TE MAʼULI FAKAKILISITIANO
ʼAua Naʼa Ke Fakamafola Ni Loi
Ia ʼaho nei, ʼe feala ke vaevae fakavilivili he logo ki te toko lauʼi miliona hahaʼi ʼaki te nusipepa, mo te latio, mo te televisio pea mo te Neti. ʼE mole fia fakamatala e te kau atolasio ʼo te “Atua o te mooni” ni loi. (Pes 31:6; Ek 23:1) ʼE feala ke fua kovi te fakamatala ʼo ni loi ʼo ʼuhiga mo ʼihi. Kapau ʼe ke fia iloʼi pe ʼe moʼoni te logo ʼaia, fai te ʼu fehuʼi ʼaeni:
‘ ʼE au falala koa kia ia ʼae ʼe ina momoli mai te logo?’ ʼE lagi ʼe mole iloʼi e ia ʼae ʼe ina fakamatala mai te logo te ʼu meʼa fuli ʼae neʼe hoko. ʼE mahino ia, ka feʼaveʼaki he logo ʼe feala ki ʼamuli ke mole kei totonu. Koia, tokaga kapau ʼe mole ke iloʼi pe ko ai ʼae neʼe ina momoli atu te logo. ʼE tou tui ki te ʼu logo ʼae ʼe tala mai e natou ʼae ʼe ʼi ai honatou pilivilesio ʼi te kokelekasio. Koia ʼe tonu kia natou ʼaia ke natou tokakaga kapau ʼe mole natou iloʼi pe ʼe hau maifea he logo
‘ ʼE ko he fasituʼu koa?’ Kapau ko he logo ʼe ina ʼulihi te matagafua ʼo he tahi peʼe ko he kutuga, ʼe lelei age ke mole toe fakamatala.—Taa 18:8; Flp 4:8
‘Neʼe mole fakalalahi koa te ʼu meʼa ʼae neʼe fakamatala mai?’ Kapau koia pea tokaga pe
VAKAʼI TE ʼATA VITEO ʼE FEAFEAʼI TE FAKAGATA ʼO HE FAIFATUFATU? PEA MO TALI KI TE ʼU FEHUʼI ʼAENI:
ʼO mulimuli kia Taaga Lea 12:18, ʼe feala ke malave feafeaʼi te ʼu palalau?
Kotea te tokoni ʼe foaki mai ia Filipe 2:4 moka tou palalau ʼo ʼuhiga mo ʼihi?
Kotea ʼae ʼe tonu ke tou fai moka tou tokagaʼi kua liliu te faipalalau ia ko he vaʼi ʼo he tahi peʼe ko hona valokiʼi?
Kotea te ʼu fehuʼi ʼe tonu ke tou fai ʼi muʼa ʼo hatatou palalau ʼo ʼuhiga mo he tahi?