Polokalama ʼo Te Fono Gāue

Vāhaʼa ʼo te ʼaho 8 ʼo Sepetepeli

Kātiko 204

10 min: Te ʼu logo. Fehuʼi ki te nofoʼaki ke natou fakahā he ʼu ʼalatike ʼi te ʼu nusipepa ʼe fia lau e te hahaʼi ʼo te telituale. Fehuʼi ki te nofoʼaki ke natou fakahā pe koteā he ʼu fehuʼi peʼe ko he ʼu vaega Fakatohi-tapu ʼe natou fakaʼaogaʼi anai moʼo fakahā ia te ʼu ʼalatike. Fai he faʼifaʼitaki ʼe fakahā ai peʼe feafeaʼi ia te faʼahiga tufa ʼo te ʼu nusipepa takitahi.

15 min: Kotou Tokoni Ki Te Kau Ako Tohi-Tapu Ke Natou Liliu Ko He Kau Faiako. Ko he akonaki ʼe fakatafito ki Te Tule Leʼo ʼo te ʼaho 1 ʼo Fepualio 2007, ʼi te ʼu pāsina 11-12, ʼi te ʼu palakalafe 14-20. Fai he faʼifaʼitaki fakanounou, ʼe fakahā ai e he kaugā fagona ia te faʼahiga fai ʼo te akonaki maʼa te hahaʼi fuapē pea mo te ʼu ʼalatike ako ʼo Te Tule Leʼo ki he ako Tohi-Tapu foʼou pea mo fakaafe ia ia ke kau kiai.

20 min: Tou Tauʼi Ia Te Aga Heʼe Faitotonu ʼa Te Hahaʼi ʼi Tatatou Minisitelio. Ko he akonaki ʼe fai e he tagata ʼāfea, pea ʼe fakatafito ki he ʼu ʼalatike ʼe talanoa ai, peʼe feafeaʼi ia he malave ʼo te aga heʼe faitotonu ʼa te hahaʼi ʼi tatatou minisitelio. Fakamahino peʼe feafeaʼi hatatou tauʼi ia te taʼi aga heʼe faitotonu ʼaia. ʼI ʼihi temi, ʼe tokoni anai ki te hahaʼi ke natou tali leleiʼi tātou mo kapau ʼe lelei ia tatatou aga ʼi te fai fakamafola pea ʼi tatatou ʼu gāue ʼaē ʼe tou fai ʼi te ʼaho fuli. ʼE maʼuhiga ke tou tōkakaga ki tatatou ʼu palalau pea mo tatatou aga ʼi te temi fuli pē. (1 Pet. 2:12; 3:1, 2) Fakahā ia he ʼu meʼa neʼe hoko ʼi te telituale pe neʼe fakamatala ʼi he ʼalatike moʼo fakamoʼoni ʼaki ai ʼe feala ke tekeʼi ia te aga heʼe faitotonu.

Kātiko 155

Vāhaʼa ʼo te ʼaho 15 ʼo Sepetepeli

Kātiko 79

10 min: Te ʼu logo. Te ʼu Tonu.

20 min: Koteā ʼAē Neʼe Tou Fai ʼi Te Taʼu ʼAenī Kua Hili? Ko he akonaki pea mo he fai palalau mo te nofoʼaki, ʼe fai anai e te taupau gāue peʼe ko he tahi age tagata ʼāfea faiva. Vakaʼi ia te ʼu gāue ʼa te kōkelekāsio ʼaē neʼe fai ʼi te taʼu gāue ʼaenī kua hili, ʼo talanoa tāfito ki te ʼu gāue lelei ʼaē neʼe fakahoko. Fai he fakamālo ki te kōkelekāsio ʼo ʼuhiga mo te ʼu gāue ʼaē neʼe ina fai. Kole fakatomuʼa ki he tahi peʼe ko he toko lua ke natou fakamatala he ʼu ʼaluʼaga fakalotomālohi neʼe natou felāveʼi mo ia. Talanoa ki he puani e tahi peʼe lua ʼe feala anai ke gāueʼi e te kōkelekāsio ʼi te lolotoga ʼo te taʼu kā hoa mai, pea mo vakavakaʼi ia te ʼu tokoni ʼaē ʼe ʼaoga ke natou tuputupu ai.

15 min: ʼE Feafeaʼi Haku Fakamahino Ia Taku Tui ʼAē Ki Te Fakatupu? Ko he akonaki ʼe fakatafito ki he ʼalatike neʼe tā. Fakaafe ia te nofoʼaki ke natou fakamatala pe neʼe feafeaʼi ia tanatou fakamahino ia tanatou tui ʼaē ki te fakatupu ʼi te faleako, ʼi te fale gāue, peʼe ʼi he tahi age faʼahi. ʼE feala ke teuteuʼi fakatomuʼa he fakamatala e tahi peʼe lua ki te faʼahi ʼaia.

