Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Asay Geeshsha Maxaafaa nabbabanaadan minttettiiddi deꞌoos. SHin daro asay Geeshsha Maxaafaa qofay akeekanau metiyaabadan qoppees. Inttekka hegaadan qoppeetii? [Zaaranaashin takki ga.] Ane hagan qonccidabaa beꞌite.” Isiine-Masqqala Wochiyo Keelaa wurssetta sinttaa haasayissiyo uraa bessada, hegan deꞌiya koyro oyshaanne guuxxiis giishin issi xiqisiyaa tobbite. Maxeeteta au immada, kaallidi deꞌiya oyshaa tobbanau zaarettada yaana gallassaa keera.

Wochiyo Keelaa Isiine-Masqqala

“Ha xiqisee yootiyoobaa xeelliyaagan intte qofaa siyanau koyoos. [1 Yohaannisa 4:8 nabbaba.] Daro asay ha qofaa maayees; shin harati, Xoossay meretay gattiyo daafabay gakkanaadan oottiyo gishshau, woy hegaa coꞌꞌu giidi xeelliyo gishshau, i meqettaa iita giidi qoppoosona. Intte qofay shin aybee? [Zaaranaashin takki ga.] Ha maxeetee, nuuni Xoossaa meqettaa iita gaana koshshennay aybissakko ammanttiya qofaa qonccissees.”

Beegottite! Xiqimita

“Nuussi daro miishshi baynnaba gidikkokka, nuuyyo deꞌiyaabay gidana giyoogee danddayettiyaaba giidi qoppeetii? [Zaaranaashin takki ga.] Hegaara gayttidaagan Geeshsha Maxaafay yootiyoobaa akeekite. [1 Ximootiyoosa 6:8 nabbaba.] Aquwaa bessiyaagaadan xeellanau maaddiya qofaanne miishshi shammana danddayenna heezzubaa ha maxeetee qonccissees.”