Kotea ʼAe ʼe Tou Ako Mai Te Folafola ʼa Te ʼAtua?

ʼE maʼu te logo ʼa te ʼAtua ʼi te Tohi-Tapu, peʼe ko tana folafola. ʼE fakaha ai pe kotea ʼae ʼe tonu ke fai ke lelei ai totatou maʼuli pea mo fakafiafiaʼi te ʼAtua. Pea ʼe toe tali ki te ʼu fehuʼi ʼaeni:

1 Ko ai te ʼAtua?
2 ʼE tou lava iloʼi feafeaʼi te ʼAtua?
3 Ko ai ʼae neʼe ina tohi te Tohi-Tapu?
4 ʼE alu tahi koa te Tohi-Tapu mo te sienesia?
5 Kotea te logo ʼo te Tohi-Tapu?
6 Kotea ʼae neʼe fakakikite ʼi te Tohi-Tapu ʼo ʼuhiga mo te Mesia?
7 Kotea ʼae ʼe fakakikite ʼi te Tohi-Tapu ʼo ʼuhiga mo totatou temi?
8 Ko te ʼAtua koa ʼae ʼe ina fakatupu te mamahi?
9 He koʼe ʼe maʼuli mamahi te tagata?
10 Kotea te fakapapau ʼa te Tohi-Tapu ʼo ʼuhiga mo te ka haʼu?
11 Kotea ʼae ʼe hoko moka mate he tahi?
12 Kotea tatatou ʼamanaki ʼo ʼuhiga mo te kau mate?
13 Kotea ʼae ʼe ui ʼi te Tohi-Tapu ʼo ʼuhiga mo te gaue?
14 ʼE tou lava fakaalualu feafeaʼi ʼotatou koloa?
15 ʼE tou lava maʼu feafeaʼi ia te fiafia?
16 ʼE tou lava tauʼi feafeaʼi ia te lotohoha?
17 ʼE lava tokoni feafeaʼi te Tohi-Tapu ki tou famili?
18 ʼE tou lava fakaovi feafeaʼi ki te ʼAtua?
19 Kotea ʼe tou maʼu ʼi te ʼu tohi ʼo te Tohi-Tapu?
20 Kotea te ako ʼe kotou taʼofi ʼi takotou lau ia te Tohi-Tapu?

ʼE MAʼU FEAFEAʼI HE VAEGA TOHI-TAPU?

ʼE faʼufaʼu ia te Tohi-Tapu ʼaki te ʼu tohi ʼe 66. ʼE koga lua te Tohi-Tapu: Te ʼu Tohi Fakahepeleo Mo Fakaalamea (“Tauhi ʼAfeā”) pea mo te ʼu Tohi Fakakeleka (“Tauhi Foʼou”). ʼI te ʼu tohi fuli, ʼe maʼu ai ʼona kapite pea mo ʼona vaega. Moka tohi he vaega Tohi-Tapu, ko te ʼuluaki numelo ʼe ko te kapite pea ko te numelo ʼae ʼe muli mai ʼe ko te vaega. Ohage la, ko Senesi 1:1 ko tona fakaʼuhiga ko Senesi kapite 1 vaega 1.