Joshua

16 And the land wey them use lot choose* for the children-children of Joseph na from River Jordan for Jerʹi·cho go reach the water wey dey east side of Jerʹi·cho, pass inside the wilderness de go up from Jerʹi·cho go reach the area wey mountains dey for Bethʹel. 2 E stretch from Bethʹel wey near Luz and continue go reach the boundary of Arʹchite people for Atʹa·roth, 3 then e go down to the west side go reach the boundary of Japhʹlet people go reach the boundary of Lower Beth-hoʹron and Geʹzer, and e end for the sea.

4 So the children-children of Joseph wey be the tribe of Ma·nasʹseh and Eʹphra·im, take their own land. 5 This na the boundary of the children-children of Eʹphra·im according to their families: The boundary of their property for the east side na Atʹa·roth-adʹdar go reach Upper Beth-hoʹron, 6 and the boundary stretch go reach the sea. Mich·meʹthath dey the north side, and the boundary go round for east side go reach Taʹa·nath-shiʹloh, and e continue for the east side go reach Ja·noʹah. 7 Then e go down from Ja·noʹah go reach Atʹa·roth and Naʹa·rah and e reach Jerʹi·cho and stretch go River Jordan. 8 From Tapʹpu·ah the boundary continue face the west side go reach the Lowland* of Kaʹnah, and e end for the sea. This one na the property of the tribe of Eʹphra·im according to their families; 9 the children-children of Eʹphra·im still get cities* for where the property of Ma·nasʹseh dey, all the cities and their village them.

10 But them no drive Caʹnaan people wey be de live for Geʹzer comot, and Caʹnaan people continue to live among Eʹphra·im people till today, and them force Caʹnaan people to work for them.