ROMNHORÉ 12
E marĩ te dza aipawapto ãma udzutsi da Ropotoꞌwai mreme na romnhoré da.
Ropotoꞌwai mreme na romnhoré marĩ danhipai u ĩwẽ ꞌmanharĩ da hã. Tadzahã ãté tahã wapu õ di. Ãté te ꞌröwi atsima ĩnha: “E te ãma udzutsi waihuꞌu petse di dza Ropotoꞌwai mreme na romnhoré na hã.” Tô tsena aima rowẽ di dza ãma udzutsi wamhã. E marĩ te dza aipawapto ãma udzutsi da romhöimana ꞌwaꞌrutu nherẽ.
1. E marĩ wa, Ropotoꞌwai mreme na romnhoré ĩmorĩꞌrata uptabi.
‘ꞌRe ĩhöimana uꞌötsi mono dzadawa watsuꞌu hã ĩhöiba ré ne, te tô wama ꞌre höimana uꞌötsi dzaꞌra. Tsiptete uptabi di duré ĩmreme hã.’ (Hebreus 4:12) Ropotoꞌwai mreme na romnhoré ĩpire uptabi. Te wama höiꞌré dzaꞌra Ropotoꞌwa nhimirotsaꞌrada duré ĩtsimidzawidzé waꞌãma. Ropotoꞌwai mreme te dza aima titsõ rowaihu, duré te dza aipawapto atsimidzaꞌretse na aihöimana da. Te dza duré aima titsõ marĩ ĩwẽ tsô ĩꞌatsimiparidzéb da hã aptoꞌoré wab da. Duré uburé nhipai u te dza aipawapto Jeová tsiwaihuꞌu da. Ropotoꞌwai mreme na romnhoré wamhã te dza ĩtsaꞌré ĩtsiptetedzé te te ãma tsaprĩ da aihöimanadzé ĩwẽ na.
2. E marĩ wa, ĩꞌmadöꞌö da tsi Ropotoꞌwai mreme nhimirowahudu ĩmorĩꞌrata uptabi na hã.
Ropotoꞌwai mreme nhimirowahudu te ãma tsimiréꞌé ni ẽtẽ waipo ĩwaꞌöbö dzaꞌẽtẽ ne hã. Taha wa, te tinha ‘wa te watsima ꞌre aꞌuipra dzaꞌra mono da duré wa te dama ꞌre aꞌwede dzaꞌra mono tõ da’. (Provérbios 23:23) Ropotoꞌwai mreme nhimirowahudu wama pire dzaꞌra wamhã, wa dza tsada wanhiptete dzaꞌra ni wa te natsi romnhoré dzaꞌra da ropire watobro nherẽ. — Tsõré na Provérbios 2:4, 5.
3. E niha Jeová te dza aipawapto ãma udzutsi da romnhoré na hã.
Jeová Ropotoꞌwa uburé Ĩwaihuꞌu pe duré Atsiwaihu. Tãma aiwaihuꞌu petse uptabi di. Taha wa, te tsima wẽ te te aipawaptob da ãma waihuꞌu da. Jeová ‘te aiꞌãma dzaꞌra waꞌaba te te ꞌre romhuri uꞌötsi, uburé marĩ te te tsima ꞌre ĩwẽ mono dzép tsi ãma tãma ꞌre uwaimrami dzaꞌra waꞌaba mono da.’ (Tsõré na Filipenses 2:13.) Taha wa, romnhoré dzei õ wamhã niwamhã tsadawa dzamarĩ pire wamhã, Jeová te dza aipawapto. Õ hã, te dza atsiré tihöiba duré atsiptetedzé te dza aima titsõ ropire ꞌwapé da. Natsi rowaptẽrẽ Jeová wi te te aipawaptob da Ĩmreme na romnhoré na ãma udzutsi da. — 1 Tessalonicenses 5:17.
WAIHUꞌU DURÉ
Te dza ĩwaihu e niha te dza ĩꞌmanha ãma udzutsi da Ropotoꞌwai mreme na romnhoré na hã atsada dahöimana dzaꞌra nherẽ, niwamhã atsiꞌwaꞌrutu nherẽ. Te dza ĩꞌmadö duré e niha Jeová te dza aipawapto tãma hö da.
4. Höiꞌré na Ropotoꞌwai mreme na romnhoré aima ĩpire na hã
Marĩ ahö na wanhiꞌwaꞌrutu dzaꞌra wa, ãté bödö höimana õ di Ropotoꞌwai mreme na wa te romnhoré dzaꞌra da. E marĩ te dza aipawapto ãne wamhã. Atsiré tsõré aba Provérbios 21:5. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
Aima hã, e marĩ danhipai u ĩpire norĩ hã ‘ãma atsima ꞌre rowaꞌõtõ wẽ mono da hã’.
E niha te dza ĩhöiꞌré Ropotoꞌwai mreme na romnhoré aima ĩpire na hã.
Ĩmorĩꞌrada ꞌmatsitsi wamhã pidza tsupara na duré taha parimhã ẽtẽ norĩ ãma tsẽrẽ wamhã, ẽtẽ norĩ hã te dza tsiꞌatarẽme dzaꞌra.
