Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Ha waayissiya wodiyan so asay unꞌꞌettanaadan oottiya metoy nuna ubbaa gakkees. Nu so asaa deꞌuwaa ufayssiyaagaa oottanau nuna maaddiya, ammanttiya kaaletuwaa awuppe demmana danddayoos giidi qoppeetii?” Zaaranaashin takki ga. Xiqimita 1 Wochiyo Keelaa haasayissiyo urau immada, sinttaa 16nne 17n deꞌiya, sima huuphe yohotuppe issuwaanne hegan deꞌiya xiqisiyaappe guuxxiis giishin issuwaa izaawura tobba. Maxeeteta ekkana mala shoobbada, kaallidi deꞌiya oyshaa tobbanau gayttiyo wodiyaa keera.

Wochiyo Keelaa Xiqimita 1

Maxeetiyaa koohuwaa bessaydda, hagaadan gaada oycha; “Ammanettiyo uri Xoossaabaa intteyyo worddotidoogaa erikko, intteyyo aybi siyettanee? [Zaaranaashin takki ga.] Tumaa wordduwaappe shaakkana danddayiyo ogiyaa xeelliyaagan Yesuusi giidobaa ane akeekite. [Yohaannisa 17:17 nabbaba.] Hegaa gishshau, Xoossaabaa tumaa nuussi yootiyay Geeshsha Maxaafaa xalla. Geeshsha Maxaafay qoncciyaa kessiyo, Xoossaabaa wordduwaa yootiyo, meeze gidida ichashubata ha maxeetee yootees.

Beegottite! Xiqimita

Nuuni hachi inttekko yiidoy so asaa maaddiyaabaa inttenaara tobbanaassa. Ha wodiyan naata dichiyo wode yelidaageeta keehippe metiyaabay ayba giidi qoppeetii? [Zaaranaashin takki ga.] Yelidaageetuppe daroti zoriyaa demmanau Geeshsha Maxaafan ammanettoosona. Leemisuwau, aadhida eratettay deꞌiyo ha qaalati naata seeranau keehi maaddoosona. [Efisoona 4:31 nabbaba.] Ha maxeetee, yelidaageeti bantta naata naatettaappe doommidi gasttana gakkanaashin dichiyo wode, Geeshsha Maxaafaa zoree eta waatidi maaddiyaakko qonccissees.”