Nuussi Loꞌꞌo Alamee Koshshees!
Kawotettatu Issippetettaa Dirijjitiyawu waanna xaafe gidida Anttonii Gutereesi hagaadan giis: “Nuuni deꞌiyoy metoy kumido alamiyaana.” Neeni hegan maayettikkii?
Alamiyan odettiyaaban azzanttiya irpporttee kumiis:
Harggeenne ubbasaa gakkiya harggee
Meretay gattiyo daafabati
Hiyyeesatettaynne namisay
Heeraa carkkoy hambbalaashettiyoogeenne alamiyan hombbee gujji gujji biyoogee
Danobay, makkalaynne mattaayee
Olay
Nuussi loꞌꞌo alamee koshshiyoogee qoncce. He wode deꞌana alamiyan
Polo payyatettay deꞌana
Ubba asay naagettidinne woppan deꞌana
Daro kattay deꞌana
Hambbalaashettibeenna heeray deꞌana
Ubbawu suure pirdday deꞌana
Alamiyan sarotettay deꞌana
Loꞌꞌo alamiyaabaa haasayiyo wode nuuni woygiiddi deꞌiyoo?
Haꞌꞌi nuuni deꞌiyo alamee sinttappe waananee?
Loꞌꞌo alamiyan deꞌanawu nuuni ay oottana danddayiyoo?
Hageetanne hegaa mala hara oyshatussi Geeshsha Maxaafay yootiyo minttettiya zaaruwaa ha Wochchiyo Keelaa maxeetee qonccissana.