Te Polokalama ʼo Te Fakatahi ʼAho Tahi ʼAē Ka Haʼu
1 Ko te polokalama ʼo tatatou fakatahi ʼaho tahi ʼaē ka haʼu ʼe kamata anai ʼi Sepetepeli ko tona kupu tāfito “Ke Tou Haga Fakahā Te Moʼoni.” ʼE fakahā lelei anai e te polokalama katoa te faʼifaʼitaki neʼe tuku mai e Sesu pea neʼe feafeaʼi tana fakaʼaogaʼi te ʼu fealagia fuli moʼo vaevae ʼo te moʼoni mo niʼihi. ʼE talanoa tāfito anai ki totatou maʼua ʼaē ko tatou ko te ʼu tisipulo ʼa Kilisito ke tou muliʼi ia ia ʼaki tatatou faka mafola ia te moʼoni.—1 Ko. 11:1.
2 ʼE fakahāhā anai te gāue ʼa te kokelekasio ʼaē ko te faka mafola ʼo te moʼoni. Ke tou fakaʼaogaʼi fakalelei ʼatatou ʼu nusipepa pea mo ʼihi ʼatu ʼu tohi ʼaē neʼe fakahā.
3 Ko te akonaki tāfito ʼe fai anai e te tagata ʼāfea ʼaē ʼe ina ʼaʼahi te fakatahi ko tona kupu tāfito “Ko Te Fakahā ʼo Te Moʼoni—Koteā tona ikuʼaga.” (Soane 8:32) Ko te polokalama ʼo te fakatahi ʼaho tahi ʼe ina hikihiki anai tatatou fakafetaʼi ki te moʼoni pea ʼe tokoni ai kia tatou ke tou nonofo maʼu pea ke tou “haga nofo ʼi te moʼoni.”—2 Pe. 1:12; 1 Ko. 15:58.