Harata Maaddiyogan Boorasiya Xoona—Geeshsha Maxaafay Woygii?

Kumetta saꞌan deꞌiya daro asati boorasoosonanne haratuppe banttana gaxayoosona. Harata maaddiyogee hegaa mala qofaa agganaadan maaddiyogaa issi issi payyatettaa eranchchati yootoosona.

• “Harata etawu koshshiyaban maaddiyogee nu deꞌoy giiga gidanaadaaninne boorasiyogaa woy haratuppe shaahettiyogaa agganaadan maaddana danddayees.”—Amarkkaa Deretettaa Payyatettaa Eqotaa.

Geeshsha Maxaafay nuuni harata maaddanawu oottana danddayiyo loꞌꞌobaa yootees. Hegaa oosuwan peeshshiyogee boorasiya xoonanaadan nuna maaddana danddayees.

Ay oottana danddayay?

Keha gida. Haratuura wodiya aattiyo ogiya koya, ubba issippe gayttada hegaadan ootta. Neeyyo deꞌiyabaappe haratuyyo imma. Neeni hegaadan oottiyo wode eti nena galatana danddayoosona, hegee neeni etaara laggetanaadan oottees.

• Geeshsha Maxaafaa maaraa: “Immiyogaa aggoppite, yaatikko asay intteyyo immana.”—Luqaasa 6:38.

Ne wolqqan harata maadda. Metoy gakkiiddi deꞌiyogeeta maaddiyo ogiya koya. Eti yootiyobaa qaretan ezggiyogan, woy eti kaseppe woppu gaanaadan maaddiyabaa oottiyogan yaatana danddayaasa.

• Geeshsha Maxaafaa maaraa: “Laggee mule wodekka siiqees.”—Leemiso 17:17.

Haratuura laggetettaa waata minttanaakko gujjada eranawu, “So Asaa Deꞌuwaanne Laggetettaa” giya huuphe yohuwa nabbaba.