Te ʼu Palalau Fakaʼosi

Ekelesiasi 12:15, 16

TE MANATU ʼAE KE TAʼOFI: ʼI ʼau palalau fakaʼosi, faiga ke tali e natou ʼae ʼe fagono atu te ʼu faʼahi ʼae neʼe natou ako pea ke natou maʼuliʼi.

TONA FAʼAHIGA FAI:

• Ke alu tahi ʼau palalau fakaʼosi mo tau kupu tafito. Toe fakaha te ʼu manatu maʼuhiga pea mo te kupu tafito.

• Uga ia natou ʼae ʼe fagono atu ke natou maʼuliʼi. Fakaha pe kotea ʼae ʼe tonu ke natou fai, pea mo ʼona tupuʼaga lelei. Palalau fakamalotoloto pea mo fakaha ʼe ke tui papau ki te ʼu manatu ʼae ʼe ke fakaha.

• Ke faigafua mo nounou ʼau palalau fakaʼosi. ʼAua naʼa ke hilifaki he tahi ʼu manatu maʼuhiga. Kae ke ke toe fakalotomalohiʼi te hahaʼi ke natou maʼuliʼi, ʼo ke fai he ʼu palalau nounou.