Ko Te ʼu Fono Gāue ʼo Sanualio
Vāhaʼa ʼe Kamata ʼi Te 2 Sanualio
Katiko 181
10 min: Ko te ʼu logo ki te kokelekasio pea mo te ʼu Tonu ʼaoga ʼo Te Minisitelio ʼo Te Puleʼaga. Fakahā te ʼu fakamanatu ʼo ʼuhiga mo te Fakatahi Makehe ʼaho tahi ka hoko mai.
15 min: Ko te kau tūpulaga ʼaē kua mālōlō ʼi te temi nei mai te faleako, ʼe tonu ke nātou toe vakaʼi te ʼu fealagia moʼo fakatuputupu ʼo tanatou kau ki te minisitelio; ko ʼihi e lagi feala ke nātou pionie vaeluaʼi temi. Ko nātou fuli ʼaē kua ʼosi tanatou ako ʼe tonu ke nātou tokagaʼi fakamalotoloto tanatou ʼu fakatuʼutuʼu ʼo ʼuhiga mo te temi ka haʼu ʼaki te loto ʼaē ke nātou fakamuʼamuʼa te ʼu meʼa ʼe ʼaoga ki te Puleʼaga. Vakaʼi te tohi Notre ministère ʼi te ʼu pasina 116 ʼi te pal. 3 ʼo aʼu ki te pasina 118.
20 min: “Tou Fakaʼaogaʼi Fakalelei Te Tohi Mauli O Heegata.” Fai palalau mo nātou fuli ʼaē ʼi te fono. Fakaloto mālohiʼi nātou ke nātou fakaʼaogaʼi te tohi ʼaia ʼi te minisitelio. Fai he fakatuʼutuʼu ke fai he faʼifaʼitaki e tahi peʼe lua ʼo te ʼu faʼahiga palalau ʼaē ʼe tuʼu ʼi te alatike.
Katiko 45 pea mo te faikole fakaʼosi.
Vāhaʼa ʼe Kamata ʼi Te 9 Sanualio
Katiko 183
15 min: Ko te ʼu logo ki te kokelekasio. Lau ʼo te falā. Fakamanatuʼi te ʼu agaaga ʼo te kaupepa lahi Mokā Mate He Tahi ʼe Tou ʼOfa Mamahi Ai. (Vakaʼi Te Minisitelio ʼo Te Puleʼaga ʼo ʼOketopeli 1994, ʼi te pasina 3) Fakaloto mālohiʼi tatou fuli ke tou ʼave te kaupepa ʼaia pea ke tou fakahā mokā ʼe feala.
15 min: “Ko te ʼu tauhi ōvi ʼe nātou fakamālohiʼi te faga ōvi.” Akonaki ʼe fai e he tagata ʼāfea ʼo fakatafito ki Te Tule Leʼo (fakafalani) ʼo te ʼaho 15 ʼo Sepetepeli 1993 ʼi te ʼu manatu ʼo te kupu ʼaē ʼi te ʼu pasina 22 ki te 23. Fakamahinohino te ʼu tokoni faka Tohi-Tapu ʼe ʼaoga moʼo tauʼi ʼo te ʼu faigataʼaʼia.
15 min: Kua Koutou Teuteu Koa ʼo ʼUhiga Mo He Faigataʼaʼia ʼi Te Lopitali ʼe Feala Ke ʼAhiʼahiʼi Ai Takotou Tui? Ko he akonaki ʼe fai fakamalotoloto pea mo uga ʼo te hahaʼi ʼe fai e he tagata ʼāfea faiva, moʼo tokoni ki te ʼu tēhina ke nātou leleiʼia te maʼuhiga ʼo te pepa Instructions médicales pea mo te Carte dʼidendité. ʼE ina toe fakahā te puani neʼe fakahā ʼi Sanualio ʼo te taʼu kua hili, ʼo ʼuhiga mo te fakatokaga ki te meʼa ʼe tonu ke fai e nātou ʼaē kua ʼosi papitema ke nātou maʼu te tokoni ʼaia, ʼaki tanatou tohi fakalelei tanatou ʼu cartes. Vakaʼi Te Minisitelio ʼo Te Puleʼaga ʼo Sanualio ʼo te taʼu 1994 ʼi te pasina 2, ʼi te “Vāhaʼa ʼe Kamata ʼi Te 10 Sanualio” ʼe koutou maʼu ai te tahi ʼu manatu.
Katiko 107 pea mo te faikole fakaʼosi.
Vāhaʼa ʼe Kamata ʼi Te 16 Sanualio
Katiko 42
10 min: Ko te ʼu logo ki te kokelekasio. Fakahā he ʼu puani ʼo te ʼu nusipepa fakamuli. Fakaloto mālohiʼi te kau fai faka mafola fuli ke nātou kau ki te gāue faka mafola ʼi te fakaʼosi vāhaʼa ʼaenī.
18 min: “Tou Fakaʼapaʼapa Ki Niʼihi—ʼUluaki Faʼahi.” ʼO fai ʼaki te ʼu fehuʼi pea mo te ʼu tali. ʼO fakahā ai mo he ʼu fakamanatu ki te ʼu tagata ʼāfea ke nātou felogoi lelei ʼo ʼuhiga mo te fakasiosio ʼo te ʼato ʼo te fale fono, te fai tuio, te meʼa fakamokomoko, te meʼa fakamāfana, te hila, pea mo te ʼu meʼa ʼe ʼaoga ki te fakaʼaluʼalu lelei ʼo te Fale ʼo te Puleʼaga.—Vakaʼi Te Minisitelio ʼo Te Puleʼaga (fakafalani) ʼo Sanualio 1985 ʼi te pasina 3, pea mo Sanualio 1986 ʼi te pasina 6.
