiyan qonccida Geeshsha Maxaafaa maaraa yoota.

Ezggiyaageeti he allaalliyaanne he xiqisiyaa xeelliyaagan kase eriyoobaa qoppa. Meezetido xiqisiyaakka ufayssiya ogiyan erissa; qassi ezggiyaageeti hegaabaa zaarettidi qoppanaadan woy kase akeekibeenna ogiyan akeekanaadan maadda.