Pesalemo
Ki te pule ʼo te kau faimaholo. Pesalemo ʼa Tavite, te kaugana ʼa Sehova.
36 ʼE ko te meʼa ʼae ʼe kovi ʼe ina taki te loto ʼo te tagata agakovi,
ʼE mole manavasiʼi ia ki te ʼAtua.+
2 ʼE falala pe kia ia totonu,
Koia ʼe mole mahino ki tana hala mo fehiʼa ki ai.+
3 ʼE ina fai he ʼu palalau kovi mo kaka,
ʼE mole ina maʼu te fakasiosio poto moʼo fai ʼaki te meʼa ʼae ʼe lelei.
4 ʼE ina fai he ʼu fakatuʼutuʼu kovi moka takoto ʼi tona palepale.
ʼE tuʼu ʼi he ala ʼe mole lelei.
ʼE mole ina liʼaki te kovi.
5 Sehova e, ʼe kaku tou ʼofa agatonu ki te ʼatu lagi,+
Pea ko tau agatonu ʼe kaku ki te ʼu ʼao.
Sehova e, ʼe ke puipui* te tagata mo te manu.+
7 ʼAtua e, ʼi maʼuhiga ʼaupito leva ʼo tou ʼofa agatonu!+
ʼE fenonoʼi te ʼu foha ʼo te tagata ʼi ʼou lalo pakakau.+
8 ʼE natou iinu ke natou malie ʼi te ʼu meʼa lelei ʼo tou fale,+
Pea ʼe ke fakainu natou ʼi he vai tafe ʼe huʼa lelei.+
10 Haga fakaha tou ʼofa agatonu kia natou ʼae ʼe natou iloʼi ia koe,+
Pea mo tau faitotonu kia natou ʼae ʼe lelei tonatou loto.+
11 Ke mole malamalaki au e te ʼu vaʼe ʼo ia ʼae ʼe fialahi!
Ke mole kapu au e te nima ʼo ia ʼae ʼe agakovi!
12 Neʼe fetoki te kau agakovi,
Neʼe fetokaʼi ki te kele pea ʼe mole natou toe lava tutuʼu ake.+