Eniha família ꞌremhã robdzedzé.

E NIHA BÍBLIA TE TINHA

‘Niꞌwam norĩ hã, ꞌRe ĩhöimana uꞌötsi mono dzadawa watsuꞌu hã te te ꞌre ꞌmadöꞌö petse dzaꞌra mono wamhã, tãma ꞌre rowẽ uptabi dzaꞌra mono di dza.’ —Lucas 11:28, ꞌRe Ĩhâimana Uꞌâsi Mono Zadawa Wasuꞌu.

E NIHA TA HÃ TE DZA AIPAWAPTO

Ate família norĩ te dza tsitsawi uptabi dzaꞌra. —Efésios 5:28,29.

Ate família norĩ te dza tsiwadzéb dzaꞌra. —Efésios 5:33.

Ate família norĩ te dza tsiré ꞌre höimana uꞌötsi dzaꞌra romharé na. —Marcos 10:6-9.

E WA DZA TSADZEI PETSE DZAꞌRA NI BÍBLIA TE TE ĨNHARĨ HÃ.

Ĩhe, maparane marĩ uꞌöbö:

• Höimanaꞌuꞌö família ꞌmanharĩꞌwa. Bíblia te tinha Jeová te te Adão ĩpoto na duré taha pari, ma poto piꞌõ Eva ĩmro da hã. (Mateus 19:4,5) Ãne, Jeová ma ꞌmanha família hã. Ãne mono hã,família norĩ te ꞌre höimana dzaꞌra Jeová tsi te te ꞌmanharĩ dzaꞌra wa. E marĩ wa, wẽ di waihuꞌu da ta hã.

  Ãma ĩtsimiré: A hã ma tô atsamarĩ ĩtse na duré te atsima ĩwẽ ꞌmanharĩ waihuꞌu da. Eꞌwa hã te dza ĩtsadanha. Datsa ꞌmanharĩ ꞌwa hã.

  Ãne hã, waihuꞌu da eniha família ꞌremhã robdzedzéb da hã, te dza ĩtsadanha Jeová hã, família ꞌmanharĩꞌwa. —Marcos 10:6,9.

• Höimanaꞌuꞌö te aiꞌãma tihötöꞌö. Roti danhipai u ĩwẽ Bíblia ꞌremhã te tihöiba. E marĩ wa. Jeová nhimiroti wa duré ‘te te aiꞌmadöꞌö petse wa.’ (1 Pedro 5:6,7) Jeová te tsima wẽ wama rowẽ dzaꞌra da duré ĩtsimiroti hã te natsi wapawaptob dzaꞌra! —2 Timóteo 3:16.