E adöꞌö norĩ hã, apö te dzaꞌre höimana dzaꞌra.

E NIHA BÍBLIA TE TINHA

‘Dadöꞌö nherẽ, aihĩni apö te teꞌre ĩdaꞌahöiwaꞌutu mono dzém na wa tô ãma tsatsõ’. — Atos 24:15, ꞌRe Ĩhâimana Uꞌâsi Mono Zadawa Wasuꞌu.

E NIHA TA HÃ TE DZA AIPAWAPTO

te dza aima rowẽ atsiri ꞌremhã niꞌwa aima ĩtsawipe döꞌö wamhã. — 2 Coríntios 1:3, 4.

te dza aipawapto aipahi tõ da dadöꞌödzé ma hã. — Hebreus 2:15.

te dza tidzaꞌẽtẽ atsimidzadze dza ĩtsõpẽtẽ dzahu na atsitsãnawã norĩ duré atsiwaihu norĩ ĩdöꞌö dzaꞌra. — Atos 24:15.

E WA DZA TSADZEI PETSE DZAꞌRA NI BÍBLIA TE TE ĨNHARĨ HÃ.

Ĩhe, tsiꞌubdatõ marĩ uꞌöbö:

• Höimanaꞌuꞌö Dapotoꞌwa. Bíblia te tinha: ‘Jeová Höimanaꞌuꞌö ma tô uburé marĩ hã te te damaꞌre anhomri, ãmaꞌre ĩdahöimana dzaꞌra mono dzéb da hã’. (Atos 17:24, 25; Salmo 36:9) Õ hã te te tsõmri wa, ropoto ma dahöimanadzé hã tãma wapure di apö dahöimanadzé te te ĩtsõmri da hã niꞌwa ĩdöꞌö ma.

• Höimanaꞌuꞌö ma tô daꞌahöiwaꞌutu. Bíblia te tinha 8 na – ĩhöiba té, ĩhöiba prédu, aibö duré piꞌõ – te te ĩꞌahöiwaꞌudu ꞌre höimana dzaꞌra mono da tiꞌai ãma apö. Niꞌwam norĩ hã ma tidöꞌö dzaꞌra tsyry na ma ãma tinomro dzaꞌra, tadzahã mitsi abꞌre ãma te nomro 4 na bötö na. — João 11:39-44.

• Höimanaꞌuꞌö te tsima wẽ petse te te ꞌmanharĩ da ã hã apö. Jeová ma ꞌru ti dadö; tãma ĩtsitobꞌru. ‘Dadöꞌödzé hã te dadzada ꞌre höimana’. (1 Coríntios 15:26) Õ hã te tsima wẽ petse te te uprotsi da ã hã ĩtsitobꞌru duré taha da te dza dahöiwaꞌutu. Õ hã “pẽꞌẽdzé” di ꞌre ĩdatsiꞌubumro mono norĩ ãma tinhimirotsaꞌrata ꞌremhã duré te tsima wẽ te te ꞌmadöꞌö dzaꞌra da ꞌre höimana dzaꞌra mono na apö tiꞌai ãma. — Jó 14:14, 15.