Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Asaa naatu deꞌoy qantta gidiyoogaa intte maayeeta gaada qoppays. Harggee xayin nuuni issi wode adussa wodiyau deꞌana giidi qoppi ereetii? [Zaaranaashin takki ga.] Hegaara gayttidaagan ha maxeetiyan qonccidabaa beꞌite.” Xiqimita 1 Wochiyo Keelaa haasayissiyo uraassi immada, sinttaa 16n koyro sima huuphe yohuwan deꞌiya qofaanne hegan deꞌiya xiqisiyaappe guuxxiis giishin issuwaa tobbite. Maxeeteta keettaawau immada, kaallidi deꞌiya oyshaa tobbanau zaarettada yaana gallassaa keera.

Wochiyo Keelaa Xiqimita 1

“Alamiyan mussinnay darido hanotay keehi qofissiyo asaara haasayiiddi deꞌoos. Hegee ayba ogiyan giigana giidi qoppeetii? [Zaaranaashin takki ga.] Hegaa mala hanotan qohettidaageetussi Yesuusi oottanabaa xeelliyaagan ha xiqisee giyoobaa beꞌite. [Mazamure 72:12-14 nabbaba.] Ha maxeetee mussinnay mata wode waanidi xayanaakko qonccissees.”

Beegottite! Xiqimita

“Yelidaageeti naati loꞌꞌo timirttiyaa tamaarana mala koyoosona. Ha wodiyan timirttiyaa wurssida naati deꞌuwan gakkiya dumma dummabau giigettidaageeta giidi qoppeetii? [Zaaranaashin takki ga.] Geeshsha Maxaafay eraanne aadhida eratettaa demmiyoogaa xeelliyaagan yootiyoobaa beꞌite. [Eranchchaa 7:12 nabbaba.] Ha maxeetee naati timirtte keettan tamaariyoobaappe goꞌettanaadan maaddiya ichashubata qonccissees.”