Kātiko 51

Vāhaʼa ʼo te ʼaho 22 ʼo Sepetepeli

Kātiko 1

10 min: Te ʼu logo. Lau ʼo te falā pea mo te ʼu meʼa ʼofa. Talanoa ki te tohi mai te filiale, ʼaē ʼe tuʼu ʼi te pāsina 1.

20 min: ʼE ʼi Ai Te Fakapale Ki Takotou Gāue. Ko he akonaki ʼe fakatafito ki Te Tule Leʼo ʼo te ʼaho 15 ʼo ʼApelili 2005, mai te pāsina 28, ʼi te palakalafe 5 ʼo aʼu ki te pāsina 29. Fakafehuʼi fakanounou ia he kaugā fai fakamafola faiva e tahi peʼe toko lua ʼo ʼuhiga mo te foaki ʼaē e Sehova ia te ʼu meʼa ʼaē ʼe ʼaoga kiā nātou ʼi te faʼahi fakasino peʼe ko te faʼahi ʼo te loto.

15 min: Tou Teuteuʼi Te Tufa ʼo Te Tule Leʼo ʼo te ʼaho 1 ʼo ʼOketopeli pea mo te Réveillez-vous ! ʼo ʼOketopeli peʼe ko te ʼu nusipepa fakamuli e lua ʼaē kua tau mai. Vakaʼi fakanounou ia te ʼu nusipepa pea mo fakafehuʼi ia te nofoʼaki peʼe ko te ʼu ʼalatike fea ʼaē ʼe fia lau tāfito e te hahaʼi ʼo te telituale. Koteā ia te ʼu fehuʼi pea mo te ʼu vaega Tohi-Tapu ʼe feala ke fakaʼaogaʼi moʼo tufa ia te ʼu ʼalatike ʼaia? Fai he faʼifaʼitaki peʼe feafeaʼi ia he fakaʼaogaʼi ʼo te ʼu ʼuluaki palalau ʼaē ʼe tuʼu ʼi Te Minisitelio ʼo Te Puleʼaga. Ko he tahi ʼi te ʼu tagata ʼāfea ʼaē kā ina fai he faʼifaʼitaki fakanounou neʼe ina teuteuʼi ai he ʼalatike ʼe ʼaoga anai ki te hahaʼi ʼo te telituale.

Kātiko 212

Vāhaʼa ʼo te ʼaho 29 ʼo Sepetepeli

Kātiko 45

10 min: Te ʼu logo. Fakamanatuʼi ki te kau fai fakamafola fuli ke natou ʼaumai tanatou ʼu kiʼi pepa tānaki gāue ʼo Sepetepeli. Fakatuʼutuʼu fakatomuʼa ke fai he fakamatala e he tokotahi peʼe ko he toko lua ʼo ʼuhiga mo he ʼu meʼa neʼe hoko ʼi tanatou fagonogono faigamālie ʼo ʼuhiga mo te fakatahi fakatisitilike, lolotoga te ʼu ʼaho mālōlō, peʼe ʼi he tahi age ʼu ʼaluʼaga.

15 min: Ko he akonaki ʼe ʼaoga ki te kōkelekāsio.

20 min: “Te Tufa Makehe ʼo Te Pepa Lotu ʼi Te ʼAho 20 ʼo ʼOketopeli ʼo Kaku Ki Te ʼAho 16 ʼo Novepeli!”a Kapau kua maʼu ia te ʼu pepa lotu, tufa ki te nofoʼaki kātoa. Vakaʼi fakanounou ia te ʼu manatu ʼaē ʼe tuʼu ʼi te pepa lotu mokā fai ia te palakalafe 2. Kā kotou vakaʼi ia te palakalafe 4, fakahā peʼe feafeaʼi ia te tufa ʼo te pepa lotu. Kā kotou vakaʼi ia te palakalafe 5, fai he faʼifaʼitaki ʼe hā ai ʼe fakaʼaogaʼi e he kaugā fai fakamafola ia te pepa lotu moʼo kamata ʼaki ia he ako Tohi-Tapu mokā toe liliu ʼo ʼaʼahi.

Kātiko 9

Vāhaʼa ʼo te ʼaho 6 ʼo ʼOketopeli

Kātiko 15

10 min: Te ʼu logo.

15 min: Te Tali Ki ʼAkotou ʼu Fehuʼi. Ko he fai palalau mo te nofoʼaki. Fakaʼaogaʼi mo te ʼu manatu ʼo Te Tule Leʼo ʼo te ʼaho 15 ʼo Sūnio 2005, ʼi te ʼu pāsina 20-22, ʼi te ʼu palakalafe 10-16.

20 min: “Tou Akoʼi Niʼihi Ke Natou ʼOʼofa Kiā Sehova.”b Kapau ʼe feʼauga te temi, fakaafe ia te nofoʼaki ke natou fakamahino ia te ʼu vaega Tohi-Tapu.

Kātiko 24

[Nota]