E ꞌwa hã Rotiꞌwa Tiꞌai ãma Wahuré.

E NIHA BÍBLIA TE TINHA

‘Tawamhã Waꞌuburé hã  . . . te duré tãma tinha, Jesus ma: — Uburé danhiptiꞌa hã ma tô ĩma tsõmri ni, ĩte da.’ — Lucas 4:5-7.

‘Waꞌuburé nhimiromhuri watsédé hã te te tiwi pari da, ma tô ꞌRe ĩhöimana uꞌötsi mono ꞌra hã we tiꞌai u datẽme mo.’ — 1 João 3:8, ꞌRe Ĩhâimana Uꞌâsi Mono Zadawa Wasuꞌu.

E NIHA TA HÃ TE DZA AIPAWAPTO

Te dza ĩwaihu ĩbö na e marĩ wa Tiꞌai ꞌremhã roꞌwaꞌrutu di. — Apocalipse 12:12.

Te dza ĩtsadze Tiꞌa hã dza ro ĩwẽ uptabi na. — 1 João 2:17.

E WA DZA TSADZEI PETSE DZAꞌRA NI BÍBLIA TE TE ĨNHARĨ HÃ.

Ĩhe, tsiꞌumdatõ marĩ uꞌöbö:

• Waꞌuburé nhimiroti te dza oto aiꞌutõ romhutu na. Jeová ma tô tsina roti te te uprotsi da Waꞌuburé nhimiroti daꞌãma. Jeová ma tô ropitsutu ‘Waꞌuburé nhiptede hã te te tiwi prub da’ te te apari da uburé marĩ ĩwatsédé te te ꞌre ĩꞌmanharĩ mono dzé hã. — Hebreus 2:14.

• Höimanaꞌuꞌö ma pitsutu Jesus rotiꞌwa da Tiꞌai ãma wahuré. Waꞌuburé, rotiwa na hã, watsété uptabi di duré te te daꞌãma rotsaꞌrata õ di. Jesus ĩtsinei õ di. Höimanaꞌuꞌö ma ropitsutu, Jesus, Rotiꞌwai wamhã, ‘dza te te ĩdaꞌapawapto na rowẽ na tsi ꞌre dahöimana dzaꞌra mono da’. — 2 Tessalonicenses 1:7.

• Höimanaꞌuꞌö hã tsadawa nhipetse õ di. Bíblia te tinha tsõꞌawi: ‘ꞌRe ĩhöimana uꞌötsi mono hã tsadawa nhipetse õ di.’ (Tito 1:2) Taha wa, te te dama ĩropitsutudzé hã te te ãma tsaprĩ waihuꞌu õ di! (Hebreus 6:18) Tô tsena, ‘romhutu na te dza tinha Waꞌuburé ma, oto te te ꞌre dawadaꞌuri tõ mono da.’ — João 12:31.