Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

Isiyaasa 42:8 nabbaba. Yaatada, hagaadan ga: “Ha xiqisee yootiyoogaadan Xoossaayyo sunttay deꞌees. Nuuni Xoossaa sunttaa goꞌettiyoogee koshshiyaaba giidi qoppeetii? [Zaaranaashin takki ga.] Hagan qonccidabaa akeekite.” Tammiyaa Wochiyo Keelaa keettaawau immada, sinttaa 16n koyro sima huuphe yoho garssan deꞌiya qofaa tobbite. Maxeeteta immada kaalliya oyshaa tobbanau zaarettada yaana gallassaa keera.

Wochiyo Keelaa Tamme 1

“Issi keehi koshshiyaabaa xeelliyaagan intte qofay aybakko erana koyays. [Sinttaa 3, kessada hegan deꞌiya qofaa bessa.] Geeshsha Maxaafaa xeelliyaagan intte qofaa loytti qonccissiyaagee awugee? [Zaaranaashin takki ga.] Geeshsha Maxaafay babaa woygiyaakko akeekite. [Roome 15:4 nabbaba.] Ha maxeetee Geeshsha Maxaafay dumma maxaafa gidido ichashu gaasotanne nuna waati goꞌꞌiyaakkokka yootees.”

Beegottite! Tamme

“Alame yuushuwan layttan layttan miilooniyan qoodettiya asay moorettida qumaa miidi sahettees. Nu heeran qumay moorettidabadan qoppeetii? [Zaaranaashin takki ga.] Moorettida qumaa gaasuwan oyqqiya harggiyaappe soo asaa naagana danddayiyo oyddu ogeta ha maxeetee qonccissees. Qassi ubba asau mata wode kumi palahida payya qumay deꞌanaagaa Geeshsha Maxaafay yootiyo hidootaakka qonccissees.” Mazamure 104:14, 15 nabbaba.