Polokalama ʼo Te Vāhaʼa 7 ʼo Sanualio

VĀHAʼA ʼO TE ʼAHO 7 ʼO SANUALIO, 2013

Katiko 104 Pea Mo Te Faikole

□ Ako Tohi-Tapu ʼo Te Kokelekasio:

fy kap. 12 ¶20-26, te fakamatala ʼae ʼe ʼatakai ʼi te pasina 152 (30 min.)

□ Ako Fakateokalatike:

Lau ʼo Te Tohi-Tapu: Mateo 1-6 (10 min.)

N° 1: Mateo 5:21-32 (4 min. peʼe siʼi ifo)

N° 2: Koteā Te ʼu Logo ʼAē ʼe Fakahā Mai e Te ʼAtua?—fg p. 3, fehuʼi 1 (5 min.)

N° 3: ʼE Tou Lava Fakahā Feafeaʼi Ia Totatou ʼOfa ʼAē Ki Te ʼAtua?—lv pp. 5-7 pal. 1-6 (5 min.)

□ Fono Gaue:

Katiko 38

10 min: Te ʼu Manatu Moʼo Tufa Te ʼu Nusipepa ʼo Sanualio. Ko he fai palalau. Ia sekonita ʼe 30 pe 60, palalau ki te tupuʼaga ʼae ʼe fia lau ai e te hahaʼi ia te ʼu nusipepa ʼi tokotou telituale. Pea, ʼo ʼuhiga mo te ʼu ʼuluaki alatike ʼo Te Tule Leʼo, fakaafe ia te nofoʼaki ke natou fakaha atu he ʼu manatu ʼo ʼuhiga mo he fehuʼi ʼe feala ke tou fai ki te hahaʼi ke tupu ai hanatou fia lau, pea mo he vaega ʼe feala ke tou lau age kia natou. Pea kotou toe fai feia ki te ʼu ʼuluaki alatike ʼo te Réveillez-vous !. Pea kapau ʼe kei maʼu he temi, vakaʼi he tahi age alatike ʼo Te Tule Leʼo pe ko te Réveillez-vous !. Fai he faʼifaʼitaki ʼo te tufa ʼo te ʼu nusipepa takitahi.

10 min: Ko he akonaki ʼe ʼaoga ki te kokelekasio.

10 min: Ko Hatatou Fale Fono ʼe Maʼa ʼe Ina Fakamaʼuhigaʼi Ia Sehova. Ko he akonaki ʼe fai e he tagata ʼafeā. Ko Sehova ʼe ko he ʼAtua maʼoniʼoni, koia ko te aga maʼa ʼe ko he faʼahi ʼe tonu fakamaʼuhigaʼi e tana hahaʼi. (Eke. 30:17-21; 40:30-32) Ka tou taupau ke maʼa pea mo ke lelei ia te fale ʼae ʼe fai ai tatatou tauhi, pea ʼe tou fakavikiviki ai kia Sehova. (1 Pet. 2:12) Fakamatala he ʼu meʼa neʼe hoko ʼi totatou telituale pe neʼe ta ʼi te ʼu nusipepa, ʼe talanoa ai ki he ʼu fakamatala neʼe fai e te hahaʼi ʼo te kolo ʼo ʼuhiga mo te matalelei ʼo hotatou Fale Fono. Fakafehuʼi ia te tehina ʼae ʼe tokaga ki te fakamaʼa pea mo te taupau ʼo te fale, ke ina fakaha ia te ʼu fakatuʼutuʼu ʼae kua fai ʼo ʼuhiga mo totatou Fale Fono. Fakalotomalohiʼi ia te nofoʼaki ke natou kau ki te fakamaʼa pea mo te taupau ʼo totatou Fale Fono.

Katiko 127 Pea Mo Te Faikole