XINAATE 11

Ayyaanan Mishettiyoogaa

Oosuwaa 18:24, 25

TAMAARANABAA: Ayyaanan mishettada haasayiyoogan ezggiyaageeta denttetta.

Neeni yootiyoobaa wozanappe ammana. Haasayan shiishshana qofaa giigettiyo wode, ne yootanabay ay keena koshshiyaabakko loytta qoppa. Wozanappe haasayanawu he allaalliyaa loytta era.
Ezggiya asaabaa qoppa. Neeni nabbabana woy tamaarissana qofay harata waati goꞌꞌanaakko wotta denttada qoppa. Qassi hegee banttana waati maaddanaakko ezggiyaageeti loytti akeekanaadan oottiya ogiyan shiishsha.
Ufayssiya ogiyan haasaya. Ayyaanan mishettada haasaya. Neeyyo siyettiyaabaa ne bollaaninne pashkki gaada haasayiyoogan bessa.

Issi malabaa ne bollan zaara zaarada bessiyoogan ezggiyaageetu qofaa wora zaaroppa. Ne bollan bessiyoobay ne yootiyoobaara maayana bessees. Waannatiya qofaa tamaarissanawunne ezggiyaageeta oosuwawu denttettanawu ayyaanan mishettada yoota. Haasayaa doommada wurssana gakkanawu ayyaanan keehi mishettada haasayiyoogan ezggiyaageeta xalalissoppa.