Te Fakaʼaogaʼi ʼo Te Kiʼi Kaupepa ʼAeni

ʼI te kiʼi kaupepa ʼaeni, ʼe kotou maʼu anai ʼi te ʼaho fuli tona vaega Fakatohi-tapu pea mo tona fakamatala. ʼE feala ke tou lau ia te koga tohi ʼi he temi pe ʼo te ʼaho, kae tokolahi ʼe natou leleiʼia tona lau ʼi te uhu. ʼE feala ke natou metitasio ki ai ʼi te lolotoga ʼo te ʼaho katoa. Ko te vakavakaʼi fakatahi ʼo te koga tohi ʼe fua lelei anai ki te famili. Ko te ʼu famili ʼo te ʼu Petele ʼi te kele katoa, ʼe natou fai ia te faʼahi ʼaia ʼi muʼa ʼo tanatou inu kafe.

Neʼe toʼo ia te ʼu fakamatala mai Te Tule Leʼo (w) ʼo te mahina ʼo Apelili 2023 ʼo aʼu ki te mahina ʼo Malesio 2024. Ko te ʼu numelo ʼae ʼe hoa ki te ʼaho ʼo Te Tule Leʼo ʼe fakaʼuhiga ki te pasina ʼo te alatike ako. Pea hoa mai leva ki ai ia te ʼu numelo ʼo te ʼu palakalafe ʼae neʼe toʼo mai ai te fakamatala ʼo te ʼaho. (Vakaʼi te pāki ʼi te pasina ʼae ʼe hoa mai.) ʼE feala ke ke maʼu he tahi age ʼu manatu ʼo ʼuhiga mo te fakamatala ʼaia ʼi te alatike ʼo Te Tule Leʼo.