ROMNHORÉ 37
E marĩ Ropotoꞌwai mreme te tinha romhuri na duré robꞌuipradzém na.
E nimahã na hã ma tô aihötö romhuri na duré robꞌuipradzém na. Ãté pire di wa te romhuri dzaꞌra da watsiꞌuparidzéb da uburé wapẽꞌẽ na Jeová ãma ꞌre wawata dzaꞌra mono tsina. Tadzahã Ropotoꞌwai mreme te wama roti wẽ dzaꞌra te te wapawaptob dzaꞌra da.
1. E marĩ Ropotoꞌwai mreme te tinha romhuri na.
Ropotoꞌwa te tsima wẽ, wa te watsima robdze dzaꞌra da wanhimiromhuri na. Ropotoꞌwai mreme te tinha “marĩ danhipai u ĩwẽ hã aibö ma hã . . . tinhimiromhuri na te te tsima rowẽ wamhã.” (Eclesiastes 2:24 TNM) Jeová tsimiꞌẽ na te romhu. Ĩtsine wanhimiꞌẽ na wa te romhuri dzaꞌra wamhã wa tãma rowẽ dzaꞌra ni watsima dzama.
Romhuri hã ĩpire. Tadzahã niwa wa te rotsaꞌrata dzaꞌra õ di dza Jeová ãma wawatadzém nhipai u ĩpire na hã. (João 6:27) Jeová te ropitsutu tsô ꞌre wanhopré dzaꞌra mono wamhã ĩmorĩꞌrata na dza te te wama ĩtsõmri dzaꞌra na hã wawi tsô ĩrowaptöꞌödzé wahöimanadzéb da hã.
2. E niha ĩbö na wa dza rotsaꞌrata dzaꞌra ni robꞌuipradzém na.
Ropotoꞌwai mreme te te nharĩ nherẽ “robꞌuipradzé waꞌwawi datsimapadzéb da na hã”, te duré tinha õhõ tsi te te wama ĩꞌãwitsi dzaꞌra õ na hã robdze hã. (Eclesiastes 7:12 TNM) Taha wa, te wama roti dzaꞌra robꞌuipradzé wa te tsawi dzaꞌra tõ da, duré ‘wanhibro hã wama ꞌre ĩhöimana dzaꞌra mono na tsi, wa te watsima ꞌre rowẽ dzaꞌra mono da.’ (Tsõré na Hebreus 13:5.) Ãne wa te ꞌmanharĩ dzaꞌra wamhã, wawi robdzeiꞌõ dzaꞌra õ di dza, wa te watsina rotsaꞌrata dzaꞌra wa wanhimarĩꞌõ na hã. Duré marĩ norĩ taré wa te uipra dzaꞌra õ di dza nimamep tsi wa te waꞌöbö dzaꞌra da. (Provérbios 22:7) Ãne wa dza tiwi watsiwẽꞌõ dzaꞌra ni ropipa ĩhöimana wi dato robꞌuipradzéb dzô, duré danhimiꞌmanharĩdzém na danhibrop tsuꞌu da.
3. E niha wa dza dama wanhoprub dzaꞌra ni wate robꞌuipradzém na.
Ropotoꞌwa Jeová tsõprub di, duré te tsima wẽ ĩtsine ‘marĩ wẽ na dama ꞌre wanhoprub dzaꞌra mono da, duré wanhimiꞌẽ na marĩ na wa te ꞌre dadzari uꞌötsi dzaꞌra mono da.’ (1 Timóteo 6:18) Ãne wa dza ꞌmanharĩ dzaꞌra ni datsiꞌrãꞌõtõdzé wa te upari dzaꞌra wamhã, duré wa te pawaptob dzaꞌra wamhã marĩ dzô tiwi tsô ĩrowaptöꞌö dzaꞌra norĩ, ĩmorĩꞌrata uptabi na watsitsãnawã norĩ. Jeová ma marĩ õ di tsuru na niwamhã tsaꞌẽtẽ na dama wanhoprub dzaꞌra wamhã. Õ hã te tsima wẽ ꞌröwi wapẽꞌẽ na dama wanhoprub dzaꞌra da. Ãne wa te ꞌmanharĩ dzaꞌra wamhã wama robdze dzaꞌra di dza duré wa dza tãma rowẽ dzaꞌra ni. — Tsõré na Atos 20:35.
WAIHUꞌU DURÉ
Te dza ĩꞌmadö e marĩ wa wẽ di dza ĩbö na romhuri na wa te rotsaꞌrata dzaꞌra wamhã, duré marĩ wama ĩhöimana na hã wa te watsima robdze dzaꞌra wamhã.
4. Jeová ãma aiwata atsimiꞌẽ na romhuri na
Watsiwaihuꞌudzé Jeová ãma te dza rétsi wanhimirotsaꞌrada romhuri na hã. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
Ĩropoto na, e marĩ na ma tô atobꞌudzu Tsereꞌuꞌö nhimirotsaꞌrata na, duré ĩhöimanadzém na romhuridzéb ãma.
E marĩ ma tô ꞌmanha ĩbö na te te rotsaꞌrata da romhuri na.
Atsiré tsõré aba Colossenses 3:23, 24. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ wa, wanhimiꞌẽ na wa dza romhuri dzaꞌra ni.
