Te Tali Ki ʼAkotou ʼu Fehuʼi

◼ He koʼe ʼe tonu ke tou tokakaga mokā tou faitohi moʼo fai faka mafola?

Ko te fai faka mafola ʼaki te faitohi, ʼe ko he faʼahiga fai kua fualoa tona fakaʼaogaʼi, pea ʼe lelei moʼo faka mafola te logo lelei. Kae ʼaki te ʼu meʼa ʼaenī kua hoko ʼi te malamanei, ʼe mole fia avahi e te hahaʼi te ʼu tohi ʼaē ʼe mole nātou ʼiloʼi peʼe haʼu maifea, peʼe mole tuʼu ai te tuʼasila ʼo ia ʼaē neʼe ina momoli age, tāfito la mo kapau neʼe tohi nima peʼe mātolu te sila. ʼE lagi līaki anai e te hahaʼi te ʼu tohi ʼaia, kae mole nātou avahi. Koteā ʼaē ʼe feala ke tou fai, ke mole hoko he meʼa feiā?

Kapau ʼe feala, pea koutou tohi ʼaki he masini tā te tohi pea mo te ʼu meʼa ʼaē ʼe tohi ʼi te sila. Koutou tohi ʼi te sila te higoa ʼo ia ʼaē ʼe momoli ki ai te tohi. ʼAua naʼa koutou tohi “Kia ia ʼaē ʼe nofo ʼi te ʼapi ʼaenī.” Tahi ʼaē meʼa, koutou tohi tuʼumaʼu tokotou tuʼasila ʼi muli. Kapau ʼe faigataʼa he tuku age ʼo tokotou tuʼasila, pea koutou tohi tokotou higoa pea mo te tuʼasila ʼo te Fale ʼo Te Puleʼaga. ʼAua naʼa koutou momoli he ʼu tohi, kae mole koutou tohi ai tokotou higoa. ʼAua naʼa koutou tuku age te tuʼasila ʼa te filiale.—Vakaʼi Te Tali Ki ʼAkotou ʼu Fehuʼi ʼi Te Minisitelio ʼo Te Puleʼaga ʼo Novepeli 1996.

ʼI te tohi Tirez profit de l’École du ministère théocratique, pasina 71-73, ʼe tuʼu ai te tahi ʼu tokoni moʼo fai he tohi. Ko te ʼu tokoni ʼaia, ʼe tokoni mai anai ke tou fai fakalelei totatou ʼu tohi moʼo faka mafola ki te hahaʼi te logo lelei.