Nu Weyb Sayttiyaa—Nunanne Harata Maaddanau Giigidaagaa

“Asa ubbau markka gidana mala,” nuuni Kawotettaa mishiraachuwaa “sa7a ubban” yootanaadan Yesuusi azaziis. (Maa. 24:14) Nuuni ‘mishiraachuwaa loytti yootanaadan’ maaddanau watchtower.org, jw-media.org, nne jw.org giyo Weyb saytteti xaaxi waaxin jw.org giyo issi Weyb saytte gididosona.—2 Xim. 4:5.

“Sa7a Ubban”: Alamiyan deꞌiya asaappe heezzu kusheppe issi kushe gidiyaagee Intternneetiyaa goꞌettees. Daroti, ubba qassi yelagati Intternneetiyaa marajjau waanna pulttodan xeelloosona. Nu sayttee Intternneetiyaa goꞌettiya asau Geeshsha Maxaafaara gayttida oyshatuyyo tumu zaaruwaa immees. Qassi, eti Yihoowa Markkatu dirijjitiyaa eranaadaaninne Geeshsha Maxaafaa xannaꞌana koyiyo wode oychiyo hanotay keehi injjetanaadan oottees. Kawotettaa mishiraachuwaa darin siyi erenna biittan deꞌiya asaykka haꞌꞌi siyana mala maaddees.

“Asa Ubbau”: “Asa ubbau” markkattanau nuuni Geeshsha Maxaafaa tumaa dumma dumma qaalan odana koshshees. Asay jw.org xomoosiyo wode, 400 gidiya qaalan ba koyiyoobaa demmana danddayees; hegaa keena qaalan giigiya hara Weyb sayttee baawa.

An Loytti Goꞌettite: Ooratta ogiyan giigida jw.org Weyb sayttiyaa halchoy, ammanenna asau markkattanaassa xalla gidenna. Yihoowa Markkatikka goꞌettanaadan giigiis. Intte Intternneetiyaa goꞌettiyaaba gidikko, jw.org sayttiyaa meezetanaadan minttettoos. A goꞌettiyo ogiyaara gayttidaagan hagaappe kaallidi amarida qofay deꞌees.

[Sinttaa 3n Deꞌiya Misiliyaa]

(Aaho qofaa demmanau attamettidaagaa beꞌa)

Goꞌettanau Malite

1 Intte komppiyuteriyan Intternneetiyaa adrashaa xaafiyo sohuwan www.jw.org gi xaafite

2 Sayttiyan huuphe yohuwan, meenun, qassi linkkiyan deꞌiyaabaa xomoosite

3 Intternneetiyaa goꞌettiyo moobayle malaban jw.org sayttiyaa xomoosanau malite. Yesoy guutta gidikkokka, ubbabaa hegan xomoosana danddayettees