ʼE Tokoni Atu Ki Tau Ako

**ʼE ke fakaʼaogaʼi koa te Kumiʼaga Tohi ʼa te kau Fakamoʼoni ʼa Sehova ke ke maʼu ai te ʼu fakamahino ʼo te ʼu vaega?**

ʼE tokoni atu te ʼu fakamahino ʼaia ke loloto age tau mahino ki te Folafola. ʼI te ʼu fakamahino ʼaia, ʼe tou iloʼi lelei ai te ʼu aluʼaga neʼe hoko ʼi he vaega, peʼe ko te fakaʼuhiga ʼo he kupu peʼe ko he kupusiga palalau. Pea ʼe toe fakamahino ai te tupuʼaga ʼo te tohi ʼo he vaega pea ʼe fakaʼuhiga kia ai.

Tatau pe peʼe ke alu ki te TANAKIʼAGA TOHI ʼI TE NETI Watchtower peʼe ko te JW Library, ʼe ke maʼu pe anai mai he vaega te ʼu tohi ʼae kua tanaki ʼi te Kumiʼaga Tohi. ʼE tuʼu te ʼu tohi ʼaia ʼi te faʼahi mataʼu, moka ke lomiʼi te kiʼi fakailoga ʼae ʼe hage he taimani ʼi he Tohi-Tapu pe ʼe ke maʼu ʼi tatatou tuʼasila peʼe ʼi te JW Library.

Ka ke lau he alatike ʼi te Kumiʼaga Tohi, vakaʼi te taʼu ʼae neʼe ta ai. Ko te ʼu alatike foʼou ʼe tuʼu ʼi ʼoluga ʼo te lisi, pea ko te ʼu alatike ʼafeā ʼe tuʼu ʼi lalo. Kae ʼe feala ke maʼu ʼi te ʼu alatike ʼafeā ʼaia ni fakamahino neʼe kua fetogi ki muli mai.

Ka ke vakaʼi he vaega ʼi te TANAKIʼAGA TOHI ʼI TE NETI Watchtower, kua tuʼu pe ia te Kumiʼaga Tohi ʼi te faʼahi mataʼu.
Kae ʼe mole feia ʼi te JW Library. ʼE tonu muʼa ke ke ʼai te Kumiʼaga Tohi, pea ke vakaʼi pe ʼe kua ke maʼu te ʼu alatike fakamuli. ʼE ke fai te faʼahi ʼaia ʼi te ʼu kapite fuli ʼo te Tohi-Tapu, moka ke lomiʼi ʼi ʼoluga ʼo te faʼahi mataʼu te kupu toʼo mai (Download).