The Song of Solomon
7 “See how your leg fine for your sandals,
O better daughter!
Your hips curve like jewelries,
Wey person wey sabi work do with im hands.
2 Your navel be like round bowl.
Make wine wey them mix no finish for there.
Your belle na heap of wheat,
Wey lily flowers surround.
3 Your two breasts be like two young gazelles,*
The twins of gazelle.
4 Your neck be like ivory tower.
Your eyes be like the pools for Heshʹbon,
Wey near the gate of Bath-rabʹbim.
Your nose be like the tower of Lebʹa·non,
Wey face Damascus.
Your long fine hair don catch the heart of the king.*
6 See how you fine and see how you sweet,
O the girl wey I love, you make sense pass any other thing wey de give person joy!
7 Your body just be like palm tree,
And your breasts be like bunches of date fruits.
8 I talk say, ‘I go climb the palm tree
To hold the fruit wey dey im branches.’
Make your breasts be like bunches of grapes,
Make the air wey you de breathe out scent like apples,
9 And make your mouth* be like the best wine.”
“Make e flow go down well inside the throat of my dear one,
Just like wine wey de sofri move for the lips of people wey de sleep.
10 I be my dear one own,
And na me e want.
11 Come, O my dear one,
Make we go outside for the open land;
Make we go stay for where the henna plants dey.
12 Make we get up early go the vine farms
To check if the vine plants don start to grow,*
If the flowers don open,
If the pomegranate plants don start to bring out flower.
Na for there I go show you my love.
13 Mandrake fruits de bring out their fine smell;
Different-different kind of better fruits dey for our doors.
New ones together with old ones,
O my dear one, I don keep them for you.