Te ʼu Ako Mai Te Foʼi Fime Viteo La Bible : un récit historique exact, des prophéties dignes de foi

ʼI takotou ʼosi vakaʼi te foʼi fime viteo ʼaia, ʼe koutou lava tali koa ki te ʼu fehuʼi ʼaenī? (1) Ko ai koa te Matapuna ʼo te ʼu logo ʼo te Tohi-Tapu ʼaē ʼe tuha mo te falala? (Tan. 2:28) (2) Koteā te ʼu fakamatala moʼoni ʼaē ʼe fai e te Tohi-Tapu ʼo ʼuhiga mo te Esipito ʼāfea, pea neʼe hoko feafeaʼi te lea faka polofeta ʼaē ʼe tuʼu ia Isaia 19:3, 4? (3) ʼE fakamoʼoni feafeaʼi e te alekeolosia te fakamatala ʼo te Tohi-Tapu ʼo ʼuhiga mo te kau Asilia, mo tonatou ʼu hau, pea mo te fakaʼosi ʼo te pule ʼo Asilia? (Nau. 3:1, 7, 13) (4) Koteā te ʼu lea faka polofeta ʼaē neʼe hoko moʼoni ʼo ʼuhiga mo Papiloni? (5) Koteā ʼaē neʼe fai e te kau Metia pea mo te kau Pelesia ki te hahaʼi ʼa te ʼAtua? (6) Neʼe hoko feafeaʼi ia Taniela 8:5, 8 pea neʼe fakakikite ia temi e fia ki muʼa atu? (7) Neʼe fakamoʼoni feafeaʼi e Sesu ko ia ko te Mesia moʼoni? (8) Ko te ʼu mālohi faka politike fea ʼo totatou temi ʼaē ʼe nātou fakahoko te ʼu lea faka polofeta ʼaē ʼe tou maʼu ia Apokalipesi 13:11 pea mo te 17:11? (9) Koteā te ʼu meʼa ʼaē neʼe hā ʼi te foʼi ʼata ʼe fakamoʼoni ai ki te vaega ʼo Tagata Tānaki 8:9? (10) ʼE fakaloto mālohiʼi feafeaʼi e te foʼi ʼata ʼaia takotou tui ki te ʼu fakapapau ʼo te Tohi-Tapu ʼo ʼuhiga mo te ka haʼu? (11) ʼE koutou lava fakaʼaogaʼi feafeaʼi te foʼi fime viteo ʼaia moʼo fakamoʼoni ki te hahaʼi ʼe haʼu te Tohi-Tapu mai te ʼAtua?