Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Asa ubbau dabboy woy laggee hayqqees. Intte eta zaarettidi demmiyo hidootay deꞌii? [Zaaranaashin takki ga.] Ha minttettiya qofaa akeekite.” Tamme 1 Wochiyo Keelaa sinttaa 16n deꞌiya koyro sima huuphe yohuwaanne issi xiqisiyaa nabbabada tobba. Maxeeteta imma; yaatada, kaalliya oyshaa tobbanau simmada yaana gallassaa keera.

Wochiyo Keelaa Tamme 1

“Nuuppe daroti koshshiyaabaa waayettidi kunttoos; qassi issi issi asay deꞌuwau koshshiyaabaakka demmanau danddayenna. Asi mule hiyyeesa gidenna wodee yaana giidi qoppi ereetii? [Zaaranaashin takki ga. Yaatada Mazamure 9:18 nabbaba.] Ha maxeetee hiyyeesatettau gaaso gididabaanne he metoy waanidi giiganaakko Geeshsha Maxaafay yootiyoobaa qonccissees.”

Beegottite! Tamme

“SHabbirssay alame yuusho meto gidiis. Hegau gaasoy ayba giidi qoppeetii? [Zaaranaashin takki ga.] Geeshsha Maxaafay yootiyo ha qofay nuussi hidootay deꞌanaadan oottees. [Mazamure 72:7, 14 nabbaba.] Ha maxeetee shabbirssau gaaso gidida amaridabata qonccissees; qassi shabbirssay xayiyo ogiyaanne wodiyaa xeelliyaagan Geeshsha Maxaafay woygiyaakko yootees.”