Te ʼu Tonu

◼ Te tufa ʼo te māhina ʼo Sepetepeli: Koteā ʼAē ʼe Akoʼi Moʼoni Mai ʼi Te Tohi-Tapu? ʼE tou faiga tāfito anai ke tou kamata he ʼu ako Tohi-Tapu ʼi te ʼuluaki ʼaʼahi. Kapau kua maʼu te tohi ʼaia e te hahaʼi, tou fakahā age ʼe feala ke natou maʼu he ʼu fua lelei ʼo tou fakahā fakanounou age ia te ako Tohi-Tapu. ʼI Te ʼAho 1 Ki Te ʼAho 19 ʼo ʼOketopeli: Ko Te Tule Leʼo pea mo te Réveillez-vous ! Kā tou sio ʼe fia logo he tahi, pea tou foaki age ia te kiʼi pepa lotu ʼE Koutou Fia Mahino Lahi Koa Ki Te Tohi-Tapu? pea mo tou fai palalau mo ia ʼaki te fakatuʼutuʼu ʼaē ke fai hana ako Tohi-Tapu. ʼI Te ʼAho 20 ʼo ʼOketopeli Ki Te ʼAho 16 ʼo Novepeli: Ko te tufa makehe ʼo te pepa lotu ʼE Kotou Fia ʼIloʼi Koa Te Moʼoni? ʼI Te ʼAho 17 Ki Te ʼAho 30 ʼo Novepeli: Te tohi Koteā ʼAē ʼe Akoʼi Moʼoni Mai ʼi Te Tohi-Tapu? ʼE tou faiga tāfito anai ke tou kamata he ʼu ako Tohi-Tapu. Tesepeli: Te Tagata ʼaē ʼe lahi tokotahi ʼo te ʼu temi fuli peʼe ko te tohi Te Fakahā—Kua Ovi Mai Tona Ikuʼaga Lahi!

◼ ʼI tanatou pepa fakaʼui tohi, ʼe tonu anai ke kamata fakaʼui e te ʼu kōkelekāsio te kaletalio ʼa te kau Fakamoʼoni ʼa Sehova ʼo te taʼu 2009, mo te kiʼi kaupepa Tou Vakaʼi Ia Te Tohi-Tapu ʼi Te ʼAho Fuli—2009, pea mo te Annuaire des Témoins de Jéhovah 2009. Ko he lisi ʼo te ʼu lea ʼaē kua maʼu ai ia te ʼu tohi ʼaia ʼe tuʼu anai ʼi te pepa “Te Logo Ki Te ʼu Kōkelekāsio Fuli,” ʼaē ʼe momoli ʼi te māhina fuli ki te ʼu kōkelekāsio.

◼ Mai tona ʼaluʼaga ʼaē ko fakaʼosi vāhaʼa e nima ʼi te māhina ʼo Novepeli, ʼe ko he māhina lelei ʼaia moʼo toʼo te selevisi pioniē vaeluaʼi temi.

◼ Ko te akonaki makehe ʼaē kā fai ʼi te temi ʼo te ʼAho Fakamanatu ʼo te taʼu 2009, ʼe fai anai ʼi te vāhaʼa ʼo te ʼaho 20 ʼo ʼApelili 2009. ʼE hoki tala atu anai ia te kupu tāfito ʼo te akonaki. Ko te ʼu kōkelekāsio ʼaē ʼe ʼaʼahi e te taupau ʼo te silikō peʼe natou kau ki he fakatahi lahi ʼi te fakaʼosi vāhaʼa ʼaia, ʼe fai anai tanatou akonaki makehe ʼi te vāhaʼa ʼaē kā hoa mai kiai. ʼE mole fai anai ia te akonaki makehe ʼi muʼa ʼo te ʼaho 20 ʼo ʼApelili.

◼ ʼE tonu ke kamata fakaʼui e te ʼu kōkelekāsio ia te ʼu foʼi tohi ʼo Te Tule Leʼo pea mo te Réveillez-vous ! ʼo te taʼu 2008, mo te ʼu tohi Index des publications Watch Tower 2008, pea mo te pā CD-ROM Watchtower Library —Edition 2008. ʼE tuʼu anai ʼi te pepa “Te Logo Ki Te ʼu Kōkelekāsio Fuli,” ʼaē ʼe momoli atu ʼi te māhina fuli, te lisi ʼo te ʼu lea ʼaē ʼe maʼu ai te ʼu tohi ʼaia. Kotou fakatokagaʼi ko te CD-ROM Watchtower Library —Edition 2008 ʼe foaki pē kiā nātou ʼaē kua papitema, pea ʼe maʼu ʼi te ʼu kōkelekāsio. Ko te kau fai fakamafola ʼaē ʼe natou fakaʼaogaʼi lahi ia te Watchtower Library ʼi te ʼolotinatea pea ʼe mole kei natou fakaʼaogaʼi ia te ʼu foʼi tohi ʼo Te Tule Leʼo pea mo te Réveillez-vous !, ʼe tonu anai ke natou fakakaukauʼi peʼe kei he ʼaoga hanatou fakaʼui ia te ʼu foʼi tohi ʼaia.

◼ ʼE tonu anai ke hinoʼi e te taupau pelesitā ia he tahi ke ina vakaʼi ia te falā ʼo te kōkelekāsio ʼo te ʼu māhina ʼo Sūnio, Sūlio pea mo ʼAukusitō. ʼE mole tonu anai ke vakaʼi tuʼumaʼu e te tehina pē ʼaē ʼe tokaga ki te lau ʼo te falā. Kā ʼosi anai ia te faʼahi ʼaia, pea ʼe tala anai ki te kōkelekāsio ʼi te vāhaʼa ʼaē kā lau ai ia te falā. Vakaʼi ia te pepa Instructions pour la comptabilité de la congrégation (S-27).