Puipui ʼAu Felogoi Mo Sehova

ʼE maʼu e te kau Fakamoʼoni ʼa Sehova he pilivilesio makehe. ʼE moʼoni ʼi totatou ʼuhiga Kilisitiano, ʼe tou maʼu mo te Tui ʼAliki ko Sehova he felogoi lelei. ʼE ina taki tatou kia te ia ʼaki tona ʼAlo. (Soa 6:44) ʼE fagono mai ki ʼatatou faikole.—Pes 34:16.

ʼE feafeaʼi hatatou puipui ʼatatou felogoi lelei mo te ʼAtua? ʼAua naʼa tou faʼifaʼitakiʼi te aga ʼae ʼe kovi ʼa te kau Iselaele. Hili pe tanatou fai te fuakava mo Sehova, neʼe natou faʼu he pipi aulo pea mo liliu ʼo tauhi taula ʼatua. (Ek 32:7, 8; 1Ko 10:7, 11, 14) ʼE feala pe ke tou fai te ʼu fehuʼi ʼaeni: ‘Kotea ʼae ʼe au fai moka fakahalaʼi au? ʼE ha koa ʼi ʼaku aga ʼe au puipui ʼaku felogoi mo Sehova?’ ʼI tatatou ʼofa lahi ʼae ki tatatou Tamai ʼi selo, ʼe tokoni mai anai ke tou tekeʼi te ʼu meʼa ʼae ʼe fehiʼa ki ai.—Pes 97:10.

VAKAʼI TE ʼATA VITEO PUIPUI ʼAU FELOGOI MO SEHOVA (KOL 3:5), PEA MO TALI KI TE ʼU FEHUʼI ʼAENI:

• Kotea te lotomanumanū?

• He koʼe ʼe tonu ke tou liʼaki te manumanū mo te tauhi taula ʼatua?

• Kotea te pikipikiga ʼo te tono mo te tauhi taula ʼatua?

• He koʼe ʼe tonu ki te ʼu tehina ʼae ʼe ʼi ai honatou ʼu maʼua ʼi te kokelekasio, ke natou tokakaga tafito ki te ʼu meʼa ʼae ʼe ʼaoga ki ʼonatou ʼohoana?