He ʼu Manatu ʼo ʼUhiga Mo Te ʼu Nusipepa
Te Tule Leʼo ʼaho. 1 ʼo San.
“Ka mate he tahi neʼe tou ʼofa ai, peʼe ka tou mahahaki, ʼi te agamāhani ʼe tou ʼui fēnei, ‘He koʼe koa ʼe fakagafua e te ʼAtua ia te faʼahi ʼaia?’ Kua lagi hoko pe kia koe ia te faʼahi ʼaia. ʼE fakahā mai e te Tohi-Tapu ʼe mahino te ʼAtua ki tatatou ʼu mamahi. [Lau age ia Isaia 63:9a.] Ko te nusipepa ʼaenī ʼe ina fakamahino mai, ʼe tou lava tui papau ko te ʼAtua ʼe ina fakagata anai te ʼu mamahi.”
Réveillez-vous ! ʼaho 8 ʼo San.
“ ʼI tau manatu, ʼe tonu koa ki te puleʼaga ke ina faka tuʼakoi te fealagia ʼaē ke tou palalau faʼitaliha? [Tuku ke fai mai hana tali.] E feafeaʼi mo kapau ʼe tou fia palalau ki te hahaʼi ʼo ʼuhiga mo te lotu, ohage ko tatatou lau ʼi henī? [Lau age ia Gaue 28:30, 31.] Mole heʼeki faʼa fualoa neʼe vakaʼi te faʼahi ʼaia ʼi te Telepinale Lahi ʼo Amelika. ʼE ʼau fia tuku atu te Réveillez-vous ! ʼaenī ke ke lau peʼe koteā ʼaē neʼe hoko ʼo ʼuhiga mo te faʼahi ʼaia.”
Te Tule Leʼo ʼaho 15 ʼo San.
“ ʼAki te hahaʼi fuli ʼaē neʼe mamate ʼi te ʼu tau pea mo te ʼu fai fakapō ʼaē neʼe hoko ʼi te malamanei, ʼi tau manatu, kua mālo koa te kovi ʼi te lelei? [Tuku ke fai mai hana tali.] Koʼeni te ʼui ʼa te Tohi-Tapu ʼo ʼuhiga mo te ʼAtua. [Lau age ia Pesalemo 83:18b.] Mai tona ʼuhiga ʼaē ko te ʼAtua te Māʼoluga ʼi te kele, ʼe lava mālo moʼoni koa te kovi? [Tuku ke fai mai hana tali.] Ko Te Tule Leʼo ʼe ina tuku mai he tali lelei ki te fehuʼi ʼaia.”
Réveillez-vous ! ʼaho 22 ʼo San.
“ ʼI totatou temi, ʼe lahi ʼaupito tatatou maʼuli tuʼania. ʼE ʼi ai te faʼahi ʼe tuʼania tāfito kiai te hahaʼi, ʼe higoa ko te usurpation dʼidentité, ko te fakaʼaogaʼi kākā e ʼihi tokita higoa. Kua koutou logo koa ki te faʼahi ʼaia? [Tuku ke fai mai hana tali.] ʼE fakapapau mai e te Tohi-Tapu, ʼe mole tou toe maʼuʼuli tuʼania anai ʼi te kele. [Lau age ia Isaia 11:9.] Ko te nusipepa ʼaenī ʼe ina fakamahino mai peʼe hoko feafeaʼi anai ia te faʼahi ʼaia.”