Tadzahã ĩmorĩꞌrada ẽtẽ norĩ ãma tsẽrẽ wamhã, tsada hã tsẽrẽ da tsupara uburé. Ãne duré, ĩmorĩꞌrata na ꞌmanharĩ wamhã marĩ danhipai u ĩpire norĩ hã, tsada hã ꞌmanharĩ da marĩ ĩhöiba amo norĩ hã duré.
Ma tô wapoto dzaꞌra ni Ropotoꞌwai ãma wawata dzaꞌra da duré wa te waihuꞌu dzaꞌra da. Ãne wa te ãma uwaimrami waihuꞌu petse dzaꞌra di Ropotoꞌwai mreme na romnhoré na hã. Atsiré tsõré aba Mateus 4:4. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ na te dza wama tinhoprub dzaꞌra Ropotoꞌwai mreme na romnhoré wama pire dzaꞌra wamhã.
5. Tãma hö na atsada dahöimana nherẽ
Ãté niꞌwam norĩ te dza atsada tihöimana dzaꞌra Ropotoꞌwai mreme na romnhoré tõ da. ꞌMadöꞌö Francesco watsuꞌu. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
Ĩropoto na hã, e niha Francesco tsiwaihuꞌu norĩ duré ĩtsitsãnawã norĩ te tihöimana dzaꞌra tãma tsiwatsuꞌu dzaꞌra wamhã te te ĩromnhorédzém na hã.
E niha ma tô tãma tanhoprum ni te te tãma hö wa.
Atsiré tsõré aba 2 Timóteo 2:24, 25. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E niha atsitsãnawã norĩ duré atsiwaihuꞌu norĩ te rotsaꞌrata dzaꞌra atsimiromnhoré na hã.
Ãhã romnhihötö norĩ dzarina, e marĩ te dza ĩꞌmanha niꞌwa te te aima ꞌrui wamhã Ropotoꞌwai mreme na romnhoré tõ da. E marĩ wa.
6. Umnhatsi Jeová dza te te ĩꞌaipawaptom na hã
Jeová tẽme wa te watsina ꞌre rotété dzaꞌra mono tsidöpötsi, wa dza watsima wẽ dzaꞌra ni wa te tãma rowẽ dzaꞌra da. Tane nherẽ, ãté pire di wahöimanadzém na hã wa te ãma tsaprĩ dzaꞌra da, te te wawi ĩwaptẽrẽ dzaꞌra dzéb dzarina. Ãne aima pire wamhã duré, tsadzöri tõ. Jeová te dza aipawapto. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
Ĩropoto na, e marĩ Jim ma tô ãma tsaprĩ tihöimanadzém na te te rowẽ da Jeová ma.
E marĩ ma aima rowẽ ĩwatsuꞌu na hã.
Atsiré tsõré aba Hebreus 11:6. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E marĩ Jeová te dza ꞌmanha ‘õhõ dzô tsi ꞌre ĩtsõpré dzaꞌra mono norĩ ma’, niwamhã tsada ꞌre ĩtsiptete dzaꞌra mono norĩ ma hã te te waihuꞌu dzaꞌra da duré te te tãma rowẽ dzaꞌra da.
Aima hã, e niha Jeová te tihöiba te te ꞌmadöꞌö wamhã atsiptetedzé Ĩmreme na ꞌre romnhoré uꞌötsi mono da.
NIꞌWA TE TE ATSADANHARĨ WAMHÃ BÉTÉ “E marĩ wa, te ĩromnhoré Ropotoꞌwai mreme na Jeová Watsuꞌuꞌwa norĩ me.”
E marĩ te dza ĩtsadaꞌö.
ĨWAIHUꞌUDZÉ HÃ
Ropotoꞌwai mreme na romnhoré ãté wapu õ di. Tane nherẽ, ãne ꞌmanharĩ wamhã, rowẽ tsina te dza ꞌre aihöimana uꞌötsi mo. Jeová ꞌre umnhatsi mono wamhã, te dza aima tinhopru.
Ãma aipoꞌre puꞌu
E marĩ wa Ropotoꞌwai mreme nhimirowahudu aima ĩmorĩꞌrata uptabi.
E niha te dza ĩhöiꞌré Ropotoꞌwai mreme na romnhoré aima ĩpire uptabi na hã.
E marĩ wa, te dza ĩwaptẽ Jeová wi te te aipawaptob da Ĩmreme na romnhoré na ãma udzutsi da.
TSÔ AIRĨTĨ DURÉ
ꞌMadöꞌö 4 dapawaptobdzé bötö na dahöimana wẽ na hã.
“E niha te dza ĩꞌuprotsi wẽ atsibödö.” (Atsimidzaꞌretse!, fevereiro 2014 na)
Piꞌõ te tsima wẽ te te rowẽ da Ropotoꞌwai ma. Tadzahã, ĩmro hã te te tsadaihuꞌu õ di uburé te te ĩꞌmanharĩdzé hã taha da. ꞌMadöꞌö e niha Jeová ma tô pawapto piꞌõ hã.
ꞌMadöꞌö e niha aibö ma tô pawaptom ni ĩmro te te tãma ĩhödzém hawi.
Nimahã na hã Jeová Watsuꞌuꞌwa norĩ ãma te da te ꞌre tsaꞌra dzaꞌra ĩꞌupa família norĩ ĩtsipoꞌo dzaꞌra na hã. E tahã tô tsena.