Romhuri hã ĩpire. Tadzahã wa te ãma rotsaꞌrata dzaꞌra õ di dza ĩmorĩꞌrata uptabi na hã Jeová ãma wawatadzém nhipai u.
5. Tsada hã wa te watsima robdze dzaꞌra da wama ĩhöimana tsirõmo na
Daꞌahö na te romhuri dzaꞌẽtẽ dzaꞌra ni robꞌuipradzé ahö na da te ubumro da. Tadzahã Ropotoꞌwai mreme aimawi na te wama roti dzaꞌra. Atsiré tsõré aba 1 Timóteo 6:6-8. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ na Ropotoꞌwai mreme te wama roti dzaꞌra.
Wanhimarĩꞌõ nherẽ tsada hã wa te watsima robdze dzaꞌra da. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã.
Ĩte robꞌuipradzéb dzaꞌra tsuru nherẽ, e marĩ wa, tãma robdze dzaꞌra di.
Bété wanhibro petse nherẽ. Danhibro dzaꞌẽtẽ dzô ꞌre wanhopré dzaꞌra mono wamhã, Jesus ma tô ãma tsimiréꞌé e marĩ wa tahã pipa di. Atsiré tsõré aba Lucas 12:15-21. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ ma tô ĩwaihu Jesus te te ãma ĩtsimiréꞌédzém na hã. — ꞌMadöꞌö aba ĩtsihötö ꞌrare 15.
Atsiré tsõré aba Provérbios 10:22 duré 1 Timóteo 6:10. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E marĩ danhipai u ĩpire. E Jeová ãma datsiwaihuꞌudzé. E danhibro hã. E marĩ wa, ãne te ĩrotsaꞌra.
E marĩ wa pipa di robꞌuipradzéb dzô dahöimana.
6. Jeová te dza wama tsõmri dzaꞌra wawi tsô ĩrowaptöꞌödzé
Ropire robꞌuipradzéb dzô ĩrowaptöꞌödzéb uꞌöbö duré romhuri uꞌöbö te dza pibu wanhimidzadze Jeová ãma. ꞌMadöꞌö aba ĨROPODO waihuꞌu aba da e niha ropire hã wa dza ꞌwapé dzaꞌra ni taha na wanhimidzadze da te pibu dzaꞌra wamhã. Taha parimhã atsima robdzanhamri aba ãhã dadzadanharĩ norĩ ãma piꞌrebamhã.
Ĩropoto na, e mahã ropire norĩ watsitsãnawã ma tô ꞌwapé.
E marĩ ma tô ꞌmanha ropire te te ãma aiꞌuté da.
Atsiré tsõré aba Mateus 6:25-34. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ na Jeová te ropitsutu ĩmorĩꞌrata na tsô ꞌre ĩtsõpré mono norĩ ma.
NIꞌWAM NORĨ TE NHARĨ DZAꞌRA ÃNE: “Wa hã, te ĩromhuri da tsi ĩ̱mro duré ĩ̱ꞌra norĩ te tsiptete upari dzaꞌra da. Tsadai õ di datsiꞌrãꞌõtõdzéb u romhuri tsidöpötsi ĩ̱morĩ da.”
E mahã Bíblia nhihödö te aima waihuꞌu Jeová dza te te aima ĩtsõmri na hã aiwi tsô ĩrowaptöꞌödzé hã ĩmorĩꞌrata na tsô ꞌre atsõpré mono wamhã.
ĨWAIHUꞌUDZÉ HÃ
Romhuri hã duré robꞌuipradzé hã ĩpire. Tadzahã, wa te tsaꞌré dzaꞌra õ di dza te te wawi roꞌwaꞌrutu dzaꞌra da Jeová ãma wawata dzaꞌra tõ da.
Ãma aipoꞌre puꞌu
E marĩ te dza aipawapto ĩbö na rotsaꞌrata da romhuri na.
E marĩ wa, aima rowẽ di dza aima robdzei wamhã oto aima ĩhöimana na tsi.
E niha te dza ĩhöiꞌré ĩꞌumnhatsi na hã Jeová dza te te ĩtsõmri na hã tinhibꞌaꞌuwẽ norĩ ma tiwi tsô ĩrowaptöꞌö dzaꞌra dzé.
TSÔ AIRĨTĨ DURÉ
E Ropotoꞌwai mreme te tinha robꞌuipradzé ĩwatsété na hã. Uptsibi me na ĩtsihötödzém na hã.
“E robꞌuipradzé rowatsété dzaniꞌwa.” (Ĩtsihötödzé jw.org na)
ꞌMadöꞌö e niha te dza ĩꞌupro ate robꞌuipradzé Ropotoꞌwai ma rowẽ da.
“E marĩ Ropotoꞌwai mreme te tinha danhoprubdzém na.” (Ĩtsihötödzé jw.org na)
E ĩböiꞌõ dato robꞌuipradzéb dzô.
“Ropotoꞌwai mreme nhimirowahudu — Dato robꞌuipradzéb dzô” (Atsimidzaꞌretse!, março 2015 na)
ꞌMadöꞌö te te ĩrétsidzé aibö dawi tsiptsaihuri tõ da oto, duré robꞌuipradzéb dzô to tõ da oto.
“Aré ĩ̱ma tsawi di awaru wara na datsiꞌwapé” (Roꞌmadöꞌöꞌwa, 1.º novembro na, 2011 na)