17 min: “Tou Fakahā Tatatou Tokaga Ki Te Hahaʼi ʼAki Tatatou Fai Te ʼu ʼAʼahi.” Ko he ʼu kaugā faka mafola e toko tolu peʼe toko fā ʼe nātou fai palalau ki te fakatuʼutuʼu pea mo te maʼuhiga ʼo te fai ʼo te ʼu ʼaʼahi. Fakamahino ko te fakatuʼutuʼu ʼo te ʼu ʼaʼahi, ko te kamata ʼo he ʼu ako faka Tohi-Tapu. Toe vakaʼi te ʼu faʼifaʼitaki ʼaē ʼe tuʼu ʼi te alatike. Fai he faʼifaʼitaki e tahi peʼe lua, ʼaki te toko tolu peʼe ko te toko fā kau fai faka mafola ʼo nātou fakahā te puani ʼe ʼaoga pea mo te ʼu manatu ʼo ʼuhiga mo te tuputupu ʼi te gāue.
Katiko 196 pea mo te faikole fakaʼosi.
Vāhaʼa ʼe Kamata ʼi Te 23 Sanualio
Katiko 103
5 min: Ko te ʼu logo ki te kokelekasio.
15 min: Akonaki ʼo ʼuhiga mo te ʼu meʼa ʼe ʼaoga ki te kokelekasio. Peʼe ko he akonaki ʼe fakatafito ki te alatike ʼo Te Tule Leʼo (fakafalani), ʼo te ʼaho 15 ʼo Sūlio 1994, ʼi te ʼu pasina 21 ki te 24, ko tona kupu tāfito, “E feafeaʼi hakotou fakatokatoka te ʼu fihifihia.”
10 min: “Comment ranger une bibliothèque théocratique.” Ko he akonaki ʼe fakatafito ki Te Tule Leʼo (fakafalani) ʼo te ʼaho 1 ʼo Novepeli 1994, ʼi te ʼu pasina 28 ki te 31.
15 min: “Ko Te Ako Takitokotahi—Ko He Faʼahi Ke Tou Tokakaga Kiai.” ʼO fai ʼaki te ʼu fehuʼi pea mo te ʼu tali. ʼO kau kiai mo te ʼu fakamatala ʼe fakatafito ki Te Tule Leʼo (fakafalani) ʼo te ʼaho 15 ʼo Sūnio 1985 ʼi te ʼu pasina 8 ki te 13.
Katiko 213 pea mo te faikole fakaʼosi.
Vāhaʼa ʼe Kamata ʼi Te 30 Sanualio
Katiko 146
10 min: Ko te ʼu logo ki te kokelekasio. Te ʼu Logo Faka Teokalatike.
17 min: “Ke Lahi ʼAupito Tatatou Gāue.” ʼO fai ʼaki te ʼu fehuʼi pea mo te ʼu tali. Fai he fakatuʼutuʼu ʼo fakafehuʼi fakanounou he ʼu kaugā faka mafola e toko lua peʼe toko tolu ʼe lahi tonatou maʼumaʼua, ohage ko he tagata ʼāfea, he fafine ʼohoana ʼe maʼumaʼua ʼi tona loto fale, peʼe ko he pionie; fehuʼi kia nātou ke nātou fakamahino pe neʼe feafeaʼi hanatou taupau maʼu ʼo tanatou polokalama pea mo nātou maʼu tuʼumaʼu aipe te fiafia.
18 min: Tou fakahā te tohi Mauli O Heegata ʼi Fepualio. Fakamahino pe koʼe ʼe ʼaoga ke ʼiloʼi e te hahaʼi te talanoa ʼe tuʼu ʼi te tohi ʼaenī. (Vakaʼi Te Tule Leʼo, fakafalani ʼo te ʼaho 1 ʼo ʼApelili 1988 ʼi te ʼu pasina 25 ki te 26, ʼi te ʼu palakalafe 17, 18.) Fai he ʼu fakamatala fakanounou ʼe fakahā ai ko te hahaʼi fakamalotoloto ʼe nātou leleiʼia te lau ʼo te tohi. (Vakaʼi Te Tule Leʼo, fakafalani, ʼo te ʼaho 1 ʼo Sepetepeli 1989, ʼi te pasina 32, pea mo te ʼaho 1 ʼo Tesepeli 1991 ʼi te pasina 32.) Fakahā he ʼu manatu ʼe fakahā ai peʼe feafeaʼi tatatou kamata he ʼu ako faka Tohi-Tapu mo te hahaʼi ʼaē ʼe fia logo ʼaē neʼe tou tuku kia nātou te tohi Mauli O Heegata. Ko he kaugā faka mafola faiva ʼe ina fai he faʼifaʼitaki fakanounou ʼo mulimuli ki te kupu tāfito “Vie/Bonheur” (Mauli/Fiafia) ʼi te tohi Comment raisonner ʼi te pasina 14. Peʼe fakaʼaogaʼi he tahi age faʼifaʼitaki ʼe ʼaoga ki te telituale. Fakamanatuʼi kia nātou ʼaē ʼi te fono ke nātou toʼo hanatou ʼu tohi ke nātou fakaʼaogaʼi ʼi te gāue ʼi te vāhaʼa ʼaenī.
Katiko 106 pea mo te faikole fakaʼosi.