AKO 18

He ʼu Manatu ʼe Maʼu Ai He ʼu Ako

1 Kolonito 9:19-23

TE MANATU ʼAE KE TAʼOFI: Tokoni kia natou ʼae ʼe fagono atu ke natou fakakaukau ki te ʼu manatu ʼae ʼe ke fakaha, ke natou logoʼi ai neʼe natou taʼofi he ako ʼe ʼaoga kia natou.

TONA FAʼAHIGA FAI:

Tokagaʼi te ʼu meʼa ʼae kua iloʼi e te hahaʼi. ʼAua naʼa ke fakaha pe he ʼu meʼa kua natou ʼosi logo ki ai. Kae tokoni kia natou ke natou toe mahino ki he ʼu puani foʼou ʼo ʼuhiga mo te ʼu meʼa ʼaia.

Fakalaka vave ʼi te ʼu meʼa ʼae kua natou mahino ki ai, kae ke ke palalau fualoa ki he ʼu manatu ʼe matafoʼou kia natou.
Fai he ʼu fekumi pea ke metitasio ki ai. Kapau ʼe feala, fakaʼaogaʼi he ʼu aluʼaga neʼe lagi heʼeki natou logo ki ai, peʼe ko he ʼu logo neʼe tala ʼi te talalogo moʼo fakaha te ʼu manatu tafito. Fakakaukauʼi lelei te pikipikiga ʼo te ʼu faʼahi ʼae ʼe ke fia fakaha mo te ʼu aluʼaga ʼaia.

Ka ke teuteuʼi tau akonaki, peʼe ko tau faipalalau, fai te ʼu fehuʼi ʼaeni, ohage la ‘pe ko ai, peʼe kotea ʼae neʼe hoko, pe neʼe hoko ʼifea peʼe ʼanafea, pe neʼe feafeaʼi, pe neʼe kotea tona tupuʼaga.’ Faiga ke maʼuli tau akonaki, peʼe ko tau faipalalau ʼo ke fakaʼaogaʼi he ʼu fehuʼi ʼi te ʼu fehuʼi ʼaia pea mo tali ki ai.
Fakaha te ʼaoga ʼo te ʼu manatu ʼae ka ke palalau ki ai. Fakamahino te ʼaoga ʼo te ʼu manatu Fakatohi-tapu ki tonatou maʼuli. Palalau ki he ʼu aluʼaga, peʼe ko he ʼu talamanatu, peʼe ko he ʼu aga ʼe feala ke tokoni kia natou.