Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Haymaanootee siiqoynne sarotettay deꞌanaadan oottiiyye woy asay issoy issuwaara ixettanaadaaninne ooyettanaadan oottii? [Zaaranaashin takki ga.] Hegaara gayttidaagan taani issi loꞌꞌobaa inttena bessana.” Mata wode gakkida Wochiyo Keelaa keettaawau immada, sinttaa 16n koyro sima huuphe yoho garssan deꞌiya qofaa tobbite; hegan deꞌiya xiqisiyaappe guuxxiis giishin issuwaa nabbaba. Maxeeteta immada kaalliya oyshaa tobbanau zaarettada yaana gallassaa keera.

Wochiyo Keelaa Uddufune 1

“Daro asay haymaanootee polotikaara walahettiyoogee loꞌꞌo giidi qoppees; shin hara asay qassi haymaanooteenne polotikay walahettana koshshenna giidi qoppees. Intte qofay shin aybee? [Zaaranaashin takki ga.] Yesuusi saꞌan deꞌiyo wode, i polotikaa oosuwaa oottanaadan asay koyido wode i oottidobaa akeekite. [Yohaannisa 6:15 nabbaba.] Yesuusi hegaadan oottidoy aybissakko, qassi Kiristtaaneti asaa maaddana danddayiyo ubbaappe loꞌꞌo gidida oosoy aybakko ha maxeetee qonccissees.”

Beegottite! Uddufune

“Nuuni haasayissiyo asaappe daroy issitoo woy hegaappe dariya wodiyau hara asan qohettidoogaa yootees. Asay issoy issuwaa naaqqiyo hanotay giigana giidi qoppeetii? [Zaaranaashin takki ga.] Naaquwaa xayssiya kawuwaabaa yootiya ha hiraagaa akeekite. [Mazamure 72:11-14 nabbaba.] Sinttappe yaana suure wodiyaabaa Geeshsha Maxaafay yootiyo hidootaa ha maxeetee qonccissees.”