Intte Dooranabata Ereetii?
SHukkidi akkamiyo wode, suuttaa goꞌettennan akkamiyoogee alame yuushuwan daro hosppitaaletun meeze gidiiddi deꞌees. Suuttaa goꞌettennan akkamettanau dooriyo hiillata loyttidi ereetii? Suuttaa goꞌettennan shuhettiyo wodenne akkamettiyo wode eratetta kuushshaa kuuyanau intte hegaa erana koshshees. Suuttaa Goꞌettikke—Akkamo Hiillay Xooni Kiyido Paaciyaa giya biiduwaa xeellite. Xeelli simmidi, kaallidi deꞌiya oyshata goꞌettidi intte akeekidobaanne kuuyiyoobaa woosan qoppite.—Hassayissuwaa: Asaa shukkiyoogaa amarida ogiyan biidoy bessiyo gishshau, so asay biiduwaa guutta naatuura beꞌana koshshiya woy koshshennaakko akeekan kuuyana koshshees.
(1) Yihoowa Markkati suuttaa ekkenna waanna gaasoy aybee? (2) Akkamettiyoogaa xeelliyaagan Yihoowa Markkatu koshshay aybee? (3) Sahettiyaageetussi deꞌiya waanna maatay aybee? (4) Suuttaa ekkiyoogaa gishshau dooriyoobata dooriyo wode eratettaanne akeekaa koshshiyoy aybissee? (5) Daro suuttay gukkidaba gidikko, dottoreti koyrottidi oottiyo naaꞌꞌubati aybee? (6) Suuttaa ekkiyoogaa gishshaa dooriyo akkamettiyo hiillan aakimeti kaalliyo oyddu maarati awugeetee? (7) Dottoreti waatidi (a) daro suuttay gukkennaadan oottanau, (b) zoꞌo suuttaa seeleti guuxxennaadan oottanau, (c) suuttay eesuwaara dalgganaadan oottanaunne (d) gukkida suuttaa zaarettidi goꞌettanau danddayiyoonaa? (8) (a) Heemodayluushininne (b) seel salveej giyo hiillata qonccissite. (9) Suuttaa ekkiyoogaa gishshaa goꞌettiyo hiillaa awugaanne xeelliyaagan intte erana koshshiyaabi aybee? (10) Suutta xaphuwaara immiyo suuttaa goꞌettennan, deexo gidida ogiyan shukkidi akkamiyoogee danddayettii? (11) Akkamiya asati ayba loꞌꞌo laamiyaa oottiiddi deꞌiyoonaa?
Biidoy qonccissiyo issi issi akkamo hiillata dooriyoogee issi uri Geeshsha Maxaafan loohida ba zoriya wozanaa goꞌettidi kuuyiyooba. Intte inttessinne intte naatussi goꞌettanau dooriyo akkamo hiillay awugaakko qoncce gidida hanotan qofaa qachidetii? Yaati simmidi, Akkamettiyo Wodiyau Kaaletuwaa Oyqqida karddiyaa kunttidetii? Ha allaalletun aaho qonccissuwaa demmanau, Tamme 15, 2004nne Xiqimita 15, 2000, Wochiyo Keelaa xuufetun “Nabbabiyaageetu Oyshaa” giyaagaa akeekan zaarettidi xeellite. Yaatidi, intte koyiyoonne koyenna doorotun qofaa qachanau, Hidaare 2006 Nu Kawotetta Haggaazuwan gujettidi kiyida, “Suuttau Suuppa Kifiletanne Akkamettiyo Wode Ta Suuttaa Goꞌettiyoogaa Aybidan Xeelliyaanaa?” yaagiya huuphe yohuwan deꞌiya kunttiyoobata kunttite. Wurssettan, intte doorido dooruwaa Akkamettiyo Wodiyau Kaaletuwaa Oyqqida karddiyan xaafidoogaa akeekite. Akkamuwaara gayttidaagan inttena kalꞌꞌatanaadan intte dooridoogeetanne Yihoowa Markka gidenna intte soo asaa intte dooruwaa xeelliyaagan erissana koshshees.